اي سؤال حول شيكاغو من دراسة وتسجيل ومعيشة انا حاضرة

السلام عليكم
هلا اخوي وعليكم السلام

مشكورة اختي وجه القمر على المبادرة الطيبه منك والله يجعلها ان شاءالله في حسنات اعمالك و يوفقك ويوفق الجميع يارب ..


عندي بصراحه استفسارات كثيرة او تقدري تقولي اي معلومه منك واي سالفة عن شيكاقو تعتبر مهمة ..

مبدئيا عندي اسئلة اتمنى تجاوبيني عليها او تعطني فكرة شامله عنها ..

1) انا طبيب و بروح ادرس هناك في معهد كابلن فحبيت اعرف معلومات عن السكن هناك والاسعار والاماكن المناسبة ؟
احسن شي تسكن في برزدنشل تور الغرفة وصالة بحوالي الف 50 دولار بس السكن فيه يشرح القلب ويسره وهو بوسط المدينة تمشي منه لكابلن او لجامعة الينوي بشيكاغو لانه قريب منهم وامن جدا جدا وراقي لابعد حد


سؤالي هنا ..
السكن هذا ينفع اخذه لفترة شهرين مثلا والا لازم يشرطون عليك فترات طويله ؟!
عموما نظام الاستديو هناك اللي بوسط المدينة كم تتراوح اسعاره ؟



2) بالنسبة للسكن مع عائلة هناك طول فترة ال 18 شهر اللي بجلسها في شيكاقو هل هو مناسب وكم اسعاره ؟
انا اعرف طلاب يسكنوا مع عوائل ويدفعون من 700-800 دولار وانصحك في ذا الشي لان بتتطور اللغة عندك اسرع


طيب كيف ادور على عوائل وكيف الطريقة وهل اقدر ابدل العائلة اذا ما ارتحت معاهم بسهولة ؟!


3) انا بروح في اوقست الجاي وباخذ معاي زوجتي في الصيف وفي البداية ابي اسكن في فندق او شقة مفروشه مؤقتة لمدة شهر ونص تقريبا فبرضو فنادق او شقق مناسبة باسعار مناسبة ؟
ممكن تسكن في فندق او موتيل في موتيلات في شيكاغو الليلة ب40 دولار اما لو حبيت الفنادق الفخمة مثل هولدي ان فلو حجزت في الويكند بتكون الليلة ب 90 دولار للسويت


4) هل المواصلات صعبة هناك ؟ هل لازم اخذ سيارة ؟ البلد مشاوريها بعيدة ؟!
لاتاخذ سيارة لان السيارات هنا احسن وارخص والباصات والقطارات في كل مكان في كثير طلاب مع زوجاتهم ممشيين امورهم من دون سيارات

5) كيف الجو مجملا سمعت انها باردة جدا في الشتاء ,, طيب الصيف بالنسبة لنا كيف ,, يعني وش نوع الملابس اللي تحتاج تلبسها في الصيف ؟
اول شي انا بنت بدو يعني عمري ماشفت ثلج ومع كذى كنت امشي نص ساعة من بيتي الى محطه الترين والثلج الى الركب ولامت والحمدلله بالعكس كل شي في امريكا حلو حتى الثلج والمشي فيه الجامعات والمكاتب والقطارات والباصات كل شي فيه تدفئة وبالنسبة للملابس عندهم ماركات للثلج مثل نورث فيس وكولومبيا يلبسونها ولايحسون باي ثلج او برد اما الصيف فهو فصل التنزة والرحلات وطبعا ملابسه خفيفة




اتمنى اكون افدتك اخوي وبالتوفيق