اي سؤال حول شيكاغو من دراسة وتسجيل ومعيشة انا حاضرة

مشكورة اختي على رحابة صدرك ومعلوماتك مفيده

انا جاي لشيكاغو في 5 مارس وللحين ما لقيت عائلة ...

تكفوون ساعدوني خاصة للي ساكنين في شيكاغو ..

دراستي في معهد els

الثامر تعال واسكن لك في شقة لمدة اسبوع وبعدها بتلقاا واجد عائلات خاصة في حي اوك بارك وذا قريب من معهدك وان مالقيت ابوصفك فندق تروح للمعهد حقك مشي وفي الشهر ب600 دولار وسكن اكثر من رائع 3 من اخوياي فية واذا تبي عايلة معهدك ينسق لك مع عايلة او تسال وراح تحصل كثاار وامرك بسيط لاتشيل هم وانا اخوك

هل فيه فندق قريب من الداون تاون (نوعاً ما) و لكن رخيص و مناسب للسكن فيه مدة اسبوع -اسبوعين ريثما الواحد يلقى له سكن مع عايلة ؟

اخوي فهد الرياض ياليت تذكر لنا اسم الفندق، و هل نظامه شهري؟ بمعنى اني آخذ شهر كامل و ادفعه لوحده؟ هل يناسب اسكن فيه مؤقت مدة شهر و اداوم بمعهد ديبول بالداون تاون؟

طيب ابشر ابشحن جوالي وكلم لك الي ساكن في الفندق واعلمك طريقته احسب لي 4 ساعات

في عمارة بالاوك بارك فيها غرفتين وصالة وتكرمون وحمام ومطبخ ب 850 دولار بس مو مفروشة
المطبخ كامل والتكييف موجود بس عليكم الشغلات الثانية مثل الاثاث مثال على ذلك السراير و والكنب والتلفزيون وفي غسالة ملابس بس برا الشقة لها غرفه خاصة غسالة الملابس وبس وكل هذا يكلف تقريبا 2500 دولار وتقدرين تشوفين العنوان هذاعن طريق القوقل ماب طبعا اهي مقابله لأوك بارك وفي عوايل سعوديين ساكنين فيها كثير

7308 W North Ave
Elmwood Park, IL 60707

امممم اذا ا ربعه والله ماعندي علم لانكم كثار لكن لو لحالك في فندق مرة حلوو وكويس ورخيص ب 600 دولار في اوك بارك وان كان تبي تروح الداون تاون قريب منك القرين لاين خذ لك بطاقة شهر كامل ب 86 دولار مفتوح اي وقت واركب ورح الداون تاون لكن والله جوالي مفصول ولا ابجيب لكم اسم الفندق من خويي لكن قريب بحط اسمة في المنتدى

ماشاء الله موضوع مازال من افضل المواضيع عن شيكاغو انا شخصيا استفدت منه

ملاحظة بسيطة للجايين في المستقبل ان شاء الله (هي في الاخير وجهة نظر) .

نظام المواصلات قوي جدا في شيكاغو بالاخص الترين.

وعشان توضح لكم الصورة ابدا لا تقارنوا الانتقال من مكان لمكان بالي حاصل في السعوديه
بمعنى
لو قيل لك الانتقال من المنطقة الفلانيه للمنطقة الفلانيه يستغرق 30 دقيقه فهذي تعتبر زي مشوار عشرة دقايق بالسعودية

فلا تتوقع انك تلقى سكن يكون ملاصق للجامعة خاصة لطلاب ديبول في الداون تاون
فلو لقيت سكن مؤقت يبعد عن جامعتك 40 او 50 دقيقة لا تقول انه بعيد بالذات انه بتجي قبل دراستك بفترة وماراح تجي الجامعة كل يوم
يكون وقتها عرفت المنطقة واخترت السكن المناسب لك واتعودت على طريقة المواصلات .

والله يوفق الجميع

حسان الفندق اسمه كارلتون ونضامة شهري وجدا حلو من ناحية الرخص ولكنة صغير شوي لكنها عمارة كبيرة وفيها حركة ناس تحت وقريب هذا طبعا للي بيسكن في اوك بارك يعني قريب من جامعه اي ال اس وقريب من الدومنيك وقريب من كابلن تحياتي اخوكم فهد

شكراً للإفادة

فهد .. اشكرك بقوة عزيزي
و الله يوفقك في دراستك