اي سؤال حول شيكاغو من دراسة وتسجيل ومعيشة انا حاضرة

التامين من احسن التخصصات وله مستقبل رهيب وانا لاحظت ان في نقص في السعودية
وبالتوفيق

هلا اختي صدف وقدمت امتحان توفل في جامعة الدومنيكان وشفت انها جامعة رايقة وفي منطقة هادية جدا فضلا على ان الاجارات في منطقتها رخيصة وعلى فكرة هي قريبة من وسط المدينة نص ساعة وبتكوني في الداون تاون واذكر اني لما قدمت اطفال لاحظت وجود مدرسة او روضة بقرب الجامعة اتمنى اكون افدتك

[QUOTE=Graduate_Dentist;1725426]السلام عليكم ورحمة الله وبركاته مساء الخير ... كيف حالك أتمنى تكونين بخير ..


أنا مسافر لوحدي ( مامعي أحد يعني مو عوايل ) يوم السبت ان شاء الله.. ومحتاج مساعده وناس تدلني على الطريق الصح .. طبعاً بروووح أول شي إلى واشنطن وبكون في شيكاغو على يوم الثلاثاء ظهراً .. بليز ودي انك تعلميني وش أسوي بالضبط من أوصل شيكاغو ووين أسكن طبعاً بعد الفندق

أولها كم يوم أحتاج أحجز بالفندق ... أنا ناوي أحجز ٣ ليالي تكفي ولا ؟؟
الفنادق اللي في بالي هي هوليدي ان و Club Quarters, Central Loop و Hotel Allegro Chicago

أي واحد فيهم تنصحيني فيه واذا في بالك غيره علميني عشان احجز ... ناوي بكره أحجزه ان شاء الله
اخوي ان شاء الله تصل بالسلامة والله يوفقك يارب
انا بقول لك الخطوات " خطه زمنية مقترحه" اتمنى انها تنورك :
1- لازم ترسل ايميل اليوم الى الحمدان ط الملحقية تعلمهم بوقت مجيئك لواشنطن وعلى اي خطوط - اتنمى ماتنسى-
2- لما تصل واشنطن وتخلص الاجراءات بتطلع وبتحصل سواق الملحقية على ما اذكر انه مصري وبيكون جايك في سيارة كبيرة وومكن هو منتظر احد غيرك بعد في نفس اليوم
3- بوديك السواق على فندق تتعامل معاه الملحقية هذا في حال وصلت يوم عطلة او وقت انتهاء دوام الملحقية وبيرجع لك ثاني من يوم الصباح لاجل تخلص اوراق في الملحقية
4 في حال كان اليوم في اوله تروح الملحقية وتحضر كم محاضرة ... وفي هذي الاثناء يصوروا اوراقك مثل الفيزا وشهاداتك وقرار الابتعاث " هذا الي اذكره" وبيصوروك داخل الملحقية علشان الهوية
5-بيعطوك شيك وهوية بعد انتهاء الماحضارات وبتملي لهم كم فورم
6- تحجز على مدينتك الي بتدرس فيها
7- ترجع الفندق وتروح بالشتل حقهم الى المطار وتسافر الى مدينتك وهي شيكاغو
8- تصل مطار شيكاغو بالسلامة حاول انك تستعجل وانت تمشي علشان تصف في الاول حتى لو كنت تبي تروح الحمام روح صف وحط شنطتك ومن ثم قول للي بيجي عقبك انه ينتبه لشنطه وروح الحمام وانت بكرامه
9- بيسالونك اسئلة عادية او ممكن ما يسالوا كلش بس بيخلونك تنتظر في غرفة جانبية والمسالة مسالة وقت فخلي معاك شي يسليك
10- لما تخلص من المطار بتسال الموظفين او الامن عن مكان شتل الفنادق
12-بيدلونك على قطار داخلي في الفندق تركبه وتنزل للطابق السفلي وهناك تشوف الشتل باص حق كل الفنادق
13- انا انصحك في فندق اكستد امريكا هوتيل بتلاقي باصهم صغير ابيض وسواقينه اثنين وحده سمراء او واحد اسمه كريس وتقول لهم انا حاجز في الفندق وتروح عادي
يتبع

14-عند وصولك للفندق تلاحظ وجود 3 انظمة يومي واسبوعي وشهري احجز الي يريحك ولما تبي تطلع مشوار فهم عندهم شتل يوديك لمنطقة المطاعم ومول او محطة الترين الي توديك على الداون تاون بس اهم شي لما تجي تطلع تدق على الرسبشن وتقول لهم وكمان في فطور وانترنت شامل للغرفة
15- انصحك اثناء هذا الوقت تروح مجمع سكني اسمه البرزدنشل تور واذا ما اندليته ممكن اعطيك رقم سواق عربي هو يدلك عليه وعلى فكرة التكاسي حسابهم بالعداد يعني ما في نصب بالنسبة للتكاسي
16- البرزدنشل تور من افخم المجمعات السكنية في شيكاغو كلها يليه البافليون ولو اني اشوف البافليون احسن منه وتقدر تروح له من خلال القطار الخط الازرق "خلي سواق الفندق يدلك عليه" وتنزل في محطه اسمها كمبرلاند ومن هناك اسال عنه موبعيد عن المحطه ابدا ميزته عن البرزدنشل ان فيه برك ونادي رياضة اكبر وخدمات اكثر
17- اذا شفت شي عندهم واعجبك لازم تعرف انك ما رح تقدر تسكن على طول احيانا المعاملات تقعد من يومين الى اسبوع يعني خلك في الفندق ممكن اسبوع او اكثر وانت في البرزدنشل تور معفى من دفع رسوم الطلب لانك طالب
18- وقت كتابة العقد جيب معاك جوازك والاي توني والضمان المالي الي خذيته من الملحقية وانت في واشنطن لاتنسى تطلب ورقة بالدخل يعني ورقة تثبت انك تاخذ راتب من الملحقية هذي جدا بتفيدك في امور الايجارات وما الى ذلك
20- احسن بنك هو بنك شيس بتروح له وبتاخذ منهم فورم بمليه معهدك وبيختمه وبترجعه للبنك ومن بعد كذى تقدر تفتح رصيد عندهم
21 خذ منهم شيكات باسمك وارسل واحد منهم للملحقية علشان ينزل راتبك
22- بالنسبة للسؤال الي كتبته برسالتك
يم جامعة الينوي في شيكاغو في جامعة قوية ثانية للطب اسمها رش
وانا ما رحت ماستر
ودخلت كابلن وسويت فيه دورات للامتحانات تحضيرية "جيمات"
في حال تبغى تاخذ عنوان الفنادق او عناوين مواقع حجز شقق او شراء اثاث ممكن ترجع للصفحات السابقة فيها كثير من المعلومات
اتمنى اكون افدتك وتوصل بالسلامه وربي يوفقك

مشكوره اختي بس ممكن اسمها صح بالانجليزي لأن حاولت أكتبها ولاعرفت وش أكتب صراحه ..

ياليت تفيديني

لو سمحتوا أحد يفيدني كيف تكتب هالأماكن بالانجليزي ..

السلام عليكم
شكرا اختي وجه القمر على مجهودك الجبار وانشالله يكون في ميزان حسناتك
عندي استفسارات لو تفضلتي
المبتعث يقدر يدرس بارت تايم ولا اجباري فل تايم ولو احد يبي يدرس علي حسايه الخاص وعنده فيزا f-1 يقدر يدرس بارت تايم او لا؟
استفساري الثاني:هل كابلن اسبكت شيكاغو فيه كورسات afternoon للي مايقدر يداوم الصبح
وايهما افضل KAPLAN ASPECT اوELS
ومشكولرة سلفا

شاكر لك بعنف

اختي هل جامعة ديبول موقوفه بسبب تكدس الطلاب السعوديين فيها؟
و الماستر تخصص امن المعلومات و تقنية معلومات الاعمال ايضا موقوفين بنفس السبب؟ هل يمكنك تآكيد المعلومه وفقك الله

هلا حبيبتي انا اطلعت على قائمة المعاهد المغلقة وماحصلت اسم ديبول ولاحصلت اي تخصص موقف فيها لاي مرحلة بالتوفيق