اي سؤال حول شيكاغو من دراسة وتسجيل ومعيشة انا حاضرة

هلا اخوي انابدلك على مكان كنت بروحله اضاق صدري
خذ اللاب توب حقك وروح مكتبة في شارع متشجقن اسمها بوردرز وادخل المكتبة واجلس في الطابق الثاني يم الشبابيك انا كنت دائما اجلس هناك كان مكاني المفضل صراحه لان في انترنت وقهوة ومكان جلوسي ممكن اشوف منه الووتر تور والشارع حلو كان المنظر وكنت انزل الطابق الارضي واخذ كتب التوفل معي لفوق واجلس اقراء منها ببلاش طبعا مسموح لك تاخذ اي مجلة وتقراءها كمان ولما كنت احسن بالجوع كنت اروح الووتر تور الطابق الثاني وادخل المطاعم وادلل نفسي بوجبة صينية يمي او لو معك صديق ممكن تروحوا مطعم فاكتوري شيز كيك وتتحلى هناك او ممكن تروح جان هك لو معاك زوجتك في الليل جوها جدا رومانسي وكلها قريبة من بعض

بلييز رح ذي الاماكن وقولي رايك

هلا حبيبتي اي سؤال لاتترددي

انآ وصلت شيكآغو البارح
بس اليوم لما صحيت حسيت آنو قرآر الابتعآث اسوآ قرآر اتخذته بحيآتي .!
بس يمكن عشاني ماتآقلمت كثير قآلو لي لاتآقلمتي بتندمي على كلامك هذا .!
بس ياربي متى اتآقلم واحس انو الوضع عآدي
وقسم بالله اليوم واحنا نمشي طول وقتي خايفه على اخوي احس انه بيصير لنا شي

سراب .. وسعي صدرك
انتي تعانين من Home sick عادي يجي الناس كلهم بس بدرجات مختلفه. شوي شوي تبدآين تتآقلمين مع الوضع وتمشي الامور ومهما كان الدراسه في الخارج بتعلمك اشياء كثيره وبتصير تجربه مميزه ما حتنسيها طول عمرك .. انتي بس طولي بالك شوي خاصه انه شيكاقو كبيره شوي وبارده الموضوع يبيله طولة بال!

بالتوفيق

بيض الله وجهك ياختي وجه القمر واكثر الله من امثالك ووفقك الله ورزقك والله
فكيتي عني ازمة بغيت اسجل في معهد ب 700 دولار في الشهر وبايخ مو قوي
بس على شان اقوي اللغه بعدين لاتجيبن طاري الشيز كيك ههههه حرام بالله افضل كيك اكلتة في حياتي اخ بس
مشكور اختي ......ويعطيك الله الف عافية

سراب قسم بالله جيت واني معرف احد ولا عندي سكن ولاعندي لغه خلقة خير شر اول موصلت امريكا قلت انا وش الي جابني هناا
وكانت فيني نفسية لابعد الحدود ماقد جتني نفسية مثل ذيك الايام لكن شهر بالكثير راح تتعودين على شيكاغو وتقولين وينك من اول هههههه >>>>يعطي معنويات

الله يسعدك اختى وجهه القمرعلى المجهود الرائع
اسال الله العلى العظيم ان لايحرمكى اجره
غاليتى ان شاء الله بس اخلص من السفاره وتخرج الفيزااااااا
حغثك بالاسئله
ههههههههههههههههههههههه

السلام عليكم ورحمة الله وبركاتة
اختي الله يجزاكي خير على الا تسوينة لخوانئ المبتعثين
اذا تقدرين توصلين لي احد الشباب الا في معهد جامعة دبيول الموجودين الان
اكون شاكرلك

الله يوفقك اختي..اقصد الامان بشكل عاااااام يعني لو اسكن بالداون تاون مثلا ..

واختي جامعة شيكاغو في الداون تاون او في جنوب المدينه

و لاهنتي كيف اعرف الجامعات اللي يتوفر فيها قسم الكيمياء الحيوية لاني بحثت ولم اجد الا بجامعة شيكاغو

شكرا جزيلا

السلام عليكم يعطيك العافيه اختي وجه القمر على هالمجهود الرائع
انشاء الله انا قادمه الى امريكا في نوفمبر المقبل للدراسه في معهد كابلن الطبي
انا عندي سؤالين:1-هل معهد كابلن الموجود في شيكاغو طبي فقط اويوجد فيه قسم لغه لانه زوجي يبغى يقدم عليه انشاءالله
2- اسرتي مكونه من 5 اشخاص انا وزوجي و3 اطفال كيف المعيشه في شيكاغو اسعار الشقق والحضانات وهل تكفي المكافأه مع العلم ان مكافأة مبتعث تصرف لي فقط اما زوجي واولادي مرافقين . دمتي بخير