اي سؤال حول شيكاغو من دراسة وتسجيل ومعيشة انا حاضرة

السلام عليكم ورحمة الله وبركاته ... وبعد

يسعدلي صباحكم / ومسائكم بالخير والسعاده


بصراحه انا اول مره اشارك في هذا المنتدى وبالاحرى اول منتدى بحياته اشارك فيه << توه شاريله لاب لوب ههههه

عندي كم سؤال وياليت الي عنده اجابات وافيه يفيدنا واكون له من الشاكرين ...

اول شي بقولكم وش الي عندي عشان تعرفون هالقوانين تنطبق عليا ولا لأ .
انا خريج الكليه التقنية _ تخصص تسويق _ ونسبتي 4.30 _ وعمري 27 <<< مبروك

السؤال الأول : هل اقدر اقدم على البعثه ؟ كون عمري اكبر من العمر الي طالبينه وهو 25 ؟

السؤال الثاني : اذا ما قبلوني البعثه ،، اروح ادرس على حسابي وبعدها انشالله يقبلوني وكم المده على ما يضموني للبعثه ؟

السؤال الثالث : انا ودي ادرس في ايرلندا ( دبلن ) على نفس تخصص التسويق هل يوجد جامعات لهذا التخصص ؟

السؤال الرابع : وابغى الله لا يهينكم : سعر المعهد _ والسكن مع عائله _ وكم المكافأه هل تكفيني ولا لازم ادق على طويل العمره اخليه يرسلي _ واهم شي الطلاب العرب هل عددهم واجد في المعهد في دبلن ولا عددهم محدود ؟ لأن امريكا صارت عاصمت السعوديه من كثر السعوديين <<< انت اول شي خلهم يقبلونك وعقبها تتفلسف هههههه ..


وبصراحه اكون لكم شااكر ومقدر لكم تعاونكم .. تحياتي واشواقي


محبكم : al_Parisi

مشكوووور اخوي روكو ..
جزاك الله خير..

يعطيكم العافية

من هالموضوع اقتنعت في شيكاغو

اول شئ انا وضعي موظف بقطاع خاص وناوي اخلص واكمل دراستي

طبعا ميزانيتي 50 الف ريال سعودي يعني حوالي 12الف دولار

طبعا راح اجي وانتظر الالحاق

كم ممكن هالخمسين الف تكلف في شيكاغو

هذا اول شئ

ثاني شئ انا ابي ادرس تخصص ادارة اعمال في جامعة DEPAUL UNIVERSITY

هل اقدر اطلب إلحاق وانا ادرس في المعهد الخاص في هالجامعه ووش شروط الالحاق دامي في هالجامعه

اعذروني انا حبتين غشيم ..

وكم ممكن تكلفني الدراسه في المعهد الي تبع هالجامعه لمده مثلا اربع شهور مع سكن ومعيشه ..

انتظركم وشاكر لكم مقدما

ايهـ صح..
عندي سؤال ناشب لي فعقلي..
وش افضل من ناحية السهولهـ فالدراسهـ ورخص المعيشهـ و يعني مناسبهـ اكثر لعائلهـ "يعني مافيها مصخره كثير ومناظر مو حلوهـ"
انا ادري ان هالمناظر المزعجهـ في كل مكان بس وين هي اقل..
جامعهـ ديبول ولا الدومنيكان ؟

و شكرا للمرهـ الألف ><

الدومنيكان .....

معليش ازعجتك وجه القمر بس تحمليني

الحين ابي احد يشرحلي كلش ابي اعبي الابلكيشن انا ومو عارفه كيف
عشان موعد السفاره ومو عارفه شي ابدددددد ابي موعد قريب بعد ومدري يارب الاقي
اولا بالنسبه لتسديد رسوم السيفيس اسدد لي وللمحرم والا كيف بايصال واحد والا كيف
والفيزا متى اسددها وبروضو بايصال واحد او لا
والمحرم ماعنده اي توني لانه ماراح يدرس الحين بيدرس لاوصل هناك فهموني له طريقه بعد
وفهمني حبه حبه والله اني ضايعه

اخوي روكو
ليش كذا بس

ادري انك بتسحب علي لأني نشبت لك وطفشتك بس بخاطر و اسألك ليش الدومنيكان..؟
وش يميزها عن الديبول؟؟؟ لأن الدومنيكان تخصصاتها محدوده.. ومافيها تخصصي بصراحه..

الحمد لله وصلت مع عائلتي شيكاغو
خلصنا من الملحقيه وواشنطن وامس وصلت شيكاغو
حبيت اشكر كل من ساعدني في المنتدى من اعضاء فعالين او مشاركين بردود بسيطه افادة الكثير من القادمين وانارة طريقهم
وجه القمر بالخصوص الف شكرااااااا لك الفضل الاكبر من بعد الله اعجز عن شكرك ربي يوفقك ان شاء الله
الاخت جوري الباسمه ماقصري وربي يعطيك العافيه
الاخت سراب الله ينور دربك
الاخ روكو الله يرزقك ببنت الحلال الله تعينك على الدنيا
واعضاء اخرين لاتحضرني اسمائهم الان ولكن شكرا لكل من حاول تفريج كربة مؤمن
الف شكر للقائمين على المنتدى
ان شاء الله نبقى على تواصل وتفاعل مع مواضيع المنتدى بشكل عام ولاننسى انه مثل ماكنا نحتاج للمساعده من قبل فهناك الان من سيأتي ويكون مثل ماكنا, ولانكون مثل بعض الاشخاص الذين استفادوا من المنتدى وبمجرد وصولهم واستقرارهم نسوا المندى بمن فيه
لاحرمنا الله خدمة محتاج جميعا واسف على الاطاله

طموحة المناظر في كل مكان منها المناظر الخلابة وغير الخلابة فيعني لاتركزين على الموضوع
كثير أهم شيء الدراسة وترى ديبول افضل من الدومنيكان .

هلا بك أخوي عاشق الطيب وانا اقول ليش الامطار أمس ؟
حياك الله في شيكاقو وانورت المدينة بقدومكم الميمون .