ياهل أنديانا = جامعة بول ستيت

تيب يالغاليه تنصحينا بمعاهد ممتازه

لتهوين الأمر عليكم ها الموضوع صاير في أغلب المعاهد حاليا ( تكدس للسعوديين واشتراط التوفل ) فربي ان شاء الله يعيينا ويعينكم

اخوي ابوغلا

ياليت توضح النقاط اللي تكلمت عليها الاخت est بحكم خبرتك في الجامعة ، مو تكذيب للأخت ولكن ظروف كل طالب تختلف عن الآخر سواءً من ناحية المستوى الدراسي ، التعامل مع الاساتذه وزملاء الفصل ، من ناحية مستوى الطالب نفسه ، الخ.

وماهو وضع الطالب اللي مستوى لغته ممتاز ومعه توفل وجاي يبي يدخل برنامج دكتوراه عن طريق المعهد؟ ماهي فرصة قبوله؟

أرجو من الاخ ابوغلا أو اي طالب اخر في المعهد او الجامعه أن يوضح ما إذا كان كلام الاخت منطبق على الجميع؟

أرجو التوضيح وشكراً لكم على المعلومات

الاخت كلامها كله عن المعهد مو الجامعه .. وانا ما جربته ولادرست بينما هي جربته وللان تدرس فيه .. يعني هي ادرى بالوضع مني .. انما اعترضت فقط على تقديم معاريض للملحقية طبعا الملحقية ما راح تقدر تغير شئ بالمعهد الا أنها توقف التعامل معه فقط .. وهذا راح يضر بطلاب كثير يبغون يدرسون بالجامعه .. الجامعه نفسها ممتازة خصوصا في تخصصات التربية الخاصة - الهندسة المعمارية وبعض التخصصات الاخرى ..

بشكل عام .. اتفق مع الاخت ام دحومي .. كل معاهد امريكا الان نفس الوضع مليانه سعوديين ونظرتهم مادية .. بعدين اذا الواحد معاه توفل .. ما عنده مشكلة .. شخصيا طلبوني توفل قبل لا اقدم اوراقي .. صليت على النبي ورحت اختبرت في جده .. وجبت اعلى من اللي يطلبون .. بفضل الله ..

المعهد بشكل عام - وهذي معلومة معروفة لكل اهل الخبرة - لا يقدم لك اكثر من 30% لتحصيل اللغة وتعلمها وال70 بالمية الباقية على الطالب ...

والله يوفقكم جميع

بالفعل ...المعهد ..وبرضو الجامعه ..ماديين يبون بس فلوس ...

ويابو غلا ..اولا ترى مو انا الي رح ارفع الخطاب ...انا سمعت بس ...و انا ما تكلمت علشان اخرب على احد ...لكني ما ابي الطلاب الجدد الي جايين يجوا و ينصدموا بالوضع مثل الي الان موجودين ...
ودام انهم رح يجوا فاكيد انهم يبو الاستفاده ..وماهم جايين لتضيع الوقت ...ودام الملحقيه رح تصرف فلوس ..فخلنا نساعد الدوله انها تحط فلوسها في المكان الي ينفع ابنائها و بلدها ..لانه برضوا الطلاب الي جايين جايين يبو يستفيدوا ..مو جايين مضيعة وقت..
برضو الطلاب مسؤولين عن فترة اللغه ...و ما عندهم اكثر من سنه مع نص سنه تمديد ..بعد كذا يا اما يجيب قبول تام للجامعه والا تراه رح يرجع للسعوديه ...ونحن ما نبي هذا الشي يحصل ...
والي يبي يسمع من قصص المعهد ترها ما تخلص ...يعني بالله تخيلوا ..احد الزملاء يقول ..الاستاذه نعومي لانكستر ..صححت الاسيه ..و رجعته له الا اوراقه ممزقين...لانه ماكلنهم كلبها ...بالله اي احترام للطالب هذا ... و لا استحت تجيبهم ..و بكل برود تقوله انا اسفه لكن كلبي اكل اوراقك ...!!!



غير كذا انه الان اكثر من 15 طالب عندهم قضيه مع الانترناشونال اوفيس ...تعرضوا الى خديعه ....هذي قصة ثانيه مختلفه عن ردائة المعهد... حصلوا على قبول للجامعه بدون توفل ...و حسب القبول ..مطلوب انهم فقط ينهوا لفل 6 و يدخلوا الجامعه ..بعد ما سوو اخلاء طرف من الجامعه الي كانوا فيها ...وبعد ما وصلوا الى بل ستيت...في الانترناشونال اوفيس عطوهم ورقه قبول ثانيه ..مطلوب منهم انهم ينهوا لفل 6 .. و يختبروا التوفل ...و يجيبوا 520 ..ويسوو اخلاء من المعهد...علشان يعطونهم الفل ادمشن ...اغلب هذولا الطلاب ...اكملوا سنه و نص في اللغه ..و الان هم في لفل 6 ...و الملحقيه معطيتنهم خبر انهم يجيبوا قبول في شهر ابريل يوم 30 يعني الاسبوع الجاي ....الانترناشونال اوفيس و بالتحديد كمالا ....قالت لهم انتوا لازم تاخذوا التوفل الي الجامعه رح تسويه ...و انه التوفل من برى غير مقبول ...ولا الايلتس ...طيب ...و الانتر ناشونال اوفيس قالوا بالتوفل و لا حدووا الموعد من بداية السمستر ...طبعا الطلاب على راسهم ...من جه معترضين انهم استلموا قبولين مختلفين ..ومن جهه قلقين ما يبو الملحقيه تحط عليهم هولد ...وظلوا كل قسم يرميهم على القسم الثاني ...الاي اي الاي يقولوا مو شغلنا هذا جاي من الانترناشونال اوفيس ..و الانترناشونال اوفيس يقولوا مالنا شغل هذا من القرادويت سكول ..و القرادويت سكول يقولوا احنا مالنا شغل هذا من الانترناشونال اوفيس و الاي اي اي...و الطلاب ماغير يدوروا من مبنى الى مبني ..ومن مكتب الى مكتب ...طول السمستر ...اربعه شهور وهم من مكتب الى مكتب ومن مبنى الى مبنى ..الين الاسبوع الي فات ..فجأة قرروا انهم يسوو التوفل يوم الاربعاء الجاي ...الطلاب ماعنهم فرصه يحضروا للتوفل ..هذا غير انه بعض الطلاب يدرسوا مواد اكادميك في الجامعه ..واسبوع الجايه عندهم فاينل ..انا وحده من هالطلاب عندي فاين في نفس اليوم و في نفس الوقت ...غيري عندهم يوم الجمعه ...يعني حطونا في وضع مأساوي جدا جدا ...التوفل رح يكون 28 ابريل ...وحسب كلام الانترناشونال اوفيس ..النتيجه تحتاج الى اسبوعين علشان تطلع..ومارح تكون جاهزه قبل 14 مايو...و الملحقيه تبي القبول التام في 30 ابريل ...الكل محتار وماهو عارف وش يسوي ..ماحد معطينا وجه في هالجامعه ..ولا احد معتم الى قضيتنا ..رح نخسر بعثتنا ...من وراهم

كل الكلام الي قلته علشان تعرفوا حجم الاهمال .. و الاستغلال ..فعلا جابونا هنا علشان يبغوا يتربحوا منا ...مثل ما قلت لكم ديبورا المنسقه قالت قبل ..انتوا عندكم فاينشل قرنتي الين اخر السمستر ليش مستجلين ..مع ان كل الي جو كانوا مخلصين اخر لفل في معاهدهم ..و صارت توزعهم لفل 3 و لفل 4 ..و لفل 5 ...من على كيفها ..حتى بعض الطلاب طالب انه يشوف اوراقه ..لما طلعتهم ..حتى القرمر الي هو تصحيح الكمبيوتر ..هي مغيره الدرجه ...الى درجه اقل ..علشان تحط الطلاب في مستويات اقل ...

يمكن اكون انا الوحيده من كل الموجودين على اتصال بهذا المنتدى ... و الي يبي يجي يجي حياه ..انا ما امنع احد لكن انا عن نفسي تمنيت احد قالي عنهم و عن استغلالهم قبل ..والله ما كنت جيت و ضيعت وقتي معاهم ..وهذا احنا الى الاسبوع الجاي رح نشوف وش رح يصير ...و امرنا صار مصيري ..و احتمال نخسر بعثتنا من ورى هالجامعه ...

دعواتكم لنا ...
وتمنياتي للجميع بالتوفيق ...
ولا احد يفهم كلامي على انه تخريب ...
هو توضيح لما هو حاصل الان ...

اخوي ابوغلا واختي est

الله يعطيكم العافيه على التوضيح والشرح ماقصرتوا


اختي est

بصراحه وضعكم مأساوي جداً وأنا متأكد ان فيه ثغره في مسألة القبول اللي وصلكم أول مره .. والقبول الثاني اللي حصلتوا عليه بعد دخولكم الجامعة ومسألة التغيير في نظام الجامعه.

اختي ، ممكن يكون اقتراحي هذا متأخر شوي ، لكن اقترح عليكم بارسال رسالة مستعجلة الى مدير الجامعة وشرح وضعكم والظلم اللي تعرضتوا له ومسألة القبولين اللي عندكم ، وتوضيح انكم المفروض ، حسب النظام ، انكم تستمرون على القبول الأول اللي وصلكم حتى لو تغير نظام الجامعة بعد اصدار القبول. والسبب في ذلك ان مجيئكم للجامعة كان بعد وصول القبول الأول واللي بناءً عليه اخليتم الطرف من جامعات اخرى كنتم مقبولين فيها ، والسبب الثاني انه في القبول الاول اللي عندكم لم يذكرون ان هذا قبول مبدئي وفيه قبول نهائي سيتم تسليمه لكم عند وصولكم للجامعه خصوصاً أن القبول النهائي يحتوي على نقاط مهمه قد تقلب الموضوع رأساً على عقب. وكذلك توضيح مسألة الملحقية وطلبها اوراق القبول قبل 30 ابريل.

التواصل فقط لايكون مع الدراسات العليا في مثل هذه المسائل ، بل يجب مراسلة مدير الجامعة بنفسه وتوضيح أن هناك العديد من الطلاب السعوديين المتضررين من الموضوع وأنكم بصدد الكتابة للملحقية عن هذا الموضوع ورفع الموضوع للجهات المختصه في الابتعاث هنا في السعودية حتى يتم اتخاذ اللازم وأن هذا قد يغير من رأي أكثر من 300 طالب سعودي ( عدد تقديري) بصدد التقديم على الجامعه ومعهدها.

لو تم كتابة الموضوع والرفع بسرعه اليوم ، انا متأكد أنكم ستجدون حل ايجابي يوم الاثنين القادم.

والله يوفقكم جميعاً

اخي anonym الله يعافيك يا غالي وحياك الله .. تعديل : معليش توي قرأت ردك بعد ما كتبت ردي . اتفق معك بكل كلامك لحل المشكلة ..

أختي est .. لي تعليق على بعض كلامك اللي اكيد من اوله لتاليه ما طلع الا بسبب قاهر وانا مقدر ذلك ..

اولاً: لازم الان تجتمعون اليوم قبل بكرة وبالتنسيق مع ادارة النادي السعودي وترسلون خطاب للملحقية بتمديد فترة الحصول على قبول .. وتطلبون منهم يعطوك فرصه الى يونيو او اخر مايو طالما بعثتكم مستمرة ... وفي نفس الوقت تقدمون خطاب على ادارة الجامعه تشرحون الوضع بالكامل خصوصا موضوع التغيير المفاجئ في شروط القبول .. وتابعوا معاهم صدقوني راح تنحل وراح تدرسون كلكم بإذن الله ..

ثانياً : اسمحي لي اكون صادق معك .. والناس اللي تقرأ تحكم .. تقولين كنت قبل في معهد ازين وكملت سنة ومددتي ستة شهور .. راح اتفق معك ان الستة الشهور الاخيرة في معهد بول ستيت السئ ضاعت من وقتك على الفاضي .. قبلها سنة كاملة في معهد زين - على حد كلامك - ورغم ذلك لم تحصلي على درجة التوفل 520 وهي الدرجة المعقولة جدا - ولن اقول السهلة - اذن حتى المعهد الجيد لم يكن كافيا لك خلال سنة .. والكلام ينطبق على كل من معك الان ومخلص السنة والتمديد .. كلهم جاؤوا لبول ستيت بعد سنة في معهد اخر... الهدف من كلامي هذا ان المعهد مهما كان جيد او سئ .. يبغى تحصيل اللغة على الطالب .. وبالتالي كلامك عن تضييع الوقت في بول ستيت وحفظ طاقات الطلاب واموال الدولة غير مقنع .. وانتم الطلاب الدليل ..

ثالثا .. اكرر من جديد واؤكد .. الوضع اللي شرحيته حاصل في كل معاهد امريكا .. بل وبريطانيا - يمكن ايرلندا لأ - واستراليا .. من حيث النظرة المادية وتكدس الطلاب .. وكذلك اذا واجهتكم مواقف مثل التي ذكرتي لا تتأخرون في رفعها للمختصين لا تتركوا حقكم كذا .. الفضفضة ما تجيب نتيجة ولا تحل مشكلة انما تسجيل موقف قد ينفعكم هو الحل ..

رابعا : ما همني من بيرفع الخطاب .. انما كلامي عام ولا أقصدك بذاتك .. ولو كنت اعلم بأن هناك معهدا مختلفا وضعه او ان تصرفا سيغير الواقع لكنت انا من يكتب الخطاب ..

اخيرا .. الله يوفقكم جميع ,,, الموجودين منكم والقادمين ..

واعذروني على الاطالة

anonym من بدايه السمستر و احنا نشتغل على الموضوع ...كل جهه تقول مالنا شغل ..و تقول روحوا الى القسم الفلاني يمكن يساعدونكم ...و الامر ماشي على هالحال الين اليوم ..و كل ما رحنا نبي نقابل مديرة الجامعه قالوا لنا انها مشغوله ...امس لما اصرينا لانه موضوعنا عاجل ..طلعت لنا سكرتيرتها ....و قالوا تعالوا اليوم و قابلوا وحده في القراويت سكول ...رح نقابلها اليوم الساعه ٤...عل و عسى نطلغ منها بنتيجه

ابو غلا ..انا قضيت سنه في معهد تعيس جدا .. يمكن سامع فيه ...معهد بن ستيت ..الملحقيه الان اغلقته.. بعدها سويت تمديد نص سنه ...و بالعافيه الملحقيه نقلتني الي معهد اليوبن..انا الوحيده الي نقلت الى فلادلفيا..الباقين رفضت الملحقيه تنقلهم الى اي معهد ثاني ..التطور الي انا حققته في اللغه ..راجع الى السمستر الي درسته في معهد اليوبن ...يعني سمستر واحد فقط في معهد قوي خلاني اتطور كثير .و الحمد الله يوم اني اختبرت التوفل حقتت اكثر من٥٠٠......لكن الجامعه هنا تطلب ٥٥٠....مش ٥٢٠..و نظرا الى اني حققت درجات عاليه في البليسمنت تست ..انا ادرس في المعهد مادتين فقط..
٥٢٠ مطلوبه في التوفل الي رح يسوونه يوم الاربعاء.. و نظرا الى حالتنا السيئه و السنه الي ضاعت علينا في معهد بن ستيت ...رفعنا خطاب تمديد سمستر اخر..و وقعنا انا نجيب قبول في نهايه ابريل ...و على اساس انه عندنا قبول مشروط في هالجامعه وافقت الملحقيه تنقلنا هنا ...و اول ما وصلنا و قالوا لنا عن التوفل قلنا لهم نبي نجيبه من برى ...لكن كمالا لابارك الله فيها قالت مارح تقبل بالتوفل من برى الجامعه ...و قالت دام انكم جيتوا لازم تاخذوا توفل بل ستيت...و الان الملحقيه رافضه تعطينا ولا يوم ..حتى الانترناشونال اوفيس بنفسهم كلموا الملحقيه و قالوا لهم انه التاخير من الجامعه ..على الاقل عطوهم اسبوعين لين ما تطلع النتيجه ..لكن الملحقيه رفضت ....
عطينهم خبر انه كل الطلاب الجايين عندهم خبر بموضوعنا..وانه هالشي رح ياثر على سمعتهم...

لكن لا احد يتوقع اني ذميت المعهد على خلفية هذا الامر ..صحيح انه المعهد ماتجاوب معانا ..لكن من جد تراه فاشل و مضيعه للوقت ...فيامبتعثبن انتبهوا لحالكم من البدايه و روحوا معاهد قويه ..ولاتضيعوا ولا يوم ولا سمستر في معهد ما يسوى ..الملحقيه بالعافيه تنقل و تطلب منكم تجيبوا اقل شي قبول مشروط في الجامعه الي تبوا تنقلون لها للدراسه في معهدها ...

واخيرا انا ماني قاعده افضفض ..انا اعرض مشكله حقيقيه ...علشان الي رح يجوا يكونوا على علم بحقيقة هالجامعه...

طيب يا اخوان انا المعهد هذا مو عاجبني و لا راح استفيد منه بس الحين طلعت فيزتي عليه

بس كيف و متى بالضبط نقدر ننقل منه ؟يعني هل انا ملزمة ادرس فيه مدة قبل ما اقدم على نقل لمعهد ثاني؟

يا ريت تفيدوني اذا عندكم خبرة؟ و اذا تنصحوني بمعهد قوي في انديانا و يقدم كورسات للتوفل و الجيمات؟

وش رايكم في معهد كابلان ؟ هل اقدر ادرس فيه لغة مع تحضيرات للتوفل و الجيمات وبعد اختبار لاخوي لان تخصصه تمريض و يطلبون منهم اختبار.

افتوني في رؤياي

استااذي الفااضل ماازلت انتظر ردك على ماااقيل

واختلاف الراي لايفسد للود قضية

استاااذي درست في المعهد منذو البدااية لم تحول من اي معهد صحيح ,نننظرردك من وااقع تجربتك مع المعهد؟؟؟