اي اسفسار عن مدينة MADISON ولاية WISCONSIN احنا حااااااضرين

يعطيك العافيه اخوي وما قصرت وان شاء بجعلها بموازين حسناتك

هلا خوي نبيل......

معليش تاخرت بالرد بس المعذرة الدراسة وظروفها...... المهم
اسكن من وجهة نظري اول ما توصل تسكن شهر بالدورم وخلال الشهر ذا انت بتدور وراح تلقى الي تبي سواء عايلة او شقة

غالب الشقق تكوم الفرن والثلاجه موجوده ونصيحتي خذ لك مؤثث وفك حاللك من القلق ووجع الراس..... ... دمت بود

اختي سكر ياناس....

المعذرة على التاخر ولكن لظروف الدراسة..... المهم

*بس في كم سؤال عندي بما أن السعوديين كثير في معهد ويسلي فيا ترى من أكثر البنات ولا الشباب ؟

لا والله ما فيه مقارنه الشباب اكثر .... يمكن البنات السعوديات 15 الى 20 بس ماني متاكد من العدد.....

وكيف وضع السعوديات في المعهد من حيث الحجاب ؟

والله كلهم يلبسوا جنز وفنيلة واللفة الي على الوجه زي الي يلبسوا في مصر<<< مسكين ما ادري كيف اوصف

وكيف علاقة الطلاب ببعض في المعهد ؟

ما فهمت وش تقصدي بالضبط..... بس والله انا اشوفها عادية وانا من الناس الي ما احتك كثير بطلاب المعهد احاول اخليها رسمية قد ما اقدر...

نبي نعرف عن المساجد و افضل المطاعم خاصة العربية إذا فيه والاماكن الترفيهيه والمولات الحلوة

المساجد فيه مركز اسلامي قريب من الجامعه بس بعيد شوي عن ويسلي
المطاعم فيه مطاعم حلوة بس بس اكلهم مرة غريب عن اكلنا
بالنسبة للمطاعم العربية فيه 3 قريبة من ويسلي بس اكلهم ما اعجبني .... تحصلين شاورما ورز ومشاوي وووو.... بس الطعم الحمد لله على النعمة

اماكن الترفيه والله اشوف انها متوسطة تقريبا .... والترفيه يختلف من واحد للثاني وكل واحد وتوجهه؟؟؟؟.... بس فيه حاجات متنوعه متوفرة

بالنسبة للمولات الداون تاون ما فيه مولات ابدا ..... فيه مولين وبعيدة شوي يعني يمكن 20 الى 30 دقيقة بالباص بس مولات روعه

اخي الكريم سؤال جا على بالي
ايش الافضل
اني ادر في المعهد التابع للجامعه حقت ويسكونسن
ولا في المعهد ويسلي
وابغى كمان قبول مشروط للماجستير

ياليت تساعدني وانا جي على حسابي

abodi.........

اشوف انك تدرسفي معهد تبع جامعه لان غالبا اذا خلصت دراسة في المعه الجامعه تقبلك دايركت بدون شروط وقلة حيا

بالنسبة للقبول ..... صدقني الموضوع ذا ما اعرف فيه كثير لدرجة اني لحد الان ما جبت لنفسي ولا حاولت اجيب قبول بس صدقني اي وقت اشوف فيه اني ممكن اساعدك او افيدك ما لااح اتردد وراح اقولك على طول.....

دمت بود

اخوان المبتعثين والمبتعثات::
السلام عليكم
عندي نقطه هامه وهي بالنسبه للسكن مع الاعوائل الاميركيه اعرف ان معهد ويسلي يرتبها لي بس ابي ادور بعيد عن مسؤولية المعهد
واللي جرب السكن مع العوائل بمدينة ماديسون ياليت يفيدنا بالنقاط التاليه :
1-كيف حصلت على العائلة ؟
2- تنصح لمبتدا باللغه اول مايوصل انه يسكن مع العائله اول 3 شهور؟
3- صف لنا تجربتك مع العائلة؟

السلام عليكم ورحمة الله وبركاته,,
اتمنى لك التوفيق دنيا واخره لما تقدمه لأخوانك واخواتك من مساعده وجعلها الله في موازين حسناتك,,

1- انا متخرج من كلية الاتصالات والمعلومات بالرياض ومعدلي 2.91 من 5 تخصص شبكات networking وارغب في اكمال دراستي بنفس المجال ولكن لا اعلم هل يوجد جامعة في WISCONSIN فيها نفسس التخصص,,

2- هل من شروط فتح ملف بالملحقية الثقافيه بامريكا لا بد من وجود قبول جامعه مشورط ولا غير مشروط لكي يتم التحاقي بالبعثة,,

3- كيف اقدر اراسل المعهد واشوف اسعاره واسعار السكن وكم تتوقع احتاج مبلغ وحط ببالك لمدة 5 اشهر الى 6 اشهر لكي اضبط الميزانيه عندي..

4- اتمنى لك التوفيق وجعل ايامك كلها فرح وسعادة يارب ويكتب لك اللي فيه الخير يا وجه الخير,,

بعد اذن اخوي القرني.. ودي أدلي بدلوي
1-الأفضل لك أن تعرف ماهي الجامعات التي قبلت زملاء لك بنفس الشهادة، من خلال معارفك و من خلال البحث الدقيق في منتديات المبتعثين و مراسلة من لديهم نفس الرغبة.
2-من شروط طلب الإلتحاق أن يكون عندك قبول مشروط، حتى تفتح الطلب، أما الإلتحاق نفسه فهو أمر خاضع للظروف التي تقدم فيها، فقدم تصعبها الوزارة أو تسهلها و الله أعلم عما سيكون في الأيام المقبلة، و لكن البرنامج مستمر خمس سنوات، لذلك لا بد أن الألحاق مستمر و لكن لا أحد يدري عن الوقت الذي سيكون تطبيق الشروط الخاصة بالإلتحاق صارماً. (من شروط الإلتحاق لمرحلة البكالوريوس إنهاء 30 ساعة دراسية و مرحلة الماجستير 9 ساعات دراسية ثم يحق لك رسمياً الإلتحاق و لكن الحاصل الآن هو تسهيل إجراءات الإلحاق قبل الدراسة و هذا من مكرمات برنامج الملك عبدالله للإبتعاث)
3- الميزانية صعب نحدد لك، و لكن أنا شخصياً حسبتها بتكلفة 10,000 ريال (تقريباً و ممكن أقل و ممكن أكثر) لكل شهر تقعد فيه بأمريكا تدرس لغة. أما المراسلة للجامعة و المعهد ممكن عن طريق مكتب، و ممكن بنفسك و لكن يلزمك تبحث عن الجامعة المطلوبة و عند اختيار كذا جامعة تتوقع القبول بها، و تعرف أنها تعطي قبول مشروط لأنه ليست كل الجامعات توفر القبول المشروط (وكل هذا تقدر تختصره بأنك تتبع زملائك بنفس شهادتك وين راحوا)، ثم تقدم عليهم بطلب conditional admisson اي قبول مشروط، حسب طريقتهم إما مباشرة أو عن طريق معهد لغة تابع للجامعة، ثم تبعاً لاختيار الجامعة تحدد معهد لغة تدرس فيها إما أن يكون تابع للجامعة أو خارجها. و طريقة المراسلة متوفرة في عدة مواضيع و ممكن نساعدك و لكن ريّح نفسك و رح مكتب صاحب خبرة يمكن يعرف مباشرة و ين ممكن تنقبل و يريحك.. بعلمك أنا جبت قبول ماجستير لنفسي و لكن تعبت كثير و لو كان فيه مكتب ممكن يجيب لي القبول حينها مستعد اعطيه اللي يبي و لا ادخل في المعمعة و الهم اللي دخلت فيه.
4- وفقك الله

الله يجزاك بالخير اخوي حسان على مداخلتك الجميلة,,
بس يا ريت لو ترسل لي رابط المعهد الكويس بالولاية لكي اراسلهم؛؛
وهل ال 10,000 ريال شهريا هل هي تشمل الدراسة والسكن ولا دراسة بس وجزاك الله بالخير,,