ياشباب وش رايك بجامعه ARKANSAS STATE UNIVERSITY JONESBORO

شف اخوي اذا تقدر تضبط موعد جديد قريب للسفارة

وتقدر تخلص القبول بسرعه سوه

تقول بجيب قبول واوديه للسفاره ماراح السفاره يمشونك

الفيز الامريكيه تلزمك انك تدرس بالجامعه

لذالك مالك الا تروح له وتدرس به وتنقل

والله كلن عنده طموح اخوي بس اختنا ريم خوفتنا ولا ردت علينا

والله ياخوي سلطان موضوع السفاره دوخه راس ومواعيد بعيده اقربها بعد 4 او 5 شهور

والله اني مدري وش اسوي ذبحني التفكير ...

واللي زاد الطين بله اني تعرفت على واحد يدرس بنفس الجامعه ويقولي انصحك اذا تقدر تغير غير المعهد والجامعه لان فيها تكدس سعوديين تقريبا 80 واحد بالمعهد بس

وغير كذ يقول انا لي 7 شهور ادور على عائله اسكن عندهم وماني لاقي

بوكل امري لله وشكلي بأجرب الحركه اللي قالها لي صاحب المكتب اللي قدمته عليه اني اراسل معهد جديد واذا ارسلو قبول يكون بنفس رقم السيفيس للي بالفيزا

واذا ماظبط الوضع الشكوى لله نروح هناك وممكن تتغير النظره وربك يسهلها

اخوي انا اسفه اني خوفتك ..

بس انت طلبت راينا وانا مسؤاله قدام رب العالميين اني اقولك الكلام الحق

وعندي لك مشوره اسمعها من اخت

الاستخاره ثم الاستخاره ثم الاستخاره

اذا استخرت توكل على الله
ومن توكل على الله فهو حسبه

اللي انا متضايقه منه يمكن يعجبك ويرضيك

ومدام قبولك جا هنا خلاص ماعاد ينفع السؤال ان فكرتك مابعد جبت قبول

على العموم انت اطلع واقعد فيها لفل اذا ماعجبك الوضع حول مثل هاللي يحولون

ترا الملحقيه تعطيك سنه ونص لانهاء اللغه يعني معك وقت تجرب

واحسن شي بالجامعه ان قبولها سريع ومعهدها سهل بالنسبه للي يعرف يضيط اموره

ويمكن انا ماعجبني المكان عشاني احب المدن الكبيره واحب يكون فيه تسهيلات مثل طرق مواصلات وباصات واسواق وملاهي

بس اذا انت انسان تحب تقعد بالبيت الوضع بيناسبك كاليا

انا انسانه طموحه وكان ودي اتعلم لغة بطريقه محترفه فا عشان كذا ماعجبني المكان والمعهد
وكان ظني اني بروح لمكان متقدم وجامعه كبيره ومعهد راقي فا يمكن كانت توقعاتي كبيره

مثل ماقلت لك اخوي اعقلها وتوكل

انا اختي خوفتني قبل ما اجي وقلت لا اكيد انك تبالغين
واصريت وجيت لان ماعندي خيار اخر

بعد فتره اقتنعت بكلامها

فا انت ما راح تقتنع بكلامي لين تجي وتشوف وتحس

كلام المنتديات ترا ما ينفع وانا اختك


موفق

اخوي فواز ممكن تقولنا وش يبي يسوي لك المكتب

وتتفضل علينا باسمه

مشكوره اختي ريم على المشوره

على رايك نبي نجي ونجرب ونشوف هل يعجبنا اولا

يأخت ريم
ممكن تردين على سؤالي هل لو ضبطت نفسي وكنت شخص جدي في الدراسة بأحق أهدافي ولا لا وهل فيه حضانة للأطفال ، وهل الوضع بالنسبة لزوجتي ووضع الحجاب لو تغطت فيه مضايقات وهل الجامعة تستقبل الطلاب من مطار ممفيس ، ولو كانت تستقبل ممكن تساعديني وترتبين لي موعدي يوم 2 /3/2010م الساعة 4 عصراً ولكم جزيل الشكر .
نسيت شي ممكن أحد يسوي للنموذج I94 سكانر ويكون واضح لأن كل النماذج بالنسبة لي مو واضحة وشكراً جزيلاً على كل من ساعدني.