تجمع طلاب University of Missouri–St. Louis

ههههههههههههه

زين دامك تعرف مكه فامورك ان شاء الله بخير وتساهيل

الله يعافيك يا ديكستر ماقصرت مع الشباب

..

بخصوص ايش راح تسوي من طلعت من الرياض الي ماتوصل .. كلها تساهيل يا الغالي مافيه اي مشاكل الحمدلله

في البدايه اخوي ايش هي خطت السفر حقتك من وين الي وين وكم راح تجلس في واشنطن ومتى رحلتك ع سانت ليوس من واشنطن

..

ترى الوضع سهالة وانا اخوك


راح تعلم
وانت اذا وصلت واشنطون دق علي
وان نشاء الله جوالي شغال 24/ 7
واذا حصل شيء هذا ايميلي dexter.25 @ hotmail.com


واذا حصل شيء عندك نكست راح يضبطك

السلام عليكم
انا رايح ميسوري في تاريخ 25 حياك وبياك اخوي لي الشرف اتعرف عليك

^^^^
تحسسني ان اوباما خالي من الرضاع


..

صادق اخوي دكيستر يا sma الامور سهله وكل شي سهل

وماعندك اي مشكله الامور كلها سهله ولله الحمد
بس انت عطنا خبر قبل ماتوصل علشان نزبط اوضاعك باذن الله

باهلا وغلا فيك اخوي عبدالله

وحياك الله يا الغالي
والله يسهل علينا وعليك ويوفقك ان شاء الله

اي شي تحتاجه عندك ديكستر ما يقصر ههههههههههه
كثروو عليه الاتصالات ههههههههه

ابد يا الغالي حنا كلنا تحت امركم

والله انكم ريحتوني ياشباب ... احس ان حبكم بقلبي بدأ يزيدي
هذا مطلع القصيدة اللي رايح انضمها بكم ياشباب ... وانتم تستاهلون وفالكم المليون ... شهيد

والله من جد انكم نشاما وطيبين وموصي امي تدعي لكم ...
من جد ياشباب والله ماعمري سافرت واحس بشئ غريب .. ماني مصدق اني ابسافر خارج المملكه , لا وبعد لامريكا !!! والله اني رهيب وانا مادريت .....

مشكلتي اطلع عن الخط كثير .. معاليش ياشباب تحملون تراي حبيب واحب العب كورة

المهم الله يجزاكم اللجنه ويوفقكم ..... انا ناوي اجيب تمر وقهوة وهدومي او كلوذسي ,,

كنت ابجيب جبن ابو كاس ورز ابو كاس وطحين ومعمول وكليجا وشغلات كثيرة .. حوالي ربع بقاله بس قالوا لي اثقل ولا تاخذ
شئ كلش موجود بامريكا .... فهل هم صاسين

ياخوتي انا ابجي يم واشنطن ديسي يوم 19 وابفتح ملف ثم اجي يمكم يوم 21 والله الله بالاستقبال الحار والمواجيب لاتفشلونن
عند ربعي ترا معي مصور من قناة MBC ينقل رحلتي على الهواء مباشرة للوالدة حفظها وشفاها الله

ايها المسلمون ... من فهم من كلامي شئ يرد علي الله لايهنيه وشكراً لكم جميعاً وبالذات المتفاعلين وهم يعرفون انفسهم واولهم انا واعوذ بالله من كلمة انا .....

اللهم يارب الارباب ويامنزل الكتاب اسألك ان توفق من يدعى نكست ومن يدعى ديكستر
اللهم ان تعلم حالهم فيسر امورهم ووفقهم يارب يارب يارب وبقية الاخوة

تصفحت الموضوع على عجاله ووجدت بعض الاخطاء من بعض الاخوان هداهم الله

واحد من الاخوان يقول ميزوري مشهوره بصناعة السيارات وهذا كلام غلط
هي مشهور بصناعة طائرات البوينج والبيره
السيارات معروفه في ديترويت

بخصوص سانت لويس

فيها تقريبا ثلاث جامعات كبيره
اكبرهم جامعة Washington وهي جامعة عريقه ومنصفه من التوب 10 في اغلب تخصصاتها
تليها جامعه Saint Louis University وهي جامعه على ما اعتقد تصنيفها 90 وطلعت من المئه الاوئل حسب علمي

ويليها university of saint Louis - Missouri وهي جامعه خارج تصنيفات U.S News ولا توجد الا في مراتب متأخره جدا من الناشيونال سكولز ..

بخصوص مسألة الامان والسود والبيض
نسبة السود نسبة لا تخطئها العين وكبيره جدا وخطيره
المدينه يميزها رخص الاسعار
العنصريه موجوده من البيض والسود على حد سواء
معاهد ELS معاهد رديئه جدا

ولكنها على الجانب الاخر ممتازه في شفط الجيوب


المنطقه بشكل عام رخيصه مثل اغلب مناطق الوسط

الاخ اللي يقول انها ولايه شماليه مخطئ
هي ولايه من ولايات الميد ويست ..

يميز المدينه قلة السعوديين قله ملحوظه مقارنه بولايات كثيره نظرا للاعتبارات السابق ذكرها
او حتى مقارنه بمدن ثانيه في نفس الولايه
ومستوى الامان يختلف من شخص لشخص كذلك البيئة اللي نشأ فيها الشخص
والمدينه مازالت في المراتب الاولى في قائمة المدن الخطيره في المواقع المهتمه بشؤون المدن
عاد يمكن تروح وتلقاه امان وما تشوف شي هذا مووضوع ثاني لكن من واجبي اني اذكر هالمعلومه للشباب

احد الاخوان يقول ان المدينه جميله جدا وان العنصريه موجوده في كل مكان
فهذا كلام بالنسبه لي كلام خاطئ وعاري من الصحه
بينما ممكن يكون صحيح بالنسبه له حيث انه يشوف ان المدينه جميله ومعيار الجمال يختلف من شخص لشخص
والمدينه جميله في مناطق بعيده جدا ما فيها جامعات
لكن مناطق الجامعات مناطق تعبانه بقوه


الزبده من هذا الرد تتلخص في نقطتين ....

إذا كنت مقبول في جامعة واشنطن .. او جامعة سانت لويس فعليك الذهاب دون تردد لانها جامعات عريقه وكبيره جدا

اما غير ذلك فأبشروا بطول تعاسه

الله يهديك انت داق ريوس ومنتهي

وشكل اللي يبون يدقون ريوس يبون يكثرون

كان تبون نسوي قروب داقين الريوس خلوني الكابتن ...

يخوي كلامك يخلي الواحد مايمشي الا الا ومعه بودي قارد

لكن بشكل عام بالدن الخطيرة او العاديه انصح اي واح مايطلع بالليل

لأن الخطورة تزداد كلما قل المارة

ولا تنسون الاوراد اليوميه والاذكار والله يحفظنا واياكم

هلا فيك اخوي sma والله يحييك يارب ويسهل امورك

..

اخوي داق ريوس الله يجييك ويعافيك ولا يهينك
..
حبيت اسالك اخوي انت وين موجود ؟

كثير من كلامك يصحيح يا الغالي وفيه بعض النقاط تحتاج توضيح اكثر

..
وانا ماراح اعلق الا ع حاجه وحدهـ وانا اشوفها الاهم
بالنسبه لـ الامان في المدينه ان شاء الله فيها امان
لاكن فيه اماكن معينه لا تروح لها وهالاماكن معروفه لاكن كغرب المدينه او الداونت تاون او الجنوب هذي مناطق جدا جميله وراقيه

فيه مناطق وسط مافيها اي مشاكل تذكر

وانا حاليا مافي بالي اي شي اقدر اضيفه لان هالاسبوع كله اختبارات وان شاء الله ارد في وقت ثاني ان كان الامر يحتاج