تجمع طلاب University of Missouri–St. Louis

اخوي SMA

انا ذكرت هالكلام حتى يكونون الاخوان على بينه ويعرفون الامور قبل ما يجون علشان ما ينصدمون إذا جوا هنا ويخسرون كثير من حماسهم بسبب هالصدمه هذي

وفيه نقطه ترى المدينه كبيره جدا ومترامية الاطراف
والسعوديين قليلين جدا مقارنه بمدن وولايات ثانيه ومقارنة حتى بحجم المدينه
وهذي فرصه كبيره للطلاب الجدد انهم يستفيدون فترة اللغه خاصه إذا ابتعدوا عن مناطق تجمعات السعوديين ومعاهد ELS
عكس اماكن كثيره جميله وآمنه .. لكنه مكتظه بالسعوديين


لذلك المبتعث هو اللي يحكم الآن ويجمع ويطرح الامور ويشوف وش الانسب له

اخوي نيكست

ما يهم ويني موجود فيه
المهم اوصل الصوره للاخوان لاني اذكر قبل ما تبدا بعثتي ما لقيت احد يعطيني الصوره الحقيقيه للمدينه اللي رحت لها
وحاضرين لاي استفسار من الاخوان

السلام عليكم

انا عندي استفسار
كم عدد السعوديين اللي بالكلاس ؟؟

نفس السؤال

كم عد السعوديين في الكلاس ؟

معليش اخواني تاخرت في الرد .. خبركم الملك طول الله في عمرهـ والقرار الي طلع فصاير امور كثير ومشغول في امور ثانيه

بخصوص اخوي داق ريوس
ابي اقول شي واحد بس

انا ولله الحمد موجود في سانت ليوس ولا فيها اي مشكله ولا بعد واجه اي مشكله وكل الشباب الي عندي ولله الحمد مافيه اي مشكله

والمدينه ولله الحمد مافيها اي مشكله وبالعكس فيها امور جدا كويسه ماهي موجوده الا في قليل من المدن الثانيه
.

بخصوص كم عدد الطلاب .. بصراحه العدد كبير شوي بخصوص المستويات الاولي
ويقل كل ما ارتفع المستوي

فالمستوي الاول والثاني والثالث لحد الان كل الي فيها سعوديين
وكل ما اترفع المستوي من بعد كذا يقل عدد السعوديين

وطبعا هالشي صح متعب في تعلم اللغه مع ان المعهد مطبق قرار انك ماتتكلم بلغه غير الانجليزيه
وهي ترجع لـ الشخص وايش يبغى

اخوي نكست
جاكم هاليومين قريب لي اسم الدلع زكي .....
لا اوصيكم عليه تراة حبيب

ههههههههههههه

لا افا عليك الرجال استقبلناهـ بالمطار والامور كلها تمام
وماقصرنا معه

ننتظر امورهـ تستقر ونسوي له هو والشباب الي معه عشاء

مع انه بيكون متأخر بس نبيهم يستقرون اول

وباللهي قله يدفع 100 دولار حق عشاء البيتزا ( هو راح يفهم )

السلام عليكم ورحمه الله
اشكر القائمين على هذا التجمع ان شاء الله جاي ع سانت لويس يوم 15جون انا وزوجتي وطفلي ياليت احد يفيدنا عن الفنادق المناسبه ومواقع ايجار السيارات
ولكم جزيل الشكر

وعليكم السلام ورحمة الله وبركاته
حياك الله ..
بخصوص الفنادق فيه فنادق كثيرهـ .. والموضوع يعتمد عليك انت ايش نوع الفندق الي تبيه

لاكن فيه فندق اسمه كنفرت ان .. عندهم عرض كويس الي هو ليلتين والثالثه مجاني
تقريبا الليله 70 دولار
والفندق كويس
واجارات السيارات ماعندي خلفيه كبيرهـ عن هالموضوع لاكن اذا مهتم في الامر ان شاء الله راح اسألك بالخصوص هذا

واي شي انا او الاخوان بالخدمه

 المشاركة الأصلية كتبت بواسطة Next

ههههههههههههه

لا افا عليك الرجال استقبلناهـ بالمطار والامور كلها تمام

 المشاركة الأصلية كتبت بواسطة Next

وماقصرنا معه

ننتظر امورهـ تستقر ونسوي له هو والشباب الي معه عشاء

مع انه بيكون متأخر بس نبيهم يستقرون اول

وباللهي قله يدفع 100 دولار حق عشاء البيتزا ( هو راح يفهم )

هههههههههههههههههههههههههههههههههه

الله يرجك يانيكست ؟؟؟ ارفقوا عليه

تصدق اول ماسألته عنك !! قلت له ازبن نكست تراه سنافي

قال صدقت ونعم فيه هو والشباب ..ويوم علمني بديرتكم توقعت انك من العائله الطيبه . قلت هل من الج... قال ايه

سبحان الله ونعم والله

بالله ارسلي صورته بالجنز والحركات

الله يوفقكم بدراستكم ويسر اموركم ....... وانتم راجعين للديره مروا علينا بلندن ... ريحوا يومين ثم واصلوا

ايميلي عند ابو نادر يشرفني التواصل معك ... تحياتي

ياشباب ترى معهدكم شكله قوي ........

لو جربتوا بريطانيا كان عرفتوا انكم بالف نعمه

حسب مافهمت ان اللي يدرسونكم باليوم من اربعه الى خمسة مدرسين!!!!

احنا باليوم واحد غالباً معفن وان كان حظنا زين صاروا 2