بنوتات معهد ELS في ولاية ميزوري ST.LOUIS

السلام عليكم ورحمة الله وبركاته
يا أخوي نكست وجميع الاخوان
على كم اسعار السكن
من شقق وغرف بالشهر بمدينة سانت لويس قريب من معهد ELS

ياخوان اتمنى احد يجاوبني لان لي خمس ايام انتظر اجابه

وعليكم السلام ورحمة الله وبركاته
السكن مثل ماذكرت قبل في مواضيع اخري
تقريبا يا الغالي يكون مابين 600 الي 900 فيه اقل وفيه اكثر
لاكن هذا تقريبا الوسط

اما بخصوص السكن السكن القريب من المعهد .
ما اتوقع فيه سكن قريب في المعهد فيه سكن واحد تقريبا هو الانسب وهو سكن الجامعه وهذا له وضعه الخاص
اما اذا تتكلم عن سكن خاص قريب من المعهد مافيه
يعني راح تحتاج لـ استخدام سيارهـ او الميترو

جزاك الله خير يانكست ماقصرت الله يعافيك

وعذراً فيه سوؤال ثاني
كيف اجواء المدينه بالصيف
وكم تاصل درجة الحراره العاليه مره
وبالشتاء كم تاصل درجة الحراره واعذرني اذا ثقلت عليك بالأسئله
بس خويك غشيم توه طازج

ومن يقول ان شاء الله
لا ابد خذ راحتك يا الغالي وبالعكس انا والله ابي اوصل لكل واحد يبي يجي كل المعلومات الي يحتاجها
وانا والله مادخلت هنا الا لخدمتكم
لاكن اعذرني اذا تاخر الرد لان مو دايم ادخل
عموما بخصوص الجو ,, حاليا احنا طالعين من الصيف في نهايته درجة الحراره بادية في الانخفاض وراح ندخل ع الشتاء
درجة الحراره في الصيف اعلى شي تقريبا بحدود 40 درجة وفي الشتاء تنزل الي -10 وسمعت من الشباب انها تنزل اوقات الي -15
وابد حياك الله وانا حاضر وتحت امرك بالي اقدر عليه

الله يجزاك خير ويفرج همك وهم كل مسلم الله يوفقك
ماقصرت

اخي نكست ،،، كل عام وانتم بخير

ودي ان توضح لي بعض الامور:
1- كيف قوة معهد els في التدريس ؟ وكم احتاج وقت حت احصل على التوفل حيث سبق وان اجتزت ولله الحمد ثلاث مستويات في السعودية ؟
2- كم عدد السعوديين فيه والعرب ؟ ونسبة الفائدة ؟
3- جايب قبول على نفس المعهد لو حبيت اغير لولايه ثانية ومعهد جامعة هل يوجد صعوبه ؟ وماهي الاحراءات ؟
لازم اغير الI20 ورقم سيفيس جديد حت اكون بالسليم لاني انتظر ال تونتي حت اقدم على التأشيرة
امل ان يتسع صدرك لتساؤلاتي ,,,
وربي يوفقك

شباب وخاصه نكست اشلونكم وشخباركم والله يسهل عليكم ويوفقكم ياعيال ديرتي ويردكم سالمين
لاهنتو سؤال صغير ولاية ميزوري كم تبعد عن العاصمه واشنطن ابي البعد بالمسافه وبالوقت سياره وطياره واذا ممكن تحددون مكانه بالنسبه لامريكا يعني شمال شرق وسط زي كذا لبى قلوبكم فديتكم ويارب يسهلها والحقكم خاصه اي بطلع ع حسابي بس الله كريم

كل عام وانت بحصه وسلامه يارب
قوة المعهد .. ما اقدر احكم على القوه لانه ترجع لك ولكيفية دراستك لاكن اقدر اقولك انه جيد ماهو ممتاز ولا هو سيئ
وطبعا يختلف من مدرس لمدرس فيه منهم من هو جدا كويس وفيه منهم الي عادي جدا ومامنه فائده
بخصوص التوفل وبالعادهـ اشوف الشباب الموجودين هنا يبدون في اختبار التوفل من المستوي الثامن او التاسع
وكم تعرف انها 12 مستوي .. وفيه منهم مايختبره الا من العاشر برضو ترجع لك ومتى تبي والملحقيه تعوضك على كل اختبار
بخصوص السعوديين حاليا قريبين من 40 من 110 ممكن اكثر ماني متاكد من الرقم
الفائدهـ ترجع لك انت ومع من تبي تجلس او مع من تبي تقعد تتكلم
بخصوص التحويل والله ماعندي فكره عن الموضوع ان شاء الله ان فيه من هو اعرف مني في هالموضوع
وربي يوفقك ويوفق الجميع ويسهل علينا وعليكم

الحمدلله بخير يامال الخير وربي يسلمك ان شاء الله والله يستجيب لدعاك ان شاء الله

تبعد عن واشنطن بالطيارهـ مباشره من واشنطن الي سانت لويس ساعه و50 دقيقه
بالسيارهـ 14 ساعه تقريبا

بخصوص وين موقعها مادري كيف ابينها لك
لاكن عموما هذي خريطه لها عن طريق قوقل ماب


وسوي زوم اوت وراح تبين لك وين موقعها تقريبا
والله يسهل عليك يارب ويوفقك ويكتب لك الي فيه الخير ان شاء الله