حوار ............ تجمع مدينة اثينز ............

مشالله توصل بالسلام, نفس موعد رحلتي

بالنسبة للسكن يمكن تتعب اكون معاك صريح
انا لي اسبوع و نص ابحث و لا حصلت شي , مشكلة المدينة صغيرة و ما فيها غير 4 مجمعات سكنية
ما حصلت عندهم لا غرفة و لا استديو , فاذا تبي غرفتين و اكثر ممكن تحصل لا اعلم
لازم تشد حيلك في البحث بسرعة و بجد و لا تنتظر احد يساعدك , لان الكل هنا مشغول مثلك
انا لازلت ابحث عن سكن فما اقدر اساعدك

بس خذ هالرابط , من موقع المعهد فيه مواقع المجمعات السكنية و الفنادق و كل شي , و انشالله يفيدك

Linguistics: Information: Athens

مشكور اخوي دحوم ، مامنك قصور ،
تمت مراسلتهم في انتظار ردهم

سلاف انتي معايا انا في اوقست كمان
اتوقع كل الكلاسات الي تبدا بشهر مايو من الجنسيه السعوديه فقط

السلام عليكم
شباب في أحد جاي أمريكا في شهر 4 ابريل
إذا ممكن مساعده في واحد من الشباب يبغى أحد يجيب له غرض من الرياض لكولومبوس. في أحد يقدر يساعده؟؟؟
أرجو الرد بسرعه
وبالنسبة للسكن ترا في شباب سعوديين ناويين يحولون بس يستنون الدراسة تخلص نهاية هالشهر فأنصح اللي يبون سكن مايعتمدون بس على مسئولة السكن بس روحوا المركز الاسلامي واسألوا الشباب هناك إذا في أحد بيحول جامعة ثانية ويبغى أحد يسن بداله
بالتوفيق والله يسهل أمركم وتوصلون بالسلامة

نونا666
انا جاي عصر 26 ابريل
اذا الغرض خفيف و لا ياخذ مساحة جبته معي, لاني جاي بشنطة وحده و عساها تكفيني

اوك يا أخ دحوم
الغرض لاب توب ان شالله مايكون ثقيل عليك
ممكن ترسل لي ايميلك عالخاص

السلاام عليكم ياحلووين ... حبيت اسالكم ..


وش الاوراق المطلوبة لفتح الملف لي انا والمرافق .؟؟

وانا مرافق طبعا مع اختي .. وانا موظف في شركة خاصه .. وخليت اسمي عندهم وساافرت .. هل لااازم اجيب ورقة من الاحوال لتفرغي ,.؟

يبدو انا ماافيه احد .. خخخخ

طبعا الحمد لله قدمت على معهد جامعة اوهايو في اثينز opie والحمد لله جاني القبول باقل من اسبوع وقدمت على الفيزا وكان موعدي الاثنين وطلعت الفيزا الثلاثاء بعدها بيوم الحمد لله وطبعا بدات بتجهيز اغراض السفر وكل شي وقربت اخلص من تجهيز اغراضي وطبعا دراستي تبدا في 13 مايو وانا بسافر قبلها بـ 10 ايام وطبعا بدرس على حسابي الخاص
وانا والدي يعمل في الخطوط السعوديه ولي تذكره مجانيه وحصلت حجز في 2 مايو من الرياض لنيويورك لمطار New York, NY (JFK) وانا بروح لصديق لي في شيكاغو بجلس يومين عنده عشان يرتب لي وضعي ويستخرج لي شريحة جوال وبطاقة صراف ولكن ابي احجز من نيويورك لشيكاغو مطار Chicago, IL (CHI ومو عارف على اي خطوط احجز وكيف الاجراءات في مطار New York, NY (JFK) وكم المده الكافيه اللي اتركها بين الرحلتين واللي طبعا بجلسها في المطار من نيويورك لشيكاغو وهل لازم انزل العفش في نيويورك ولا لا

اتمنى الرد على في اسرع وقت ويعلم الله اني في حيره من امري
واسف على الاطاله

جميل , بتتعب بمطار نيويورك اذ انت مو متعود ع المطارات مثلي ؛؛ وصلت لاثينز المغرب الجمعة و الحمدلله كل شي تمام و انجزت بعض الاجراءات , بالنسبه للخطوط الداخليه عندك شركة AA ,, صالة 8 في مطار jfk