حوار ............ تجمع مدينة اثينز ............

السلام عليكم ورحمه الله وبركاته
أخوي ابو طلال
ماعليش انت ماجيت شي جديد نفس الكلام الي قلناه بس بدون تفصيل إحنا نتكلم هنا ونتحمل المسئوليه أمام الله ثم الناس كل كلامي واضح وكلام الإخوان شرح الواقع بدون تجميل ولا مبالغه ولا أبي ارجع أعيد نفس الكلام لا تحاول تجمل صوره المعهد والمدينة بشي ليس فيه إذا جبت معلومه ممكن تشرحها لنا بالذات إذا كانت وجهت نضر شخصيه ممكن تقول لنا أسباب وجهه النضر هذي مثل ما شرحنا من قبل وجهات نضرنا بالتفصيل إحنا نقول الشين والزين في المدينة ونشرح السبب عشان الناس تختار وهي على بينه وعندهم معلومات كامله مانبي احد يغلط مثل غلطنا ويجي على معلومات ناقصه وفي النهايه الكل يتحمل نتيجه قراره ما اتفق معك أبدا اثنز تعتبر من أغلا مدن اوهايو من ناحيه السكن ممكن تقول لنا وين ساكن انت وهل عقدك قديم او جديد عشان العقود مع بدايه السمستر هذا زادوها كلها من 100 إلى 200 دولار حسب المجمع
احترام كلامك لأكن لابد انك تكون أكثر وضوح وأشكرك على المشاركة انت أكيد تعرفني إذا كنت تجئ الاجتماعات حقت المسجد أرجو انك تتواصل معي

صراحه من الحين كرهت اثنز وابي انقل من المعهد وانا لسه ماوصلت المهم الحين انا حايسه بموضوع السكن ابي سكن اول كم شهر الين مانقل من هالمعهد لمدينه ثانيا
المهم ان السكن يبون شخص يضمني (يعني اعبي بياناته في ابلكيشن الضمان تبع الشقه ) من امريكا وانا ماعرف احد في امريكا كيف تعاملتو مع هالسالفه ؟؟ مع العلم ان السكن الي ابيه هو الميل ستريت

اخ السبيعي كل شي عندك سلبي .بصراحه احبطنا المعهد كثير يمدحونه.ياليت توضح الاشكالية بالزبط.
واللي باثينز ياليت يفيدوننا بشيء.بصراحه تخوفت .

المدينه امنه جدا ٫ هذا احسن ميزه فيها ٫ ومافيها شي ابدا ٫ يعني تصلح حق واحد يدرس ٫ لكن حتي مول مافيها ٫ وسكنها مو رخيص بالنسبه لبياختها ٫ ،واذا بغينا نشتري من البقاله العربيه ولحوم حلال مشوار ساعه ونص لمنطقه كولمبوس ٫ المعهد بالنسبه لرايي انا وفي ناس تختلف معي معهد يهلك الطالب بالواجبات ٫ ولا يمدي اطلع امارس اللغه بره ..
للاسف جيت عن طريق شخص ما قالنا عن المدينه بصراحه ٫ واخذ مبلغ كبير وبس جاب لنا قبول لغه ٫ وياخذ بعد نسبه من المعهد انه يجيب طلاب ..
بالنسبه لي بحاول انقل من المدينه ... رغم ناس تعجبهم الدراسه فيها <.. لكن الشخص اللي جابنا اتمني تكون عنده مصداقيه وامانه
واي استفسار رسلوا لي رساله ... لان مع ضغظ المعهد ما قدر ادخل الا قليل