حوار ............ تجمع مدينة اثينز ............

أخوي ابو طلال أشوفك متحمس مره
وعندك معلومات عن اثنز وتقول منت موجود فيها
بعدين ماهو موضوعنا ندرس او نتمشى موضوعنا سلبيات المدينة وإيجابياتها وكل الكلام الي تقوله سبق وذكرناه ولاكن الفرق ان إحنا نقول الزين والشين في المدينة وانت جالس تجمل صوره المدينة بحماس غير مبرر ودفاع غريب وعلى فكره التمشيه شي ضروري في عطل وفي أماكن حلوه وش المانع ان الواحد يتمشى بالذات إذا كان في بلد غير بلده وبالذات إذا كان مصدر دخله المكافئة بس مايقدر يروح أماكن بعيده حتى روحت كولومبس من اثنز مكلفه بنزين وياعيني على الي مامعه سياره في اثنز يعني تبي تقول الواحد يسكر على نفسه اربع سنوات يدرس بس كذا يرجع من البعثه على مستشفى المجانين تبي تصير كذا بالتوفيق
اكثًر الي في اثنز نفسيات من ضغط المعهد وقله وسائل الترفيه في المدينة وحولها وبعدين ليش اسمها ترفيه تعرف الفرق بين الترفيه والرفاهية
الترفيه في وقت معين إزاله الضغوط عن الشخص وبعدها يرجع دوامه معهده دراسته وهذا الشي بعيد كل البعد عن اثنز وما حولها صراحه
وعلى فكره صحيح المعهد قوي في التدريس لأكن الجامعه قبولها صعب جداً
إذا انت ضد الاستغلال لا تخدم الاستغلاليين بكلامك
وترا انا ماتكلم عن شخص واحد عده أشخاص يستغلون جهل الطلبه
أقولك شي تعال اثنز بعدين اكتب الي يريحك زين ونشوف كيف يكون رأيك هذا إذا كنت ناوي تجئ او انك موجود في أمريكا اساس

هذا المفيد فيما كتبت و فقط...شكراً لك

اقل شي انا مجرب المدينه ودافعي النصح انت لا انت مجرب ودفاعك غريب
الي انتقلو من اثنز خلال الشهرين الي فاتو حوالي 10 من السعوديين فقط من غير باقي دول الخليج وعلى فكره المعهد كل فصل فيه عشر طلاب 7 منهم على الأقل سعوديين وعلى صعوبه التدريس في شباب يشتكون ما استفادو عشان الفصل كله سعوديين في فصل في 8 طالبات سعوديات وحده صينيه بس

اي اسئلة او استفسارات ممكن نستفيد منها

المجال مفتوح امام الجميع

تحياتي

اذا بنجي للواقع

امريكا كلها سعوديين..مافيه معهد في أمريكا تقل نسبة السعوديين فيه عن 50% الا انه يكون معهد غير نافع

والكل يعرف قائمة المعاهد ويشوف اللي مقفل فيها واللي متكدس واللي واللي ... فموضوع كثرة السعوديين في المدن صار شي جدا عادي
المعهد هنا ماعليه كلام, العيب الوحيد نظام السمستر...
انك تجلس 4 اشهر في مستوى واحد
وكثرة الواجبات مو عيب, كله هذا لمصلحة الطالب

وللمعلوميه المعهد يعطيك 40% من اللغه والباقي كله عليك (ليس فقط هذا المعهد , كل المعاهد تقريبا)
فالطالب لازم يتعب على نفسه

من ناحية الترفيه, زي كلام اخوي السبيعي المدينة تخلو من الترفيه
الطالب من جد مايعرف وش يسوي ووين يروح اذا يبغى يرفه عن نفسه

السكن غالي وغير متوفر بكثره, خصوصا للعوائل <- - ابحثو عن هالموضوع قبل لاتجو وحاولوا تحجزو

اللي مسببين له السعوديين رعب في المعاهد و الجامعات

يشوف القائمة هذي و يروح للمعهد اللي يناسبه:

http://www.sacm.org/pdf/ApprovedESL1112.pdf

و اتمنى الابتعاد عن فرض الآراء على الكل....و اشكر كل من يساعد الطلاب بالمعلومات المفيدة.

الي يدرسون في المعهد حق اثنز انا حاليا ابي انقل قبل مانزل لامريكا وراسلت اكثر من معهد ويقولون ارسلي اوراقك وخبري معهدك القديم عن انك بتنقلين عشان نراسلهم من اجل تحويل الاي توني
طيب الحين انا اراسل المعهد راسلت رينا اكثر من مره وكل تنردلي الرساله انو الميل بوكس تبعها مليان دقيت عليهم ردت علي واحده وقالت لي راسلي المشرف تبعك قلتلها كيف اعرف مين مشرفي قالت ديفيد بيل هو مشرفك وعطتني ايميله طيب بسىلكم الحين المشرف على الانتنسف انجلش ديفيد بيل ولا احد ثاني ؟؟
وثاني سوال النقل من المعهد بيرضون انقل علي طول ولا بيشرطون ادرس عندهم سمستر او شي من كذا ؟؟
ليت تردون على تساؤلاتي لان لي كم مره احط تساؤل ومحد يرد !!

بالنسبه لموضوع عدم الرد على الاميل بكره انا رايح لهم بخصوص واحدمن الشباب نفس المشكله
طبعا السمستر الجاي مايمديك راح تدرسين في اثنز بس دوري قبول من الحين على يناير حتى قبل تجين

احب انبه اليوم كنت في اداره المعهد وقالو لي انه في 170 طالب سعودي جايين على السمستر الجاي انصح الي بيجي يحجز سكن ضروري جدا جدا جدا لا يحصل نفسه بكره مستاجر برا اثنز

فيها معهد لغة .. وبكم ؟