تقرير تجمع طلاب دينتون , تكساس . (Denton )

إلي أعرفه إن الجامعة عندها كورس لمدة ستة شهور اسمه (GPC) إذا عديته ماتحتاج GRE ، بس ماني متأكدة إذا الملحقية تغطيه و لا ؟؟

طبعا معهد الجامعة عبارة عن سبع مستويات يبدأ من صفر إلى سته . لكن المهم هو اللي مثل حالتي تخصصه لغة إنجليزية ويبغى يكمل الماستر في نفس تخصصه لازم يجيب توفل حتى ولو تجاوز الدراسة بالمعهد وهذا خاص بالإنجليزي عندهم

السلام عليكم ورحمة الله وبركاته

أنا ساكن وأدرس في دنتون وفي معهد شمال تكساس , عندي شقه قريبه جدا إلى المعهد تقريبا اربع دقائق مشي إلى الصف و حاب أغير لأني جاني ولد وصارت صغيره علينا الي يرغب ان ياخذها يراسلني على الخاص أو يضع رد في المنتدى العام وهذا العنوان Normal st 222 Denton, Tx

نينو أنا أدور شقة غرفتين وصالة وحمام الله يكرمك
تكون نظيفة ولا يهم حتى لو كانت أبعد عن الجامعة بربع ساعة تعرف شي ؟
وبعدين تعال كذا داخل ماتعطينا ولا معلومة شايفنا محتاسين شوي أنا والاخت كيميائية على معلومة GRE في الجامعة ولا تعلمنا هل هي مطلوبة للماستر هناك ولا عندهم دورات معينة لهالموضوع ولا أصلاً مايحتاج !!

عبدالله الباشا حتى أنا تخصص انجليزي والظاهر لازم ناخذ لنا وقت في المعهد لأن لغتي مع الوقت صارت مصدية شوي

ايوه والله ياريت احد يدينا معلومات اكثر...غير كذا اخواني الي من المرحله الخامسة ابغى اعرف هل القبول جاكم من الوزارة اقصد من مكتب القبول الي تابع للوزارة..ولا انتو غيرتو من عندكم..واذا انتو غيرتو كيف ختمولكم عالقبول ...بالله تفيدوني انا شايله هم اخذ قبول وبعدين مايرضو يختم عليه..ومايرضو يغيرولي الولايه.

امووونة أنا جبت قبولي بنفسي ورحت للوزارة عشان اصدر قرار الابتعاث
كلمة ( نشفوا ريقي ) عشان يطلعون قرار الابتعاث قليلة لدرجة انهم قالوا يالله رح جيب قبول المكتب وانتظر وسو موعد من جديد للسفارة وغير فيزتك عشان تشيل اسم الجامعة !!
من قالك ياملقوف تجيب قبول بنفسك !
قلت الحين أجيب لكم قبول جامعة تقولون لي رح ارجع جيب قبول معهد ؟ صاحين أنتوا ؟
المهم إني جلست يومين وماوافقوا الا بعد ذلة

الله يستر والله اني شايله هم الختم عالقبول......

up

نبغى التجمع يكون فعال و مثمر ..

إلي عنده أي معلومات حتى لو بسيطة يشاركنا فيها ..

كيميائية مشكلة المبتعثين من يوم الواحد يوصل أمريكا ( يسحب ) على الموقع ولا عد نشوفه
ونسى في يوم إن فيه أخوان له ساعدوه وفيه إخوان ثانين محتاجين المساعدة والمعلومات

بالمناسبة وش تخصصك في الماجستير بالنسبة للكيمياء !
وفي الدكتوراه ؟
وماهي وجهة نظرك لأفضل تخصص مناسب للكيمياء من ناحية سوق الوظائف وماهو أسهل تخصص

شكراً

يعطيكم العافيه .. دخلت ابحث عن معلومات اكثر عن دينتون بس انشاءالله القادم اكثر .. واحد يقول انه دارس بالجامعه وشقته صغيره بدون مايعطينا اي معلومات والناس حايسه ... لاكن الله يعين
التخصص( إدارة مستشفيات) عندهم قوي ومعترف فيه من عدة منظمات عالمية .. ودي اقدم واخاويكم ولاكن للاسف على حسب ماسمعت انهم يطلوب جي ار ايه لجميع التخصصات مدري هل صحيح ولا لا