تقرير تجمع طلاب دينتون , تكساس . (Denton )

بالنسبة لجامعة شمال تكساس
نعم ياعزيزي ضروري هالاختبار ماتشوف الهم لاعب بحسبتنا
عسى الله يوفقك ويزين امورك

..

انا حولكم باذن الله في ارلنغنون ( بين دالاس وفورت وورث ) - تبعد عنكم نصف ساعة ، وصراحة حاط جامعتكم خيار ثاني لي بعد الجامعة اللي حصلت قبول لغة فيها : UTA ، المشوار بيننا قريب نتقابل على خير باذن الله ،، سفري في 9 ماي

يالطرقي لا هم ولا شي شد حيلك وخليها على ربك ..

بصراحة ما أقدر ألوم المبتعثين لأن فعلاً الواحد ينشغل مرة ومايلقى وقت عادة .. و إذا ماكان مشغول جسدياً يكون مشغول ذهنياً .. بلد جديد و أنظمة جديدة .. الله يوفق الكل ..

و بالنسبة لتخصصي فهو كيمياء فيزيائية .. طبعاً هذا التخصص مايمشي إلا للوظائف الأكاديمية في الجامعات و هذا يناسبني لأني معيدة في الجامعة ..

يعني إذا تبي وظيفة أكاديمية ففي تخصصات كثيرة مطلوبة ..
لكن إذا تبي وظائف أخرى في مؤسسات صحية مثلاً فالكيمياء الحيوية مناسبة جداً و مناسبة للمرأة حتى لو جلست في البيت .. في الكيمياء العضوية بفروعها العديدة زي البوليمرات و البتروكيمياويات .. أيضاً ألحين تقنية النانو تعتبر شي جديد و مطلوب ..

و بالنسبة للأسهل .. فهو يعتمد على الشخص .. و أكيد مافي شي يجي بسهالة بس أهم شي إن الواحد يحب تخصصه و بالتالي يقدر يبدع فيه ..

و موفقييييييييييين ،،،،

أديب
الله يوفقك
تعال زين إننا صدناك
UTA هل تقدم قبول مشروط للماجستير وهل لديهم اختبارات مثل GRE ولا توفل كافي إنه يدخل الواحد لبرنامج الماجستير ؟
ننتظر نصيحتك وأنا خوك


AL700T
ونعم بالله
الله لايهينك يابطل

م كيميائية
معلومات قيمة استفدت منها
أشكرك كثيراً وعسى الله يوفقك

السلام عليكم يا اخواني واخواتي

انا مبتعث إلى جامعة شمال تكساس بتاريخ 1 - 6 - 2010 م في المعهد وبعدها بأكمل دكتوراه في تخصص biology

ورحلتي يوم 26 - 5 - 2010 م من الرياض فإذا كان هنا اي اشخاص عندهم قبول في نفس الجامعة ارجوا الرد للتواصل

بالنسبة للسكن ابحثوا في موقع اسمة Apartment.com وفيه انواع الشقق واسعارها ..

واتمنى التوفيق للجميع يارب

ياليت أحد يعطينا فكرة عن الحضانات ، الروضات , المدارس في دنتون للأطفال ؟؟

و كيف دوام المعهد .. و هل في حضانة في المعهد ؟؟

السلام عليكم

انا ادرس بدينتون حالي لي فيهاا سنه وشهر وانا طالع منها هالشهررر رايح لجامعه ..

ع العموم المعهد مافيها حضانه..

بس فيها بنات سعوديات واجد بالمعهد يسون وفي منهم عوايل ..انشالله انهم يشوفون ذ1 الموضوع ويفيدونكم ..


المدينه تعتبر كويسه للعوايل

هلا اخوي المعذره ماشفت الرد الا الآن، ونسيت اني راد الموضوع اصلا بارد وأسأل عنكم ، ناوي اشقر عليكم يا اهل دنتون


جامعة uta اللي اعرفه من كل الشباب انهم يطلبون توفل وجيمات أو جي ار اي ، تجاوز المعهد التابع لهم لا يعد كافياً أصلاً بالنسبة لهم ، انا حاط جامعة دنتون خيار ثاني إن انهيت اللغة لمواصلة الدراسة بإذن الله ..

و عليكم السلام ..

شكراً على ردك .. طيب أنت لي طالع من دينتون .. ما قدرت تحصل قبول بجامعتها ؟؟

و مافهمت عليك هل قصدك أن البنات السعوديات مسوين حضانة ؟؟؟ ممكن تسأل عن موضوع الحضانات ؟ الله يعطيك العافية ..

و ودي أعرف كيف دوام المعهد يعني من كم الساعة يبدأ إلى كم ، طبعاً الفل تايم ؟ و كم مدة البريك ..
و كيف الجو في دينتون ..

و الله يجزاك خير ..