حوار كل ماتريده عن أوستن تكساس ,,,

ماعندي فكره .....

السلام عليكم

انا طالب ارامكو تخصصي جيوفيزيا .. وارامكو العادة تخلينا نختار خمس جامعات عشان نقدم عليها واذا جا قبول نختار وحدة منهم
وانا افكر جديا في يوتي اوستن .. بس عندي كم سؤال.

1-الشي اللي شايل همه الـesays . خاصة اني احس ما عندي شي اكتبه , ياليت اللي عنده خبرة يفيدني
2- بالنسبة للتوفل تفريبا كم تطلب الجامعة ؟ (الموقع ما عرفت من وين اطلعها وعلى خبري 80 بس مش متأكد)
3- الجامعة ما تطلب درجة معينة في السات1 , صح ؟ طيب عشان اكون في السيف سايد كم احتاج ؟
4- كيف الدراسة بالنسبة لتخصصي ؟ اذا صعبة بزيادة يمكن اهوّن
5- اذا ممكن تتكلمون عن المدينة والمعيشة والناس والجو وهالامور لانها جدا مهمة

ادري ان ثقلت عليكم بس هذا اشياء مهمة جدا وما ابي اتوهق في الكم سنة الجاية , بالتوفيق للكل .

تكفووون ابي اعرف هل معهد tiep في هوستن مقفل بسبب التكدس والا مو مقفل وياليت اللي يعطيني المعلومه تكون معلومه موثوقه مو سمعها من احد لاني قدمت على مكتب ايجيك عشان يجيب لي قبول وسالت المكتب قال ما جانا خبر انه مقفل بس قريت في المنتدى انه مقفل بسبب تكدس السعودين فيه.... تكفون اخوكم محتااج مساعدتكم لاتبخلون علي ولكم مني اصدق الدعاء باذن لله

هلا وسهلا فيك اخوي سبق وقلت ان المعهد مغلق لتكدس الطلاب وكم طالب حاول النقل للمعهد لكن المشرف يرفض
دمت بود

اخوي قصيمي انا بحثت في موقع الملحقية وموقع الوزارة ومالقيت ان فيه شي يقول ان المعهد مقفل والمكتب اكد لي انه لم يجيهم شي بخصوص تقفيل المعهد تكفى يا قصيمي اوقف معي بذا الموضوع هل اذا جبت القبول من المعهد هل الوزارة في السعودية ترفض تصادق على القبول.. ودمت بود

اخوي الكريم بحكم تواجدي حاليا بالمعهد انا افضل انك تفكر بالمعهد التابع للجامعه وذلك بسبب كثرة الطلاب والطالبات السعوديين هنا
ومن ناحية الاغلاق اللي سبق وطرحت القصه في رد سابق

حبيت اسرد لك قصة طالب ايضا كان يدرس على حسابه الخاص وجاه الابتعاث واجبرته المشرفه بتغيير المعهد بسبب التكدس
مااتوقع فيه شي اكبر من كذا دليل
دمت بود

السلام عليكم انا طالب بجامعه شمال كنتاكي والمعهد الي انا فيه ماهو جيد وضعيف مره
وسمعت عن جامعه اوستن ومعهدها ويقولون انها كويسه ومعهدها قوي
وابي احول له لكن اتمنى انكم تفيدوني في بعض الاشياء
1/هل المعهد قوي ويدرس من الي والبي والسي انا ابي اتعلم من الصفر؟
2/هل الجاامعه كويسه والمدينه كويسه وهادئه واتمنى اقدر احصل عائله؟
اتمنى الافاده

اخوي قصيمي الله يعطيك الف عافيه ويطول بعمرك ويجزاك الف خير
اخوي قصيمي انا طالب بجامعه شمال كنتاكي وابي اغير المعهد والجامعه
المعهد ماهو قوي وضعيف بدرجه قويه وقالو لي الشباب هنا على جامعه اوستن
وقالو انو معهدها قوي وكويس واانا ابي اتعلم من الصفر من الاحرف
وابي منك الفزعه يالغالي اتمنى الافاده له المعهد قوي والمدينه كويسه وامنه ورخيصه
اتمنى منك الجميع طرح الردود وكل مافي المعهد والجامعه والمدينه من جميع الجهات
قوة المعهد والجامعه والمدنيه الاسعار والسكن والموواصلات
وجزاكم الله الف خير

وين الناس مافي رد