اللي عنده معلومات عن مدينة ماريتا بولاية اوهايو

ودي اخدمك بس ما عرف الله يوفقك إن شاء الله والأعضاء ماراح يقصرون معاك

أنا ابي معلومات عن مدينة بولنق قرين بولاية أوهايو

اي معلومات عن مدينة وكلية ماريتا ممكن تفيدني لأن لسه ماقررت وبحثت في النت ماوجدت عن المدينه الا القليل اللي عنده معلومات لايبخل علينا جزاه الله خير الجزاء.

كلية مرياتا لا تمنح درجة البكالوريوس وهي غير معترف بها من قبل وزارة التعليم العالي.
بالنسبة للجو فانا من مدينة اثنز اللتي تبعد تقريبا ساعة عن مرياتا واعتقد ان جوها مقارب لنا اي بارد وثلوج في الشتاء وجميل في الفصول الباقية.
مؤخرا تم ابتعاث قرابة ال 7 طلاب الى الكلية من قبل ارامكوا.
المدينة صغيرة جدا ويوجد بها مطعم عربي.
لا يوجد مسجد فيها. واعتقد ان الطلاب المبتعثين من ارامكوا حصلوا على مكان للصلاة داخل الكلية.
الكلية يشتغل فيها دكتور عربي من اصل فلسطيني وهو من الناس القدامى في اوهايو ومن خريجين اثنز.
والله اعلم

مشكور اخوي على المعلومات المفيده
بس حبيت اصحح معلومه كلية ماريتا تمنح درجة البكالوريوس واللي سمعته معترف بها من قبل وزارة التعليم العالي
وطبعا ارامكو زي ماتفضلت تبعث طلابها الى هذه الكليه.

فعلا اخوي تاكدة فتبين لي انها تعطي بكالوريوس ولكن لا علم لدي حول ما اذا كانت من الكليات المعترف بها ام لا منقبل وزارة التعليم العالي .

السلام عليكم .
انا طالب سعودي ادرس في ماريتا كوليج تخصص هندسة بترول .
الجامعه مره صغيره . ١٤٠٠ طالب . تمنح درجة الباكولوريس ومعترف فيها من قبل وزارة التعليم العالي وأرامكو
الجامعه شهادتها قويه في هندسة البترول والجيلوجيا ومن افضل الكليات اللي تدرس هندسة بترول. اما التخصصات الثانيه فهي ضعيفه
الجامعه مافيها معهد لغه انجليزيه بس فيها كلاسات انجلش لازم تدرسها اول فصل
فيها ١١ طالب سعودي و ٢كويتين
المدينه صغيره مره وحقت دراسة . ولازم تسكن في سكن الجامعه الا اذا كنت ٢٥ سنة او متزوج
بالنسبه للمساجد مافي عندنا مساجد . بس زي ما قال ابوعبدالملك انه عندنا غرفه صلاة عطتنا اياه الجامعه
اقرب مركز اسلامي يقع في مدينة اثنز حوالي ٤٥ دقيقه بالسياره .
المدينة فيها مطعم عربي واحد والباقي كله فاست فود .
المدينه مافيها مواصلات عامه بس فيها تكاسي
في مدينه جنب ماريتا اسمها باركسربيج في ويست فيرجينا فيها مطعم هندي .
الجو عندنا بالشتاء برد وثلوج وبالصيف حر الجو فيها حلو بشكل عام

وهذا رابط موقع الجامعه www.marietta .edu

وعليكم السلام
وأخيرا حصلت احد يدرس في ماريتا
مشكور اخوي صراحه افتدني كثير
بس حبيت اسأل عن نسبة الأمان فيها
وكيف تعامل الأستاذه مع الطلبه بشكل عام
وسكن الجامعه كيف
ومشكور مره ثانيه وماقصريت.

والله الأمان فيها مره كويس . الحمدلله ماقد صارت لنا مشاكل معهم .
بالنسبه للمدرسين تعاملهم معنا حلو مره . الزين بالجامعه انه الكلاسات صغيره يعني اكبر كلاس فيه ٤٠ طالب يمكن . فالمدرس يعرفك بالإسم . والمسؤولين عن الانترناشيونال ستيودينتس مهتمين فينا . ويعرفون انه احنا مسلمين فمحترمين هذا الشي .
اما بالنسبه للسكن فأقولك اياها بصراحه خايس . او بمعنى أخر أول سنه لازم تسكن بغرفه مع روم ميت . ولازم تاخذ ميل بلان ( الميل بلان عباره عن انك تدفع حلو ٤٠٠ دولار كل شهر عشان تاكل بمطعم الجامعه ٣ مرات باليوم ) وبالنسبه للسنه الثانيه فهي نظام شقق بس تبقى تبع الجامعه .

الله يعطيك العافيه
بس عندي سؤال عن المدينه هل فيها اماكن ترفيهيه اوحقت دراسه فقط
وهل فيها مجمعات تجاريه
ومن ناحية الأسعار تغطي المكافئه المصاريف او ماتكفي
معليش أخوي أنا تعبتك من كثر أسئلتي
تحياتي لك