جميع استفساراتكم عن Michigan State University هنا ،،

الاولوية للي مقدم اول، افضل لك انك تقدم الحين وتحاول تجيبه بوقت اقل
شخصيا ما اعرف صراحة

بس سمعت من الطلاب هنا بعضهم انتقلوا وبعضهم قدروا يكملون ان الدكتور اللي مشرف عليك هو اللي يحدد امكانية حصولك على قبول من عدمها
وهو السبب الرئيسي في التساهل في موضوع الشروط

السلام عليكم ورحمة الله وبركاته

انا وصلني الآي توني من معهد ELC -MSU

والمعهد راسل رسالة اني لازم اسوي حساب في المعهد وراسلين لي رقمين

رقم PID

ورقم PAN

احد عنده فكرة كيف اسجل فيهم؟؟

عليكم السلام ورحمة الله وبركاته
المطلوب انك تنشئين لك ايميل
الطريقة من الرابط التالي

https://netid.msu.edu/activate.php

بالتوفيق

السلام عليكم
انا حاب اسال كم سوال
انا زوجتي جاها قبول وبروح بعد شهرين تقريبا ان شاء الله
هل يوجد في الجامعه تخصص interior design و Business Admin
لاني ماحصلتهم في الرابط الي انت حاطه
ثانيا
انا معدلي 2.5 من 5 هل القبول سهل مع اني جايب توصيات وخبرات تصل الى ثلاث سنوات
واذا في احد يقدر يحولني على جامعه ممكن تقبلني اكون له من الشاكرين


الله يعافيك ابوي

عليكم السلام والرحمة

مبروك القبول
التخصصات اللي ذكرتها تبيها بكالوريس ولا دراسات عليا؟
لانها موجودة بكالوريس ثنتينهم

الماستر شرطه معدل ٣ لكن احيان يقبلون
اذا كانت التوصيات من ناس مشهود لها او سبق انهم عملو بالجامعة
واذا مقدر اوراقك من بدري

ممكن يقبلونك ان شاالله خصوصا ان عندك خبرة

جامعات ثانية ما عندي علم صراحة بس تقدر تشوف موقع الوزارة وتشوف الجامعات الموصى بها


بالتوفيق

الله يعافيك ابوي ... كلنا راح ندرس ماجستير انا تخصصي لغه انجليزيه .. وهي تربيه فنيه

طيب سوال ثاني جامعه ميتشقن في lansing هل القبول فيها صعب.. سهل ؟
وهل يحتاج اعادل شهادتي من wes واذا ضروري هل اسهل او افضل اني اعادلها من امريكا او هنا .. لاني في الاول بخلص لغه بعدين اقدم على الجامعات.

القبول معاييره كثيره وتختف من كلية لاخرى

امثلة على هالشي: ممكن الكلية ما تطلب اي اشتراطات
او ممكن تطلب اختبار لغة بس ، او اختبار لغة واختبار ثاني
او تهمه التوصيات ، او يكون عليه زحمة ، او يكونون مقدمين كثير قبلك فالاولوية لهم

يعني الصعوبة والسهولة حسب القسم حسب قوة ملفك وجديتك بالموضوع


معادلة الشهادة مالي خبرة فيها صراحة، لكن ما اعتقد تفرق ما دام المعادلة من شركة معتمدة
انصحك اذا وصلك قبول المعهد تبدا تقدم عالجامعات من بدري حتى تضمن لك قبول مشروط الى ان تنتهي من المعهد

بالتوفيق

يعطيك العافيه يا ثامر على اللي تقدمة من أجابات للجميع.

الحمدلله وصلني قبول معهد ELC وجاي بعد شهرين وتبدأ الدراسة في 14 مايو
حاب أستفسر هل فيه عوائل أستطيع السكن معهم لو أول ثلاث شهور !

مبروك
الجامعة ما تنظم لك هالشي
اذا دورت بالنت بتلقى كذا عيلة لكن السكن بيكون على مسؤوليتك انت ومو مضمون

اذا عشان اللغة انصحك تطلب سكن الجامعة او تسكن بشقة مع طالب اجنبي
الوقت اللي انت جاي فيه صيف وغالب مساكن الجامعة مقفلة ما عدا واحد او ثنين
والشقق برا تتاجر برخيص لان الصيف محد فيه


بالتوفيق

الله يبارك فيك يا ثامر. للأسف في النت بحثت كثير وماحصلت عوائل إلا أثنين أو ثلاث فقط في لانسنغ
أما سالفة أسكن مع طالب أجنبي هذي يبي لها دراسة وبعناية لأني شخص ما أتأقلم مع أي واحد !

ألف شكر وبيض الله وجهك والله يفتحها بوجهك يارب.