جميع استفساراتكم عن Michigan State University هنا ،،

عادلوا لي 42 ساعه

سلام عليكم عندي استفسار عن ولاية ميشيجان كيفها وكيف اسعار السكن وهل العوائل متوفرة بكثرة وماهي اجمل مدنها وافضلها من ناحية الامان

عليكم السلام

معلوماتي فقط عن جامعة Michigan state university والمدن التابعة لها
اعتذر منك

أخوي ثامر

الله لا يحرمك أجر المساعده اللي تقوم فيها لخدمة أخوانك وأخواتك بالمنتدى

عندي استفسار سريع

هذا التخصص :

MSU RO:Academic Programs: Supply Chain Management - Master of Science

هل تعرف طلاب سعوديين يدرسون فيه ؟
وهل القبول المشروط سهل أم صعب في التخصص ؟

تحياتي

السلام عليكم

يا اخوان حاولت اني اسجل اون لاين في جامعة ميشيغن ولكن لما وصلت لمرحله التوصيات طلبو مني اعطيهم الايميل الدكتور اللي كتب لي التوصيه يتواصلون معاه عشان يرسلهم نسخه من التوصيه او يرسلون له نموذج معين تقييم طبعا حاولت لشرح لهم اني طالب انتساب يعني الدكتور مايعرفني نهائيا اعطاني التوصيه بناء على درجتي في المادة نفسها ولو ارسلو له ايميل ما راح يرد لانه مايعرفني وانا مو طالب انتظام وحتى اني كلمت الدكتور نفسه قالي التوصيه الاصليه معاك قدمها وخلاص وارسلت لهم ايميل لكن الى الان ما ردو علي ... ايش الحل

طغرائي


اعرف واحد تخرج من هالتخصص لكن بدرجة بكالوريوس
الماستر قبوله اصعب شوي لكن ماهو مستحيل
ويختلف باختلاف المعايير بكل قسم

حاول تقدم اوراقك باسرع وقت - تكون اوراقك كاملة من اختبارات وجاهزية وتوصيات ووو - واذا كان فيه كراسي فاضية ان شاء الله يكون لك مكان






عليكم السلام والرحمة

كمل اوراقك كلها
واللي يعطيك التوصية الجامعة تتاكد منه
كل اللي راح يسوونه "لو" كانو بيتاكدون انهم يرسلون له ايميل يتاكدون من توصيته لك
ما دام الايميل مطلوب تحتاج انك تحطه بالخانة
وان شاء الله دكتورك يرد عليهم



بالتوفيق

السلام عليكم ورحمة الله وبركاته


اخوي ثامر ..
انا جاي الجامعه في نهاية رمضان لان عندي اختبار تحديد مستوى
بغيتك تنصحني بافضل الاماكن اللي ممكن استأجر فيها .. يعني اماكن قريبة من الجامعه والسوبرماركت ...الخ
يعني اذا رحت هناك .. وش اول مكان تنصحني اروح له ..

الشي الثاني .. هل الحياة من غير سيارة صعبه بالولاية ؟؟ الباصات متوفرة بكثرة؟

ويعطيك العافية

عليكم السلام ورحمة الله وبركاته

الاماكن كثير وتختلف حسب انت وش يناسبك
واذا انت مع عيلة او لحالك، اذا تبي مكان تجمعات او هادي، قريب مشي او قريب باص ،،، الخ
معايير كثير انت تحددها ممكن اشوفها مناسبة لكن ما تصلح لك

بغض النظر،، هذي مساكن يجمع عليها الطلاب بالمدينة انها ممتازة:

Arbor Glen
Gaslight
Abbott Pointe
The Lodge
Capitol Villa


الباصات متوفرة في كل مكان واوقات كثير في المدينة واللي حولها
وايضا فيه باصات تنقلك لبعض المدن الثانية بالولاية والقطار متوفر بعد

السيارة ماهي ضرورة هنا لكن ممكن تريحك ببعض المشاوير
واذا منت مهتم بسيارة موديل وكشخه فيه سيارات ب١٠ الاف ريال او اقل
او حتى دباب ارخص ممكن يريحك


بالتوفيق

سلام عليكم

يعطيكم العافيه يا شباب على مجهود

عندي كم سوال

انا طالب لغه ناوي ادرس بكالوريس وصار لي تقريبا ٩ شهور في معهد و لغتي الحمدلله كويسه
هل المعهد يقبل شهادة معهد ثانيه اذا جيت بنقل ؟ يعني اكمل نفس مستوى لان عندنا ٥ مستويات و انا في ٤ تقريبا نفس نظام

وش الدرجه الي تطلبها الجامعه من المعهد عشان ادخل جامعه ؟ يعني B , C , A

عليكم السلام

لا للاسف ما يقبل درجة معاهد ثانية
اذا ما جبت ٧٩ توفل او ٦.٥ وما يعادلها من الاختبارات المعترف فيها
راح يجبرونك تاخذ اختبار المعهد

الجامعة تدخلها بمجرد ما تنتهي من المستوى الخامس ومعدلك فوق ٢.٥ في كل المواد

بالتوفيق