من يفيدني عن معهد جامعة UNIVERSITY OF KANSAS

ولاية كانساس في الجهه الاقرب لميزوري

وبالنسبه للسكن والاسعار معقوله جدا يعني تكفيك المكأفأه وبالراحه

العيب الوحيد في هالديره ان اغلب الشقق لازم عقد سنوي ١٢ شهر

بس انا ممكن اساعدك وادور لك سكن ممتاز ومن احد يسوي لك تنازل يعني ممكن تاخذ شي ٦ شهور ولا ماصلح لك السكن تسوي تنازل او تكمل فيه لين تنتهي مدته او تغير الروميت

انا ساكن باحسن سكن في هالمدينه وادفع ٥٣٩ دولار مع الكهرب طبعا غرفه بحمام مستقل وانت بكرامه ماحد يشاركك فيه

وبالنسبه للعوائل للاسف صعب تلقى

شوف ياغالي

المعهد ممتاز وصعب بس عيبه ان طويل

يعني ممكن تاخذ فيه سنه ونص الى سنتين اذا انت انسان عادي

اما اذا انت دافور سنه ان شاء الله وانت مخلص

ميزته انه 5 مستويات والمستوى الاول ينقسم الى مستويين

كل مستوى مدته 4 شهور واذا رسبت في ماده تدرسها اربع شهور

ونهاية كل سمستر تختبر اختبار عام وممكن تطلع من مستوى 1 الى 3 او 4

الجامعه من اقوى الجامعات في امريكا وجامعه صعبه

اذا انت بتدرس ماستر يبغون توفل وجيمات او جي ار اي ودرجتهم عاليه

اذا الفيزا طلعت باسم المعهد الله يوفقك

اما اذا لسه انصحك تاخذ قبول لغه في مدينه كبيره تستانس وتستفيد

واي شي تحتاجه انا حاضر