مدينة Muncie منسي أنديانا

باذن الله حتى لو السكن فل بتلقى اماكن كثير حلوه وباسعار مقبوله
انا غيرت الدورم والناس خوفتني قالت مابلقى ولقيت كثير وصرت انا اتشرط
بالتوفيق اخوي والله يسهل امورك

السلام علييكم
انت في منسي ؟؟؟

السلام عليكم
بالنسبه للشباب اللي جايين منسي ...
يامرحباااااا 1000
بالنسبه للسكن اعتقد سكن الجامعه فل ويمكن يفضى منه بعض الشقق وذلك لانتهاء SUMMER 2 وغير كذا مايسوى(وجهه نظري) فاذا حصلتم فيه الخير واهله(عبو نموذج السكن من الحين على موقع الجامعه وتقدرون تراسلونهم) وغيرها من الاماكن فهي واجد وبتختارون اللي يناسبكم ... عموما موضوع السكن بسيط ولايبي له شيلة هم .. اهم شي احجزوا الفنادق قبل لا توصلون عشان ترتاحون ..
وبالنسبه للجامعه.. الله يعينكم على معهد اللغه ..تحت الصفر(وجهه نظري) علما بانه ليس مقياس لاكتساب اللغه الانجليزيه وانما اساس فقط وعلما باني مرافق(لا ادرس حاليا) ولكن ما اسمع واشاهد من الاخوه الدارسين..
وايضا نظام الجامعه لازال يسوده نوع من الجهل في كيفيه التعامل مع الطلبه الاجانب..
والمدينه بشكل عام متكاملة الخدمات , هدوء, آمنه والله اعلم(ماسمعنا شي والحمد لله), ولكن خاليه من مقومات (الفله)

وانصحكم بمراسلة النادي السعودي لمزيد من المعلومات والاستفسارات وان شاء الله مايقصرون جميعا معكم

ومره اخرى يامرحباااااااااا بين اخوانكم

نسيت شغله .............
أسعار السكن
حسب معرفتي
فيه من 495 دولار الى تقريبا 800 طبعا غير شامل للخدمات (الانترنت والكهرباء والتلفزيون ... الخ)

اسعار السكن طال عمرك اللي انا اتكلم عنها عباره عن شقق من غرفه وغرفتين وانا حاليا ساكن بشقه غرفتين ب660 طبعا بعائلتي..
وانت وخويك تقدرون تاخذون شقه وتأثثونها وغالبا الشقه تحتاج تلفزيون وكنب واسرة نوم والباقي موجود من ثلاجه غساله ملابس ونشافه وفرن ..وطبعا مفروشه(موكيت)
بالنسبه للمؤثثه على حسب معرفتي فيه غاليه تقريبا ب 1000
طبعا ممكن تلقى اقل من كذ لكن انا اتكلم من واقع الشيء اللي اعرفه فقط
وفيه شقق مقسمه غرف تقدر تسكن فيها مع شريك وليكن متحدث للغه الانجليزيه ماعرف عنها شي اقدر اقوله لك(لاني متاهل ومالي فيها تجربه او قد سالت عنها )لكن ابسال الشباب اللي هناك وارد لك ان شاء الله وهذي خيار طيب لك ولخويك كل واحد يسكن مع واحد تستفيدون لغويا .. والخيار لكم
عمومااا اخي الكريم
الوضع سهل ان شاء الله ولايبي له شيله هم ابدا ابدا
الامور والحمدلله متيسره وكلنا كنا في نفس الوضع لكن الحمد لله وجدنا الوضع اسهل مما كنا نتخيل من وصلنا اللى امريكا الى ان استقرينا
اي استفسار ثاني حاضرين وعلى الرحب والسعه

السلام عليكم ورحمة الله وبركاته
الله يحييكم ياللي جايين لمنسي .اخواني لاتشيلون هم بندبرلكم سكن ورخيص بعد لاثنينكم يمكن مايوصل 600
ارسلو ايميلكم وموعد رحلتكم وراح نتواصل معكم.اما بالنسبه للاخ اللي يسال عن المعهد فانت معك قبول للمعهد فالاي تونتي وبمجرد وصولك للجامعه حتستكمل اجراءتك وتدرس ومايصير فخاطرك الا كل طيب.