تقرير عن ان اربور ولاية ميتشقن Ann Arbor,Michigan(معلومات وصور)

صراحه من أروع التقارير الا شفتها لانه يعطيك المختصر المفيد ..

كنت حاطه في بالي بنسلفانيا لكن راح أبحث عن تخصصي في هذه الجامعات واقرا عنها ويمكن احول عليها ..

واستفساري عن مدى الامان هناك خصوصا للبنات ؟؟
وكيف وضع المدينه في الليل فيها شغب ومشاكل او لا ؟!
وهل يوجد سكن للجامعات ؟؟

كل الشكر والتقدير لك ..

اشكر لك مرورك اختي المتميزة
ايه موجود سكن للجامعة وهو الدورم اللي في البرج اللي حاط صورته وكنت ساكن فيه وميزته انه الروميت في الدورم يكون معاك بنت
واذا ولد يكون الروميت معاه ولد طبعا المدينه تعتبر كويسه من ناحية الامان وفيه الكرايم ماب خريطة الجرائم وتصنيف المدينة من ناحية الامان لو حابين اطرحه في مشاركة هنا او في موضوع مستقل.
وفيه غير سكن الجامعة بعد اماكن كثير يكون فيها اللي يسكن معاك بنت.
وضع المدينه في اليل جيد ولكن طبعا السكارى من بعد 12 يتمركزن في الداون التاون ولكن حسب مارايت عادة كل واحد في حاله او مع اصدقاءه.
وبالتوفيق ان شاءالله

تسلم اخوي
انا من سكان هذه المدينة وصراحة مامريت ماستقريت في ولايات كثير ولكن بحاول ااسالك عن منسي وان شاءالله افيدك باللي اقدر عليه وراح ارسلك رسالة عن اي رابط او موضوع يخص المدينة اللي انت راح تروح لها لاني بصراحة ماعرف عنها شيء حتى الان.
واشكرك جزيل الشكر على ردك واهتمامك .
وبالتوفيق

اسمح لي يا صاحب الموضوع ... انا مريت المدينه قبل يمكن شهر وانا جاي من ديترويت صراحه مدينه صغيره مره ومبنى الطلاب اعتقد انه اكبر مبنى فيها ما احس انها تصلح للطالب في مرحله اللغه يمكن اذا دخل الجامعه , وكمان اسعار السكن على صغر المدينه مو مستاهله مره , ما ادري يمكن لاني عايش بمدينه كبيره ماني متعود اسكن بمثل هالمدينه وبالنهايه كل واحد وجوه ...

شكرك لك اخي الكريم على التقرير الاجمل من رائع ,,, وجزاك الله الف خير ,,
انا اعتقد ان هذا هو التقرير الوحيد لانني على كثر مادورت تقرير عن هذه المدينة لم أجد ..

أنا تخصصي موجود في جامة UM وكثير كنت شايله هم المحرم تبعي لاني لو مالقيت لو تحويل من تخصص الي في السعوديه الى جامعة في اميركا راح يرجع وابقى لوحدي ,,
وبصراحه مره انبسطت لمن عرفت ان جامعة ايسترن متشغن تبعد 16 دقيقه لان ان شا ءالله القى فرصة تحويل لاخي بهذي الجامعه لانها اسهل في ناحية التحويل من جامعة متشغن ,, وتعطي قبول مشروط ايضا ,,

وحابه اسألك كمان : هل المعهد يقدم دورات في امتحانات أخرى مثل GRE وهل يوجد معهد لكابلن في المدينة ؟

وهل يوجد في المدينة كلية مجتمع ام هي فقط في ابسلانتي ؟

تحياتي ..

تحياتي ..

السلام عليكم اخوي روكو
اولا مسموح لان رايك احترمه بكل تأكيد واتشرف بمرورك الكريم
فعلا انا ذكرت ان المدينه صغيرة لكن التقرير كتبته بناء على وجودي فيها (يعني مامريتها مرور او مجرد زيارة)
السكن مو جدا مرتفع ولكن اتفق معاك وذكرت في التقرير انه مرتفع نسبيا.
اما بالنسبة للامان فانت ممكن تكون اعلم مني انها من اكثر مدن امريكا امان وديترويت المدينه الاولى الاخطر في امريكا.
وبالنسبة لاضافتك ان المدينه تصلح للغة فقط اختلف معاك لسبب واحد وهو وجود University of Michigan
والمصنفة من افضل جامعات العالم على الاطلاق ووجود جامعة ايسترن ميتشقن وتعتبر من الجامعات الممتازة
واخيرا التأقلم له دور وان شاء الله يكون التقرير موضح السلبيات والايجابيات واي استفسار انا حاضر وبالتوفيق للجميع.

اهلا بك اختي
المعهد اللي انا فيه والمعتمد من قبل الوزاره مادري اذا عندهم اختبارات GRE لكن راح اسالهم لك ان شاء الله
في المدينة لايوجد كلية مجتمع لكن على العموم ابسلانتي قريبه جدا والباص يوصل لابسلانتي ويرجع منها
بالنسبة لاختبارات ال GRE في اكثر من مركز يقدمها في ان اربور لكن اخاف انزل روابط لانني مو متاكد اذا المنتدى يسمح ولالا
معهد كابلن لا اظن لكن في القريب العاجل ان شاءالله راح ارد عليك بالخبر الاكيد
وبالتوفيق ان شاءالله

uP
للافادة
وشكرا