تجمع طلاب جامعة kent state بــ أوهايو

السلام عليكم ..

أخواني أحتاج تكفون الى مساعده تكفون ياطلآب جامعة كنت محتاج مساعده عاجله ..

يا اخوان أنا في البدايه حبيت أقولكم أني حاليا أنا في ولاية أهايوا - كليفلآند المهم قصتي بدأت قبل شهرين أول ماوصلت .. طبعا قدمت على معهد ELS وأنتم وكرامه .. معهد فاشل ونظامه غبي جدا وماكنت أتوقع أنه بهذا الشكل وأللي قهرني أكثر أنه غالي جدا على غير سنع .. معهد غبي مايعرف الآ السقوط وشرح غبي ومدرسين مبزره توهم متخرجين وجاين يطقطون علينا وكأننا جاين " فأران تجارب " على العموم قررت أني أخرج من المعهد وقلت أنه هذا أخر شهر لي طبعا لي اسبوع ادور جامعات كويسه وكنت أبي معهد تابع للجامعه لآني صراحه كرهت المعاهد التجاريه أحس أنهم فقط يهمهم الفلوس ولا عندهم جوده في التدريس .. على العموم قدمت على جامعة كنت تقريبا يوم الآربعاء أللي هو 9 يوليو سؤالي كان أبي أفهم يا أخوان لو بأذن الله قبلني المعهد هل ببدا الدراسه في اغسطس على مافهمت من جدول المواعيد عندهم حق الدراسه ولا بخلوني السنه الجايه المهم أني دفعت رسوم التسجيل وهي 30 دولار وجتني الرساله الآتوماتكيه وهي الآيصال على ما أعتقد .. أللي أبيه يا اخوان واحد يطمني متى ببدا الدراسه وهل فعلآ كان التسجيل مفتوح لآن اليوم الثاني دخلت على الموقع حق الجامعه ولقيت أنهم سكرو التسجيل لكن الحمدلله لحقت على أخر يوم على مافهمت منهم لكن يا أخوان هل أللي سويته صحيح أللي هو قدمت على اختبار التوفل على ما أعتقد !! مع أني أبي أبدا في المعهد وبعده الجامعه طبعا يوم سجلت قلتلهم أبي جامعه ومعهد .. لكن ما أدري أنا أخايف أني سويت شي غلط أو أللي سجلت فيه كان فقط حق التوفل لآني مافهمت ناس تقول في اختبار تحديد مستوى وناس تقول توفل !! وأنا يوم سجلت عندهم كانت الخانه مكتوب فيها توفل !! على العموم هذا هو رابط الصفحه أللي بديت أسجل فيها
http://www2.kent.edu/english/eslcenter/index.cfm
طبعا راح تلآحظون أنهم كاتبين التسجيل مغلق مع أني أنا يوم سجلت كان مفتوح وتعجبت يوم قمت اليوم الثاني وشفتهم كاتبين مغلق وأخاف أني ماراح أبد الدراسه لآن يا أخوان أحس أني ضيعت وقتي كثير بسبب المعهد الخايس أللي أنا فيه وأنا حاليا مستعجل وأبي أدرس بأسرع وقت من جيت والمصايب وراي اتمنا أحد يفيدني هل أللي سويته صح وهل هذا هو موقع التسجيل الفعلي للمعهد وسؤال الآخير هل فعلآ لو قبلوني المعهد راح يخلوني أبدا الدراسه على نهاية اغسطس .. ولا بيحطوني على السنه الجايه لآني مستحيل أقعد عاطل هكذا بلآفايده والجامعه فعلآ عجبتني وهناك أخر معلومه نسبتي الثانويه هي 79 تقريبا هل بيقبلوني وهل القبول يطول ..لآني أبي القبولين المعهد والجامعه أيضا .. لكني خايف أنهم بيلطعوني وفي النهايه بيقلون تبدا دراستك السنه الجايه !!! وللمعلوميه معععي كل الآوراق أللي يبونه وأنا حاليا في كليفلاند ومعي الضمان وكل حاجه .. أتمنا يا أخواه أحد يفيدني جزاكم الله خير .. وسؤال أخير كيف يا أخوان الجامعه والدكاتره حقينهم هل هم شديدين مره في الدرجات واختباراتهم سهله أو صعبه ..مع على العلم أن تخصصي في قسم الهندسه المكنياكيه .. وصلى على محمد وشكرا لكم ..

وعليكم السلام ورحمه الله وبركاته...
أخوي يبدو إنك قدمت ع إختبار التوفل تبع المعهد
ذا الرابط تبع إبلكيشن التقديم ع الجامعة/https://keys.kent.edu/ePROD/bwskalog...=&cpbl=&newid=
موفق يارب
وفي الخدمة لواحتجت شيء

الله يعطيك العافيه أخوي أبشرك قبلوني وتواصلو معي زين أن في المكتب في عرب بحكم أن لغتي شوي رايحه فيها لكن الحمدلله قبلوني والله يعطيك العافيه توهم أرسلولي رساله قال عندك دعم مالي قلتلهم نعم ونشوف وش أخرته أن شاء الله يعطيك العافيه ماقصرت بارك الله فيك

الله يعطيك العافيه أخوي أبشرك قبلوني وتواصلو معي زين أن في المكتب في عرب بحكم أن لغتي شوي رايحه فيها لكن الحمدلله قبلوني والله يعطيك العافيه توهم أرسلولي رساله قال عندك دعم مالي


قلتلهم نعم ونشوف وش أخرته أن شاء الله يعطيك العافيه ماقصرت بارك الله فيك

سلام عليكم ممكن أسالكم سوال لو سمحتم أي جامعة رخيصة و أحسن في دراسة ماجيستير محاسبة YSU OR KSU شكرا

لو سمحتم ممكن مساعدة أنا راح تبدأ دراستي في جامعة كنت ٤ من شهر ١ وأريد استفسر عن السكنات يعني إذا تعرفوا سكنات زينه وكيف نظامهم وهل قريبات من الجامعة ؟!!

شكراا

السلام عليكم
انا قدمة علي جامعة كنت من ٢٧ اكتوبر علي ماستر بهالسمستر وماردوا علي والاسبوع الي فات ردوا يطلبون احط كل اوراقي بظرف جامعه وتختم الجامعه عليها تتوقعون يمديني اخلص امري بشهر او اقل اذا وصلني قبول ولا اطلب تاجيل لاني طالبه مشروط

انا بقدم في جامعة كنت بس ما عرفت كيف ألطريقه هل هو اونلاين ولا نرسل لهم الأوراق
اذا فيه احد بي ساعدني في التقديم أكون شاكر له ^_^

التقديم اون لاين ادخلي قوقل شرم وشغلي المترجم

طيب نرسل الضمان المالي لهم كيف ؟؟؟