استفسار معهد لغة جامعة ميسوري ستيت Missure state

أكيد لازم يعادلون لك موادك .. وعادي ترى لو قالوا لك راح نعطيك مواد بكالريوس زيادة مثلا .. لأنه فيه أشخاص قالوا لهم كذا .. طلاب ماستر واضافوا لهم مواد بكالريوس .. هذا مو معناته أنهم بيقولون لك كذا .. لا لا .. بس أنا ما أبيك تنصدمين بعد ما يقولون لك كذا .. يعني تكونين عارفة هالشيء

ومسألة اخوك بولاية وانتي بالثانية هذي انا مدري عنها

بس اللي متأكد منه .. اذا المرافق جا ورجع .. محد لمه .. يعني الوضع عادي .. ويمشي له راتب بعد

مررحبآآ اخوي الزعييم

انا ودي اقدم على الجامعه هذي بس ابي اتآكد هل فيهاا هالتخصصات

International Relations
..HUMAN RESOURCES
.. Insurance

للمآستر .. ووشو هي شروطهم للقبول من معدل واختبارات ثانيه يحتآجونها واذا اني درست في المعهد يتغاضون عن التوفل ويعطوني قبول مشروط ..؟ وهالاقسام تبع اي كليه اداره الاعمال ..؟

وكيف القسم ..المنهج حق التخصص صعب ولا ممكن اجيب معدل فيه ..؟

اممممممم واخر سؤال هل المدينه صدق كلها عبييد !! وكلنا عبيد لله

للحين ماعرفت هي وين (الجامعه)يعني وشو اسم المدينه احم ..وهل هي كبييره ولا صغيره

ومشكوور مقدماا ...

مشكور يالزعيم انت فظيع وروعه واجاباتك مريحه
انا بشوف وضعي واكيد بقولك قبل اجي
بس تتوقع عدد المواد كم تقريبا الي بيضيفونها اكثر من 3 مواد؟
لك ااااااااااااااااااااالف شكر

يا هلا والله

كل التخصصات المكتوبة موجودة للبكالريوس .. ماني متأكد اذا هي موجودة للماستر بعد

قبول الجامعة زي اي قبول لدرجة الماستر .. بس مافيه توفل .. اذا درستي بمعهد الجامعة

المدينة حلوة مرة .. سكانها أحلى مافيها .. شعب طيوب وحبوب .. مافيه مشاكل .. و83% من المدينة من البيض

و5% من السود نسبة ولا هم راعين مشاكل .. بالعكس طيبين مرة وعسل هالاوادم ..

والباقي خليط من المكسيك والاسيوين وباقي الدول ..

ومو شرط يعني يصير اسود خلاص انه راعي مشاكل .. معلومة لازم تعرفينها

الجامعة في ولاية ميزوري بمدينة سبرينغ فيلد .. وهي تعتبر لا مدينة صغيرة ولا كبيرة .. مدينة حلو العيش فيها بصراحة

تسلمين لي والله .. العفو

انا ما ادري عن عدد المواد .. لكن فيه مواد اكيد ماراح يعادلونها .. مثل : سلم - عرب .. الخ من مواد الجامعة ذي .. اذا كنتي ماخذتها

لكن بعد ما تعادلين الشهادة راح تتضح لك الامور

واي شيء يصعب عليك .. انتظر سؤالك انا

انت مادري وش اقول عنك عسل ولا سكر ولا شهد ولا كلهم
الله يجزاك خير
ايه طبعا لازم من السلم والعرب
العرب درسته ترمين
والسلم اعتقد درسته 3 اترام وباقي المواد كلها طبيه ضمن التخصص
الله يستر لايزيدون علي واجد مواد
ربي يوفقك وتسلم وبحفظ الرحمن

ومن يقول

علشان كذا المعادلة غالبا ترفع المعدل .. ولك طريقتين انك تعادلين شهادتك

يا تراسلين الجامعة بشهادتك .. او بموقع wes ترسلينها لهم وتعادلينها

علشان تقدرين تراسلين فيها كل الجامعات ..

ويهمني أعرف كل خطوة او قرار تبين تتخذينه

ابشر ع خشمي اصلاانااللي محتاجتك تكون معاي في خطواتي لاني ماادل ولااعرف اي شي
الله يسهل علي وعليك
وتزين الامور

اللــهــم آميـــن

يعطيك العافية اخوي الزعيم
وربي يوفقك بالدنيا والاخره على ردك ومساعدتك لنا

حبيب قلبي انا معيد وبصراحة عجبتني الولاية والجامعة واخذت بعض المعلومات عنها من موقع الجامعة نفسه
بس عندي سؤال ويارب تجاوب عليه وتريحني
انا ابكمل ماستر تسويق ان اشاء الله وابدرس لغة بمعهد الجامعة
سؤالي هل يطلبون جيمات او اي شهادات اخرى بعد فترة اللغة للدخول للجامعة؟

وابسال عن مستوى الدراسة بشكل عام هل سلس ولا فيه نوع من الصعوبة الكبيرة التي تعكرالصفو<<والله تعبير ياناس
وبداية الدراسة للمعهد((للطلاب الجدد متىتبدأ))؟؟؟؟

وهل هناك امكانية كبيرة للقبول فيها لاني اخاف من تكدس الطلاب فيها وايقاف الابتعاث لها؟؟
اسف جدا على اطالتي وكثرة بربرتي عليك سامحني اخوي فديتك

اتمنى انك تجاوبني وتريحني وربي يوفقك وييسر امرك بالدنيا والاخرة