للطلاب اللي جايين مدينة سانت لويس بولاية ميزوري

حبيت اسأل عن الجو بسانت لويس بشهر اكتوبر
هل هو بارد ولا ايش
علشان آخذ حسابي من الحين
ياليتكم تساعدونا

انا بالنسبة لي ماجيت بااكتوبر جيت على بداية السنة الماضية يعني بجينوري شهر واحد وكان برد وكان يجي ثلج احيانا بس بااكتوبر يمكن بداية البراد بس اهم شي تعال معك لبس صيفي وشتوي وانا بعد فترة اعطيك الخبر لاني ماعندي علم بالجو حالياً بشهر اكتوبر

والله يعين على بردهم بس

أخ معاذ كيف يمكن التواصل معك أذا كنت داخل السعودية

salehatiq622@hotmail.com

السلام عليكم
اخ معاذ ابغا اسألك عن التطعيمات هل ضروريه ولا نجطل فيها وش تنصحنا فيه
طيب السكن حق الجامعه كم بياخذون عليك كل شهر وهل دورات المياه مشتركه ولا تقدر تحجزلك غرفه كامله بدون مشاركه في دورة المياه وبكم هذي وانا بدية رايح اسكن مع عائله هل المعهد بيوفر لي سكن مع عائله قريبه من المعهد ولا نحتاج مواصلات لأني في البدايه مارايح آخذ سياره واذا كان في مواصلاة من سكن العائله الى المعهد بيكون بالشهر ولا باليومية السكن مع عائله كم شخص تعتقد يحطون مع كل عائلة بالنسبة للأوراق الي تحتاجه الملحقيه انا عبيتها من السعودية وجهز الأوراق لي مكتوب عليها فتح ملف مبتعث جديد هل في اوراق ثانيه مااقدر احصل عليها الا اذا رحت هناك تدري ما نبغى شوشره نبغى على طول مانوقف وبالنسبة للمطار يقولون بعد ما تخلص من هم التفتيش والتدقيق تتوجه الى بوابه رقم 3 صحيح هذي البوابه الي يتجمع فيها الطلاب السعودين ويجي واحد من الملحقيه ويستقبلهم وياخذهم معاه وطيب بنسبه للأكل الحلال تقدر تطلب من العائله اكلات معينه بحيث تكون حلال من لحوم وزيوت ولا تلتزم بالي تفرضة العائلة لأنك اعتقد رايح تدفع مره وحده التكاليف كامله مع الأكل اقدر ارفض واخصص مأكولات معينه بحيث تخلو من لحوم الخنازير وغيره من المحرم معليش كثرنا أسأله تحملنا شوي

نسية حاجه برضور موضوع الفيزه حقة البنك انا بحط فلوسي كامله فيها ولا وش رايك اقسمها شي احطه بالفيزا شي احطه بشيك وش تنصحنا فيه كونك مجرب هذي الحاجات او مرة عليك

معاذ اليوم جاني الرد على السكن واضع شروط ما يكون في حيونات بالمنزل وما يكون عندهم مشروبات كحول ويدخنون يعني
جاني الرد ان اغلبية العوايل عندهم حيوانات قلنا ميخالف نتحمل دخان برضو لاكن مشروبات يسكرون لنا ذي مصيبه ويقولون اذا مصر على شروطك بطول يبغالك اقل شي ثلاثه شهور على نحصل لك هذا اول مشكله
ثاني مشكله ان موعد دراستي 17/9/2007 لاكن بجي 5/9/2007 علشان نتعود على البلد ونتئقلم مع الوضع يقولون لازم تجي 16/9/2007 يعني قبل الدراسه بيوم طيب وش الحل نخاف نتبهدل وش نصيحتك, انت اول ما وصلت وش سويت بكم يوم سبقت الدراسة كيف حجزة

السلام عليكم ورحمة الله وبركاته،،،

كيفكم يالربع،،،

أخ معاذ أشكرك على المعلومات الي أفدتني فيها جزاك الله خير،،،

أنا الحين وصلت ميزوري سانت لويس لي يومين مع العايله

مؤقتا سكنت في فندق لكم يوم تعرف الي الاثنين اجازة حقت العمال

الحمد لله حصلت سكن شقه لي مع العيله بس لسه الاجرائات حقتها ماخلصت واعدوني على الجمعه ان شاء الله ،،،
المنطقه الي بسكن فيها اسمها نورماندي Normandy مدري عندك خبر عنها
اهي صراحه قريبه من الجامعه ويمكن تمشي لها

بس بعدي ماعرفت أهل المنطقة طيبين ولا ايش،،،

قلت اسألك يمكن تفيدني الله يعطيك العافيه،،،

بالنسبه لموضوع WWWEW22 مهم انك تجي قبل كم يوم واذا على السكن ممكن تاخذ لك فندق رخيص لما يترتب السكن وأفضل لك تدفع كم يوم مقدم يعني 4 أو خمس أيام علشان يقل الايجار حق الغرفه وماياخذ الفندق عليك رسوم أعلى،،،

أنا بعد دراستي تبدأ في 17/9 في المعهد


الله يوفقكم ويوفق الجميع وانشاء الله نتعرف على بعض في المعهد،،،،

اهلين اخ الصابر

انا موجوده في سانت لويس مع زوجي الله يخلك ارسل لي رقمك انا ابي اتعرف على بنات

انا الوحيده في المعهد سعوديه


ام شرف

اعتذر للجميع هذا التأخير لاني كنت مشغول شوي وبقرأ الردود ان شاء الله وارد عليها
بالنسبة لأم شرف انا ماعندي اي معلومة عن سعوديات الحين لكن اول مااوصل سانت لويس بحاول اساعدك على اللي اقدر عليه

والله يسهل ان شاء الله

أشكرك أخوي معاذ
وجزاك الله خيراً ، اريد أن أسألك عن جامعة سانت لويس بمدينة سانت لويس بولاية ميزوري كيف الجامعة وهل فيها سعوديين في الماجستير أو الدكتوراه ام لا ؟ كيف الجامعة من حيث سهولتها وصعوبتها وتشددها في درجات التوفل وا لا جي ار اي ؟
وكيف معهد ELS الذي في هذه المدينة ؟ وهل تدخل الجامعة مباشرة اذا درست فيه ام لا ؟
ارجو الرد ولك شكري وتقديري
ابو راكان