مساعد الطلاب المبتعثين الي سانت لويس

السلام عليكم اخوي سلطان

الله يحفظك ويخليك

حبيت لو تطرح موضوع كامل عن مدينتنا الجميلة سانت لويس وتحكينا عنها و عن حياتك و دراستك وكيفية اختيارك لهذه المدينة
وكيف وضعك وتأقلمك معها

ومشكوووور اخي الكريم
بالنسبة للروابط والله دخلت عليها لكن للاسف لم استطع الوصول لشي

السلام عليكم و رحمة الله وبركاته
هلا اخوي صالح
عيدك مبارك قبل اي شي و عساك من عواده..
وجزاك الله خير على الفكرة و النية الطيبة..

بصراحة انا حدددددي محتارة بين سانت لويس-ميسوري و شيكاغو-الينوي ..
الاغلب قالو لي شيكاغو لايعلى عليها بس اعرف بنت متخرجة من سانت لويس و تقول لي الجامعة حدددها سهلة و الحياة رووعة و رخيصة و الجو بارد و لطيف فالصيف +_+
بصراحة كلامها حده لخبطني..
و ابي اعرف منك بعض الوقائع اخوي..
عن سانت لويس كجامعة و كمدينة ؟ و وش افضل مكان اسكن فيه؟
و اذا فيه سكن للبنات فقط؟ او منطقة معينة فيها السعوديين؟ و الاسعار ؟
و فيها نادي سعودي المدينة او لأ؟
و مشكور على كل حال..

أختك,

حبيت اضيف نقطة أخوي !
عندك علم وشلون نظامهم مع المعادلة؟ لأني مخلصة فوق ال90 ساعة و بحول تخصصي لهالجامعة..
و ادري انهم بيحذفون كم ساعة منهم بس مابي اضيع تعب 3 سنين..

والسلام عليكم ورحمة الله وبركاته
انتي بخير انشالله وصحه وسلامه
بنسبه ل السكن تبع الطلاب باقي في غرفه 299 دولار مع اربع بنات
والولايه فيه 30 بنت تقريباا وغير اللي جايين الشهر الجاي وفيه سكن عند عائله 500 الي 700
النادي السعودي موجود وتم افتتاح قبل اسبوع
ممكن لو حبيتي اختي اعطيك رقم احد الاخوات المساعده لي في المعهد المتخصصه للبنات ومن بعدها تنقل موضوعك لي ومنها تاخذين الرد والاخت ما تقصر انشالله معك بنسبه للمعادله تختلف من جامعه الي اخرى وامرهاا سهل لما توصلين بالسلامه واذا انتي جايه عن قريب عطينا خبر نستقبلك انشالله

اخوي عبقرينو اسف لتاخري بالرد لمساعدتي مع العوائل والشباب الجدد اتصل بي انشالله واوضح لك جميع الامور
اكرر اعتذاري لك اخوي

اخ صالح المحترم لدي بعض التساؤلات امل ان يتسع لها رحابة صدرك "
1-ممكن تعطينا كيف الدراسة المكثفة في معهد els سانت لويس وكيف قوة الاساتذة في التدريس؟
2-كم ممكن يحتاج الشخص اللي مستواه فوق المتوسط في اللغه لإجتياز التوفل ؟
3-هل يلزمني المعهد بأن اكمل الكورس معهم ؟و اذا حصلت على قبول جامعة ومعهد في ولاية اخرى ؟؟؟؟
لاني بطلع بفيزا طالب
ومن ثم ابدأ رحلة البحث عن قبول مشروط phd
4- هل ممكن يساعدني المعهد في احضار قبول دكتوراه مشروط وكم يحتاج من مدة في ذلك ؟؟
5- استاذي هل تعرف اشخاص اومكتب ثقة ممكن ارسل له اوراقي وشهاداتي ويحضر لي قبول جامعة ومعهد معتمد من قبل التعليم العالي
انتظر ردك اخي .. واتعابك محفوظه ... بجد طفشنا من المكاتب وتلاعبهم وضياع الوقت ؟
اهم شي مدة احضار القبول المشروط لاني باطلع على حسابي ثم اقدم الحاق بالبعثة
انتظر ردك اخي صالح المسعودي ... واكرر شكري وتقديري لك
وغفر الله لوالدك .. وجزيت خيرا

اخوي المتميز بنسبه للمعهد يتكون من 12 مستوي والتدريس فيه لا استطيع ان افتي لك به ولكن اللغه تعتمد على الشخص نفسه لان المعهد بيعطيك 30 % والباقي عليك بنسبه ل الكورس المكثف يبدا من الساعه 8ونص الي الساعه 3عصرا فيه بريك بين المحاظرات 10 دقائق وفيه ساعه وقت الغداء . بنسبه للقبول المعهد يجيب لك قبول من اي جامعه انت تبغى تدرس فيهاا لا يشترط اكمال الكورس كامل بمكانك التحويل في اي وقت توريد بنسبه للمكاتب القبول فيها تلاعب في القبولات بس ممكن تجي بقبول تخصص موتخصصك واذا وصلت عندنا بسلامه تغيرر بس انا ابي السفاره تعطيك 5 سنوات واذا كنت حاب تاخذ معلومات اكثرر انا رقمي موجود واتصل ب اي وقت وانا انشالله الله يقدرني واساعدك ..وشكرا

انا طالبه بمعهد ELS كلام الطلاب بالأجماع المعهد دمااااااااااااااااااار واي احد يبي يضيع نفسه في مدة اللغه يدخله ويشوف
المبنى كأنه اسطبل

نصيحه لوجه الله لي الآن 6 شهور ما استفدت إلا 10%

المدينه كويسه رخيصه وكبيره وفيها خدمات والجامعات ايضا كويسه بس هالمعهد بالذات ابعدو عنه خصوصا الماستر يمكن يساعد طلاب البكالوريوس إذا انهو ليفل 12 بأنه يتيح لهم قبول في اكثر من 500 جامعه بس الغالبيه العظمى تطلع ماتعرف حتى تحكي زي الناس المسأله مو مسألة اختلاط بس كيف الواحد يتكلم ويكتب إذا ماعرف للقرامر

وبالنسبه للماستر ابعدوا اعنه بدون ماتشاورن احد لما جيت مالقيت احد ينصحني بس والله لأني مقهوره من جد على الشهور اللي ضاعت تكلمت وانتو واختياركم

!!!!!!!!!!!!!!!!

يعطيك العافيه ياصالح والله كفو اشوف جهودك طيبه مع القادمين الجدد لسانت لويس وجعلها الله بموازين اعمالك الصالحه وغفر الله لوالدك
( ابوريما )