للأهمية جامعة امبوريا بولاية كانساس

جامعة جيدة ومعهد جيد

لكن ما ودي احطمك واقولك ان المدينة شارعين ونص

لكن أحسن شيء بالمدينة أهلها .. وخصوصا السعوديين اللي فيها .. على قلب واحد ماشاء الله عليهم

طبيعة سكانها من المزارعين كلهم

الداون تاون حقها قديم شوي .. فيها حديقة حيوان .. ماشاء الله على هالحديقة .. فيها حيوانين بس .. وكلها ميتة

انا رحت لها زيارة عند أحد الاصدقاء هناك .. وكنت ابي اخذ لها صورة .. بس ما فيه شيء يتصور ..

لكن اذا رحت لها وتعرفت على المدينة تبي تحبها صدقني

^^^
يعني تنصحني فيها لأن أنا جاني قبول آخر من جامعة وتشيتا ومحتار بين الثنتين

ويتشيتا أنا أشوفها أفضل .. وجامعتها قوية .. ومدينة كبيرة

وانا رايح لويتشيتا .. انا الان بجامعة .. وبنقل لجامعة ويتشيتها بتخصص الهندسة ..

مدينة حلوة .. ما جلست فيها كثير .. بس زرتها وعجبتني الصراحة وارتحت فيها

ما هي غالية مرة .. لكن أفضل بكثير من إمبوريا

^^^
الله يجزاك خير ياخوي

أنا سمعت إن معهد جامعة ويتشيتا مدة اللفل كل شهرين ما ادري هل هذا الكلام صحيح

وكيف تشوف المعهد جيد ام لا

ايه نعم .. المعهد 6 ليفلات .. كل ليفل شهرين

وهذي الطريقة أفضل من معهد جامعتي الحالية اللي يتبعون نظام السمستر

معهد رائع ولا يحتاج توفل أنك تدخل للجامعة

للمعلومية : المدينة مرتبتها رقم 9 .. لأفضل المدن تستحق العيش في امريكا

والمركز الاول على امريكا لافضل مدينة اسعار .. مدينة رائعة باسعار رخيصة

شيء حلو من هالمدينة الصراحة

وزي ما قلت لك .. المعهد طريقة كل ليفل شهرين .. هو أفضل شيء

^^^
لكن أنا سمعت من البعض يقول بأن المعهد سيء جداً ومش قوي

وما يوفر السكن مع عوائل..!

ما أدري هل هذا الكلام صدق

هذا الشيء انا مقدر افتيك فيه .. لأني انا ما درست فيه

لكن أعرف كم شخص هناك .. يمدحونه .. وانت عاد لا تاخذ كلام شخص واحد بأنه هو الصح

أنا أعرف ناس شخصيا .. الله يعدينا وياهم

إذا سألته جامعته .. قالك مب قوية وما تنفع تدرس فيها واحسن لك لا تجي ..

يبي يشوه سمعة الجامعة .. علشان يقولك انه ما يبي سعوديين بالجامعة

والطريقة هذي صايرين كثير من المبتعثين يتبعونها .. الله يهدينا وياهم

وأنتبه من انك تاخذ بكلام شخص واحد فقط بأنه هو الصح .. دائما رأي الاغلبيه هو الصحيح

فـ زي ما قلت لك .. أعرف كم شخص هناك يمدحون المعهد والجامعة ما تحتاج مدح اصلا ..

بالتوفيق