جامعـــــة دايتون ( أوهايو )

شباب الجامعة ما تطلب Gre .. وانا مهندس وطالب ماستر الان .. ومتخرج من معهد اللغه اللي فيهـآ ..معهد قوي بصراحـه وماهو صعب للي بيذاكر ويشد حيله ..لكن للي يلف ويدور ويطاوع الطلبه السعوديين ..بيخربونه ولا بيستفيد شي ...
نصيحتي دايم ..ياشبـــــــــــــــــآب شدو حيلكم ولا تلعبون .. وبصراحة بعض الطلبة ودك ترجعه للسعوديه لانه لاهو حق دراسه ولا شي .. اخوي احمد اذا انت جاد ربي بيوفقك ..ولا تشيل هم شي مااافي شي صعب ابدددد..

اهلا بك عاشق اوهايو ان شالله قريب جاي انا على الجامعه على السبرينج
بس سؤال لو سمحت شرايك بالسكن قريب من الجامعه هل المنطقه اللي فيها الجامعه امنــه ؟
ولا وين افضل مناطق السكن ؟

مشكوور اخوي وبالتوفيق

هلا فيك .. السكن موجود وبأسعار كويسه ..ومناطق آمنــه والله حتى ما تقفل باب البيت .. وبالنسبه للسكن يعتمد على وضعك هل انت متزوج ..او اعزب ..وثانيااا لا تتعب نفسك بشي ابدن ..تعال انت ويارجال بنقوم بالواجب ..

وراح تنبسط ان شاء الله ..
ولو تبي اي شي حاول تراسلني عالخاص ..بصراحـه لاني ما ادخل وبالصدفه دخلت امس من انقطاع سنه ..لضيق الوقت مع الدراســه ..

انا ماستر MBA مشروط يعني ابداء دراستي في المعهد ان شاء الله في شهر 1 انجليزي الجاي واتوقع قبولك مشروط بدارسة اللغة وان شاء الله نتقابل على خير وبالتوفيق لك.

حياك أخوي اي قبول مشروط باللغه وان شالله ببدأ في شهر 1 وان شالله نتقابل قريب

بالتوفيق

مساء ورد آخواني وآخواتي .. كيفكم ؟ إن شاء الله تكونو بخير

آســـــــــفه مرا ع الغيبه بس ظروف الدوام والمحاضرات .. ابشركم أخذت فيزتي وإن شاء الله بحجز ع 4-1-2011 عندي كم سؤال؟؟
بسافر بتاريخ 4-1 في وقت كافي أخلص اوراق الملحقيه وأسافر اهايو واحصل سكن واستقر ؟
أنا لسى أوراقي تمشي في الجامعة ولا طلع قرار ابتعاثي احجز ع الخطوط ولا انتظر قرار الابتعاث ؟ اخاف إذا تاخرت ما حصل حجز؟
كيف يكون الحجز من واشنطن إلى اهايو؟
آخر شيء السكن أنا خاطري نسكن مع عائله احنا فوق وهم تحت عشان نزورهم ونحكي ونأخذ اللغة؟ شرايكم ولا نسكن لوحدنا أحسن لاني بسافر مع بابا وبعدها بفتره بتجي أختي ؟ وموضوع السكن هل أراسل المعهد يبحث لي عن سكن ولا كيف ؟
اعرف أسئلتي كثيره بس محتاجه أجابة ..
ويسلموووو ...

مشكورين اخواني ماقصرتوا
بالنسبة انا معي ضمان مالي ومولم اوراقي بس ماادري اقدم على الجامعة اولا لاني ماني متأكد من التخصص هل هو موجود ولا لا
انا ابغى تخصص heat transfer هل هو موجود او ميكانيكا عامة ماستر
ومشكور اخوي eng ahmad

هذه هي تخصصات الماستر الي عندهم
materials
thermo-fluids
solid mechanics
energy
robotics
design and manufacturing

مشكور اخوي احمد وماقصرت والله يوفقك بالدنيا والاخرة
انا ان شاء الله ابقدم عليهم والله يوفق الجميع
بس ان شاء الله تمشي امورنا هناك
اخوي احمد انت وصلك قبول مشروط ولا لغة فقط
وكم المدة من فترة التقديم حتى يصلني القبول
انا ان شاءالله ابغى على سبتمبر2011

ياشباب لين الان ماحد قلي ماجستير هندسه في جامعة دايتون كم سنه مدتها وهل هي كورسات والا بحث