يا طلاب مدينه ساينت كلاووود (منيسووتا ) تفضلوو عندي سؤال

السلام عليكم
مدينة سانت كلاود مدينة يعني مو صغيرة مرة يعني فيها مول وفيها مطاعم كثيرة بس ان الولاية كلها كئيبة وبرررررررد ومافيه اماكن حلوة يروح يتمشى لها الواحد مالك الا البيت والجامعة وول مارت وحتى مول اوف امريكا الي في التوينز عادي جدا وحتى التوينز مافيها اماكن حلوة كلها باختصار كئيبة وحتى لو فكرتي تسافرين مافيه جنبك مكان يفتح النفس كل الاماكن الحلوة بعيييييدة وتصير التذاكر غالية ولو جاك اجازة اربع ايام تقعدين في البيت مافيه شي قريب تروحين له . والمعهد حق الجامعة مليان سعوديين يعني مايمديك تتعلمين. بالاضافة الى ان المدينة مافيها مطعم عربي ولامحل عربي اذا بغيتي اي شي لازم تروحين لمنيابلس.. والجامعة ماتعطل مهما كانت درجة الحرارة لو 25 تحت الصفر وحتى لو عطلوا المدارس يقولون حسب الدكتور اذا بيسمح لكم...
معليش انا عارفه اني حطمتك بس انا اقولك من واقع خبرة ولو قدرتي تغيرين وتروحين برا منيسوتا كلها يكون افضل لك ...وعموما بالتوفيق

اني انقبلت بنفس الولاية بس مدينة وينونا.. الله يوفقك =)

طيب أختي سلحوفة أنتي درستي في هالولاية ولاشو؟
وشو رايك بمدينة وينونا

اني قلت لو ماعجبتني الولاية بطلب التغيير لأن يقولوا حتى لو درست عادي اغير الولاية

هلا اختي
انا جاني قبول في جامعة سانت كلاود بس قاعده احاول انقل من الولاية بس اعرف كثير يدرسون فيها وزوجي بعد يدرس فيها. وبالنسبة لمدينة وينونا هي مدينة مرررة صغير حتى اصغر من سانت كلاود الي انا ماابي اعيش فيها بس يقولون جامعتها كويسة يعني تدلع الطلاب وتعطي كل طالب لاب توب.
بس والله بصراحة الولاية ابدددددا ماتستاهل الواحد يتغرب عشانها يعني ست شهور في السنة كلها ثلج والولاية مافيه مكان حلو يروح له الواحد ومافيه جنبك ولايات حلوة كلها ويسكنسون ونورث وساوث داكوتا كلها ولايات عااااااادية جدا
يعني انا انصحك اذا انتي بتعبين نفسك وتتغربين وتدرسين وتخسرين جهد ومال ووقت انك تروحين لولاية احلى. واذا احتجتي اي شي انا بالخدمة