كـلـيـفلانـد اوهـايـو اي خدمه انا حاضر ...

يعطيكم العافيه شباب
سؤال بسييط انا مبتعث لتخصص التقنيه وصراحه ابغى اغيره ,,
فتنصحوني الحين او بفترة اللغه اطلب تغيير التخصص ,
واذا مثلا مثلا وافقو على تغيير التخصص
انا اراسل الجامعه الي ابغاها او المكتب الي جاب لي القبول الاول هو الي يراسلي او كيف الطريقه بالضبط
بحكم تجاربكم الحييه

تعال على قبولك العادي وادرس اللغه , وانت تدرس لغه تجيب قبول بالتخصص اللي تبيه ويكون متعرف فيه وتسوي

طلب تغيير في الحكومه الالكترونيه على النت وان شاء الله امورك تمام , انا صاحبي سوا كذا ومشت اموره تمام .

مشكور اخوي ماقصرت..
بس انا ماستر عن طريق برنامج الملك عبدالله ..وجاني قبول المعهد وحابه اراسل الجامعات من الان ..اش الضمان اللي ارسله لهم؟؟يليت لو احد عنده خلفيه يرد علي..

السلام عليكم أخوي بيض الله وجهك على هذي الوقفات .
أنا بحاول أغير قبولي لمدينة كليفلاند بس محتار وعند استفسار ؟
-وش المقارنة بين عدد السود في كليفلاند ومدينة آكرون المجاورة لها ونسبة الخطر إذا عندك خبر .
-ما المقارنة بينهم في الجمال وغلاء المعيشة .
-هل الدراسة في جامعة كليفلاند الحكومية جيد وغير معقدة . ( الجامعة إلي المعهد تابع لها يعني بالمواد بدون توفل ) .
-وأخيراً هل في الجامعة تخصص رعاية الموهوبين أو قسم الموهبة والإبداع أو قريب من هذا في الماجستير .


نرد جمايلك في الأفراح إنشاء الله ...

عليكم السلام ..

وترا ما سوينا شي ^_^ ..

- اكرون ما زرتها قبل كذا لكن الشباب اللي راحوا يقولوا تعتبر صغيره مره مقارنه بكليفلاند واكيد نسبه السود بكليفلاند
اكثر , وخطر مافي ان شاء الله اذا سكنت بـ الاماكن النظيفه .

- الجمال زي مافلت لك انا مازرت اكرون لكن برضه سمعت انها حلوه وهاديه ومافيها شي , بس كليفلاند كمان حلوه ومدينه كبيره يعني تقدر تتمشى فيها , المدينتين كلهم مافيهم لا غلاء ولا شي الاسعار نفسها .

- جامعه كليفلاند الدراسه علي كلام اللي يدرسوا فيها سهله وفيها سعوديين كثر ماشيه امورهم تمام , والمعهد حقها اذا خلصت
اخر لفل يلغي التوفل أو تدرس بـ معهد ELS بنفس المدينه وتجيب اخر لفل وتدخل الجامعه .

- اخر سؤال ماعندي معلومات عنه معليش . لكن ادخل موقع االجامعه وشوف .

بالتوفيق ..

السلام عليكم...اخوي روكو انا قدمت على جامعة كليفلاند على انهم يعطوني قبول مشروط ..وجاتني الموافقة الحمدلله ودراستي تبدأ في شهر ابريل...أبغى اعرف القبول الي جاني قبول معهد لغة بس ...ولا قبول جامعة؟؟؟ لانو لو طلع قبول معهد لو رحت هناك لازم اجيب قبول الجامعة عشان اقدم اوراقي للملحقية وهل قبول الجامعة هناك صعب...؟؟

انا برضو جاني قبول من الجامعة نفس الرسالة الي جت الاخ ph. الضمان الي يطلبونه ضمان مالي من البنك بمبلغ لايقل عن 120 الف ريال لمدة 3 شهور تاخذينه من اي بنك يكون عندك فيه حساب او الوالد ولازم يكون الاسم بالانجليزي لاني ارسلته لهم بالعربي وماوافقو لي ومابيك تغلطين غلطي ..اتمنى اكون افدتك

اخوي حتى انا جتني نفس رسالتك انهم قبلوني وكذا...حتى في نفس التااريخ Spring 2011 semester
بس انا ماعبيت الابليكشن اون لاين ..طبعت الورقة وارسلتها لهم..تخصص هندسة مدنية ..وللحين منتظر القبول يجيني بيرسلونه لي...بس للحين ماني عارف القبول الي بيجيني قبول المعهد بس ..وانا اجيب قبول الجامعة من هناك ..ولا قبول مشروط يتضمن الجامعة ولا اللغة حسب الي كتبته لهم في الابليكشن ..اتمنى للي يعرف يفيدني

هلا ياغالي ادا انت قدمت في الابليكشن على الهندسه وجاك الايميل من الجامعه اعتبر قبول مشروط

لان انا رسلت ليي ايميل الجامعه وقالت اراسل المعهد وايميل الا يخلصو الاي توني