اية استفسارات عن north dakota state univ. او عن المدينة fargo ؟

الأخ الكريم / الكلثمي
جزاك الله خير و جعله في ميزان حسناتك على خدمتك لإخوانك الطلاب
أنا مبتعث لنفس الجامعة north dakota و بدور على سكن مع عائله و ماني لاقي أو حتي في البداية شقة إلى ان يستقر الوضع و أدور على عائله مع العلم إني دخلت على النت و لقيت شقة بـ 775$ و 945$ و بصراحه كلها غالية .. ياليت إذا تقدر تساعدني؟
علما بأن موعد وصولي قرب يوم 19 اغسطس و أنا خايف ما ألقى سكن أنا مأقتا حاجز في فندق 3 ليالي

اهلين اخوي majedrws بالنسبة للسكن بالسعر هذا مو تستاجر شقه راح تستاجر هاوس كامل الشقق هنا تترواح بين 400 الى 500 لشخص واحد هذا اذا كنت ماتبغى سكن الجامعة . انت لاتشيل هم السكن راح تحصل بس خلي معاك في البدايه ميزانيه اسبوع للفندق كاحتياط . انت مبتعث لمدينه فارجو والا جراند فوركس؟

انا اسف اتأخرت عليك في الرد بس إنت عارف سفري بعد يومين و الله مشغول بتوضيب اموري

انا مبتعث إلى مدينة جراند فوركس و إنشاء الله حكون في المدينة يوم 20 أغسطس الساعة 10:30 مساء

أخوي ودي اسألك عن تخصص الهندسة الميكانيكية في الجامعه كيف ممتاز و لا أغير الجامعه ؟

قبل مااجاوبك يااخي الكريم ماجد على سؤالك عن مدى قوه الجامعة في تخصص الهندسه الميكانيكيه لازم تعرف ان الجامعات في امريكا مايعترف بها الا لما تحصل على المقاييس المطلوبة فيكفيك ان جامعتك معترف بها في امريكا نفسها وفي وزارة التعليم العالي ايضا. الجامعة قويه في الهندسه بجميع فروعها وفي الحقيقه انا طالب في مدينه فارقو. بس اعرف شباب هناك يمدحون الجامعة. الطلاب السعوديين هناك كثير حاول انك تنتقي الأصدقاء منهم ولاتحتك كثير عشان لغتك بس . المدينه صغيره وحقت دراسه حاول انك تسوي لنفسك نشاطات تروح الجيم تروح الانترناشنول سنتر عشان تتكلم مع الاجانب والله يوفقك.

اهلا اخوي الكلثمي
انا مبتعث لنفس الجامعة نورث داكوتا بمدينة جراند فوركس وحجزت مؤقت لمدة شهر في السكن الجامعي التابع للمعهد els لأن تكلفته غالية جدا 775 $ وبتكون دراستي في24/9/2007 وراح اصل للمدينة قبل الدراسة بثلاثة اسابيع . هل من الممكن ان اسكن في الحرم الجامعي فور وصولي أي قبل بداية الدراسة علما اني راسلت المعهد بخصوص هذا السؤال لكن لم احصل على اي رد حتى الآن ز

السلام عليكم ورحمة الله وبركاته

عندي سؤال عن الجامعة هل قبولها سريع وشلون تخصص المحاسبة وادرة الاعمال فيها. وهل المدينة تصلح للعوايل . والف شكر .

المعذرة يااخوان على التأخير بس تعرفون ظروف الدراسه.

أخوي JANABI بالنسبة لفرص انك تحصل في السكن الجامعي فور وصولك يعتمد على اي HALLتختاره. اقصد يعني مثلا راح تختار مبنى نظيف وقريب من الجامعه راح يكون صعب تحصل لانو الطلبه يقدمون من قبل بدايه السمستر باسبوع وانت وصولك راح يكون في نص السمستر يقريبا. عموما الي اعرفه انا ان سكن المعهد ب 395 شهريا شامل جميع الفواتير !!! السكن جيد وعندك الباص ياخذك للجامعه ويجيبك يعني ان شاء الله ماعندك اي مشاكلز اقترح عليك اخوي الكريم انك اول ماتوصل تكون ساكن في سكن المعهد وتقدم على سكن الجامعه ويمكن لاوصلت تغير رايك وتاخذ لك اوف كامبسز وهو الأفضل.
ابو ريوف 2007
يوجد تخصص ادراة اعمال ومحاسبه بس تاكد انها معترف بها من الوزارة وعن مدى قوتها يكفيك انها معترف فيها هنا في امريكا. بالنسبه للعوايل مانصحك خصوصا اذا معك اطفال البرد شديد ومافي اماكن كثير للزياره بس من ناحيه التوفير المدينه جدا اقتصاديه ومتساعده مع الطلبه الأجاتب.
أبو سلطان:
المدينه جدا كئيبه ماانصحك فيها الا اذا كنت تبي توفر وميزتها الوحيده اهلها طيبين.
الماسه:
السكن الجامعي يعتمد على HALL الي راح تسكني فيها يعني انا لو كنت مكانك ماراح اسكن الا في LIVING LEARNING CENTER OR BURGUM HALL
والي تحته خط للفتيات فقط.
بالتسبه للفنادق انا انصحك بفتدق DAYS INN هذا اقرب فتدق للجامعه ورخيص يعني الليله تقريبا 70 دولار عموما لو احتجتي ايه مساعده حنا حاضرين.
واسف على الاطاله يااخوان.