احتاج معلومات عن Kansas City في ولاية Missouri

حياك الله اختي حلم ..

بخصوص اجراءات الفيزة بصراحه الموضوع هذا يلعب في دور الحظ ممكن تأخذ معك اسبوع ويمكن اكثر فانتي حطي فتره اجراءات الفيزه بالكثير شهر وان شاء الله تكون اقل، ادري بتقولين شهر كثير ليش ؟ بس على الاقل ماتكون تحت تأثير الضغط وخصوصا اذا حجزتوا الطيران وقبول دراستك يكون بدري ، وبخصوص مواعيد السفاره الامريكيه من تجربتي ماشاء الله يوم جيت احجز يا كثر المواعيد في مدينة الرياض وبأوقات متفاوته وللمعلومية انا حجزت موعدي قبل مااروح للموعد بمده اقل من اسبوع. فلاتشيلي هم هالشي.

بما أنك مبتعثه ماشاء الله فلاتستعجلي في السفر وخصوصا انك منتي رايحه لشهر والا شهرين وراجعه يعني بتروحين لفتره طويلة فلازم ان يكون عندك معلومات كافيه ووافيه عن كل شي عن المدينه والمعهد وكل شي وكمان فرصه انك تعطي نفسك ولعائلتك تجهزون نفسكم للسفر وفرصه لاجراءات الفيزة.

يعني لو اعتبرنا فرضا ان اجراءات الفيزه شهر واجراءات تعديل الاي توني الى الوقت الجديد وغالبا الي يصير انهم يصدرون لك اي توني جديد نقول تقريبا اسبوعين وفتره انك تبحثين في موضوع السكن والحضانه تقريبا اسبوعين يعني يصير المجموع شهرين والمعهد يقول اخر فرصه لتأخير الدراسه هي اول شهر MARCH


وجهت نظري وهي تحتمل الصحه والخطأ انك تطلبي تأخير دراستك الى شهر JUN الي هو شهر 6 ففتره اربع اشهر واسبوع تقريبا من الان فتره كافيه جدا واذا خلصت اجراءاتكم بدري الحمدلله فتقدرين تشوفين باقي اغراضكم ...

ارجع اقولك هي وجهت نظر تحتمل الصح والخطأ وانتي أدرى بوضعك اكثر مني ..


مودتي ..

الله يعطيك العافية اخوي
بالتأكيد وجهة نظرك محل اهتمام
بالفعل انا ماحسبت حساب امور كثيرة
كل اللي فكرت فيه اخلص الفيز والاي توني علطول
باقي تجهيزات كثير ماحسبتلها وقت

جزاك الله خير
تحياتي لك على تعاونك اخ فيصل

حاضرين اختي حلم ..

مودتي ..

سلام
بالنسبه للجامعه هل تحتاج اختبار بعد المعهد او انو اول ما تغلق من المعهد تدخل تدرس في الجامعه
الرجاء الرد

حياك الله اخوي احمد ،

وش اسم الجامعه لان فيه اكثر من جامعه في المدينه ؟

مودتي ..

الله يوفقك اخوي فيصل
او اي احد من الحاضرين محتاجة اجابة على سؤالي

انا حاليا اجل دراستي لشهر يونيو بس المشكلة عندي الآن في مواعيد قنصلية جدة كل الشهور مليانة

ماعدا شهر فبراير وانا لسى ما وصلني الاي توني اش اسوي اخاف تروح علي المواعيد وما القى غير بعد موعد دراستي؟؟

انا عندي اي توني قديم لو دخلت رقم السيفس الموجود فيه ويوم موعد المقابلة في القنصلية على بال ما تجيني اوراقي الجديدة يوم الموعد اديهم الاي توني الجديد واقولهم انه جددته وهذا رقمي السيفس الجديد؟؟؟ ينفع كذا ما يصير فيه اي مشاكل او شي ؟؟ لاني ابمسك موعد قبل تطير كل المواعيد

واذا ما ينفع ياليت احد يقدر يزودني برقم لهم اقدر استفسر منهم من خلاله


جزييييل الشكر

اختي حلم .. تحيييه طيبه ..

لو حبيتي شوفي مواعيد في الرياض او في الظهران اذا كان ودك تاخذين موعد بدري ..

طريقتك كويسه انك تحجزين موعد برقم سيفس الاي توني القديم ، واذا وصلك الاي توني الجديد (وانا اتوقع ان رقم السيفس ماييغير) قبل موعد السفاره ادخلي على موقع السفاره وسوي ابلكيشن جديد برقم السيفس الجديد في حاله انه تغير وبيطلع لك رقم بار كود جديد طبعا ، تقدري تغير رقم البار كود الجديد بالقديم واذا جاء موعد السفاره اطبعي الاوراق وبتلاحظين انه مذكور فيه رقم البار كود للسيفس الجديد الي عدلتيه .. اتمنى ان الصورة وضحت لان هالطريقه انا مسويها ..

مودتي ..

يعني لما يوصلني الجديد اغير القديم علطول كتعديل ولا اعبي ابلكيشن جديد؟؟

سؤال ثاني لو سمحت ومعليش تاعبينك معانا


اقدر اخذ موعد بجدة وثاني بالرياض؟؟ او اي منطقة ثانية؟؟

اذا وصلك الاي توني الجديد وكان برقم سيفس مختلف عن رقم السيفس حق الاي توني القديم ، لازم تسوي ابلكيشن جديد وتعديل رقم البار كود حق الابليكشن الجديد برقم البار كود حق الابلكيشن القديم
ولكن اذا كان رقم السيفس القديم هو نفسه الجديد مايحتاج لاتسوي ابليكشن جديد ولا تعدلين شي ابدا ..

الاستفسار الثاني للاسف ماعندي معلومه ولكن لو تبحثين في المنتدى اكيييد بتلاقي اجابه لهسؤال ..

مودتي ..

يعطيك العافية خيو

جزاك الله خير