مساعدة اي خدمه في ماديسون ويسكونسن أنا موجوده

مكانك ماشاء الله تبارك الله مناسب جدا وأنا صراحة أفضل الغرب عن الشرق لنوعية السكان. وانتي قريبة من الدي ام في.
وكل شي حولك لكن المعهد بعيد شوي لكن الباصات على طول تجي.
ومن ناحية ولدك إن شاء الله على طول يقبلونه في مرحلة التمهيدي وتسمى كندر قارتن . بس يطلبون جوازه لتصوير بعض الاوراق منه ويطلبون صورة من عقد الايجار ويطلبون تعبئة نموذج يتضمن بيانات عامة .
ومن ناحية الافتر سكول أنا مدرسة اولادي فيها إلى الساعة خمس وهم اعطوني الورقة اللي فيها البيانات لكن للحين ماقريتها صح لأني ناوي اخليهم إن شاء الله فيها الترم الثاني.
أنا أقرب مدرسة لي هي فرنكلن وحلوة لكن أتوقع انها بعيدة عليكم وممكن تبحثين عن اقرب مدرسة لكم .

السلام عليكم انا عندي استفسار وارجوا المساعده

انا جايه ادرس في معهد ويسلي وزوجي مرافق معايا ولما طلب اي توني مارضيوا يعطوه قالوله لما تجي ,عندنا وحده مسئوله ممكن تغيرلك الفيزاالى اف 1
سؤالي اذا كانت فيزته اف 2 يقدر يدرس في المعهد ولا لا؟

هل انتي في أمريكا الان ؟
اذا انتي في امريكا مايحتاج يعطون زوجك اي توني وراح يدرس على طول في المعهد بس يختبر تحديد المستوى ويدخل الكلاس على طول بس راح يكون دوامه ماهو كامل يعني اقل من 16 ساعة .

انا بالضبط قدام الدي ام في وهذا الي حببني في المنطقة وانا اصلا نصحتني فيها آمي من المعهد وقالت لي كل الي فيها انترناشيونال وحتى مستوى التعليم فيها كلاسات اضافية لتدريس الانجيزي
المدرسة الي في المنطقة اسمها فان هيز المنتري سكول وهي والله مو مرة قريبة يعني 18 دقيقة مشي طلعتها بقوقل ماب مع تقاطع شارع سيقو بس انا مجبرة عليها لانه لازم ماتروح الا لمدرسة الحي علشان كذا يطلبون عقد السكن او فاتورة خدمات
انا جهزت اوراقه كلها من السعودية حتى اخر تطعيم الي هو بري سكول من 4-6 عطيتو اياها ووصورت كرت التطعيم وترجمت شهادة ميلاده علشان اي طلب يطلبونه يكون جاهز ..بس الي مزعلني انهم ماعندهم باصات ...وكاني قريت في الموقع حقهم انهم يوصلون الالمنتري بس ولمناطق فقط محدده هذا لو اني فهمت صح عموما انا بروح لهم بعد النيو يير اذن الله وربك كريم
بخصوص المنطقة قيبة من وست تون مول كمان وفيه ول مارت قريب والباص يوص لين باب المول وباب الول مارت انا مرة حبيتها وفيه عدة باصات تودي قدام المعهد زي 2 -14-15 -57-56 انا اطلعهم من الويب سايت حق المترو واطلع من البيت قبل مايجي الباص بكم دقيقة والوقت يختلف2 يطول حوالي 40 دقيقة اما 14 فقط 18 دقيقة وانت بالمعهد

يقدر يدرس وهو مرتاح مو مشكله اذا كان أف ون او أف تو
اهم شي يوصل امريكا والامور كلها تتيسر هنا مافي اي مشاكل
اذا وصلتوا أموركم كلها لتنحل بإذن الله

السلام عليكم

يعطيك العافيه ات رقيه

حبيت استشيرك بالمعهد التالي :

Wisconsin English as Second Language Madison WI USA)

لو سمعتي عنه ومناسب للمبتدئين وجيد بالدراسه ولا ما يتمدح .. وحكون شاكره

السلام عليكم ورحمة الله وبركاته

أختي رقية اولا الله يبارك في علمك وعملك ويرزققك بر والديك ويطول في عمرهم يااااااااااارب

أختي أنا مبتعثة من وظيفتي و محتارة كتير في أمر معهد اللغة ... كثير نصحوني بمادسون ومعهد ويسلي

بس قرأت في موضوع تاني انه مقفل من قبل الملحقية بسبب تكدس السعوديين

ممكن اتأكد من الموضوع دا ... لو سمحتي ؟!!

وبدي اسألك عن السكن هل يوجد سكن مع عوائل و كيف الاسعار في السكن و المصاريف عموما ... أنا سمعت انه عموما مادسون رخيصة وحلوة

واذا على البرد الكل يقول اني حاتعود على البرد ^_^

في انتظار ردك يا غالية وشكرا لك مقدماً

السلام عليكم ورحمة الله وبركاته الله يعطيكي العافيه اختي رقيه والله يحفظلك والديك ويطول في اعمارهم
انا اللحين ادرس بولاية كانسس وانشالله بعد 4 اشهر اخلص اللغه ومعاي الايلتس والدرجه انشالله من 6 الى 7 لان اللي عرفته انو جامعة ويسكانسن ميدسن يبغون الايلتس 6 وانا قلت خليني اخلص اللغه في كانسس وانقل ويسكانسن على الترم الصيفي لان البعثه حقتي هندسه ميكانيكيه وانا ابغى اغير القسم الي قسم ثاني ومالقيت القسم اللي ابغاه الا في بعض الجامعات ومنها ويسكانسن وانا ودي انقل ويسكانسن لانها من افضل خمس جامعات هندسه في امريكا في القسم اللي اتمنى ادرسه وهاذا اللي حمسني اجي ومادري ايش اسوي يعني متى ابدأ في اوراق التقديم لجامعة ويسكانسن .
وسؤالي الثاني اذا درست في ال community collage وخلصت 30 ساعه طبعا في كانسس وطلبت تحويل الى ويسكانسن راح يقبلوني مادري ايش افضل طريقه لان اصحابي كلهم يقولوا بدل ماتضيع سمستر في المعهد يمديك تخلص 15 ساعه والترم اللي بعده خذ 15 وكذا خلصت 30 ساعه وبعدين حول اي جامعه . المشكله انا اخاف ادرس في الcommunity collage واتورط .

ومعليش على الكلام الكثييييير وبالله عليكم ساعدوني ..........

المعهد الى الان مو مقفل
صحيح انه مليان سعودين بس هذا ما ياثر عليك اذا انتي مجده في دراستك
صحيح في معلمين جداد ما لهم في التدريس بس المعلمين القدامى ما فيه افضل منهم ويًًًًأسسون صح
المعهد أنا اشوفه حلو ويفيد في ناس جو ما يعرفون حتى الحروف واليوم سائرين قادرين يستعملون اللغه زين
بس كل شي في الاول والأخير يعتمد عليك وعلى اجتهادك انت
المدينه بشكل عام امنه ومريحه والسكن متوفر بكل المواصفات ومختلف الأسعار
اتمنى لكل التوفيق انتي وجميع المبتعثين والله ييسر أمورك
ترى بس توصلوا هنا تعروفوا ان خوفكم وتوتركم ما له داعي لان الامور كلها تتيسر بإذن الله

أنا اعتقد انه حلو
يعتمد على مدى اجتهادك انتي ومحاولتك للتعلم
كل ما اجتهدتي اكثر كل ما تعلمني اسرع