اسأل عن ديكالب Dekalb ويجيبك المحاسبي،

السلام عليكم
كيف الحال

حبيت اسئلك اذا وصلت لديكالب بدري وانا بسكن في سكن المعهد هل اقدر اشوف السكن واشوف كل الغرف المتوفره واختار منها ؟؟؟؟

وحبيت اسئلك كيف الاجواء الحين ؟؟


ويعطيك الف الف الف الف عافيه اخوي خالد وربي موضوع ممتاااااز وانا من اكثر الناس اللي استفادوا منه انشاء الله ان دراستي تبدأ في ٢٨ فباير

وانشاء الله نتقابل هناك ومشكور مره ثانيه والله لا يحرمنا منك يارب وانشاء الله في ميزان حسناتك ويارب تحصل اللي تبيه واكثر يارب

تم قبول اختي المبتعثه على البعثه و انا مرافق معها و معاها اثنين من اطفالها وكان المدينة ديكلب و تاريخ بداية الدراسة 25/4/2011 راح تدرس ماجستير رياضيات ابغا اعرف افضل وقت نسافر فيه لاني سامع انه قبل موعد الدراسة بشهر عشان نرتب امور السكن وخلافة و بخصوص السكن ماعندنا اي خلفية عنه ولا المواصلات و بخصوصي انا المرافق راح اوصل بفيزة سياحية B واذا وصلت باذن الله راح اطلب الحاق بالبعثة و اغير فيزتي لدراسية F و قتها اجيب زوجتي و طفلي ايش تشور علينا
و شكرا لك مقدما على الموضوع المتميز و بانتظار الرد
تحياتي لك و للجميع .

thunder_m89
وعليكم السلام ورحمة الله وبركاته،
والله ما اعرف بالضبط ايش نظام المعهد هل بيعطيك فرصة تشوف السكن من بدري ولا لا،
لكن انا ابداً ما انصحك تسكن في سكن المعهد لانه غااااااااالي وما يستاهل هذا الغلا
يمديك تحصل سكن ممتاز وتوفر 900 دولار بالشهر
وهذا المبلغ مهو بسيط!

الاجواء الحين بدأت تدفى، لكن انصحك تشوفك مواقع النشرات الجوية وتشوف كيف بيكون الجو وقت جيتك

تنور ديكالب باذن الله وفي الخدمة، وجزاك الله خير،

meme336
الف مبروك لك ولاختك، والله يكون بعونكم باذن الله،
والله انا اوافقك الرأي انك تجي قبل الدراسة بفترة تخلص امورك وتأثث البيت وترتاح من بعض الهموم،
لكن شهر كثير شوي،

المواصلات حسب وين بتسكن، لان المدينة يمر في اكثرها الباص، فلو انك على خط الباص ما رح تشيل هم المواصلات بشكل كبير،
لكن حسب فين السكن،
وبحكم ان بيكون معكم طفلين، فاحتمال كبير انك بتحتاجون سكن كبير، وانصحكم بالبيوت،
ويمديك من الآن تبحث في النت ويكون عندك فكرة ايش اللي تحب تسكن فيه، واسعاره،
وانا ذكرت بعض مواقع السكن سابقاً،

بالنسبة للفيزا، اذا مداك من الآن تطلع فيزا F1
بيكون احسنلك كثير،
لان تغيير الفيزا مكن ياخذ وقت واجراءات، ولانك اذا جيت بفيزة سائح مايسمح لك الدوام الكامل، وبيطول عليك الموضوع للانضمام للبعثة، فانصحك تجي بفيزة طالب من اولها،

ومرحبمبك ياباشا،

اشكرك اخوي خالد
بخصوص الفيزا صدقني حاولت الين اخر امل اني اخليها F لكن طالبين ضمان مالي بنكي بمبلغ 60 الف ريال و ماقدرت ادبر هالضمان
عشان كذا اطريت اطلع بفيزا B بس ابغا اعرف الملحقية الثقافية بعيده عن هالمدينة عشان لو ابغا اراجعهم كيف الطريقة و بخصوص الانترنت بالمدينة طمني كيف الاوضاع هل يكون بكيبل ولا وايرليس لني شايل همه و كم رسوم الاشتراك فيه ولا يجي مع السكن احنا ممكن نحتاج بيت غرفتين او 3 غرف و يكون على طريق الباص لان ممكن بعد مانسكن بفترة نشتري سيارة و اطلع رخص كيف اجرائتها كمان صعبة ولا لا
تحياتي لك
واشكرك على الترحيب .

اذا مداك تطلعها خير ونعمه
لكن ترى مايطلبوا ضمان مالي بنكي!
ما ادري مين بيطلب منك كذا!
لا المعهد ولا السفاره هو لو تجيب خطاب من احد عنده في حسابه مبلغ ويكتب انه مستعد يتكفلبك بتكفيهم
الملحقيه بواشنطن وتراجعهم بالتلفون والايميل
اخر ماتفكر فيه النت لا تشيل همه، تجي هنا وتنقي
أظن يبغالكم ثلاث غرف
لان اكثر المجمعات مايتقبلوا اكثر من شخصين بالغرفه،
بلتوفيق باذن الله، اللي اعرفه انك اذا جيت بفيزة سائح مايمديك تطلع رخصه لكن ممكن تستخدم السعوديه ثلاثه اشهر فقط*

اخوي خالد بس ودي اسئلك كم راح يكون مجموع المكافأت الي راح توصلنا شهريا من الملحقية انا و اختي و اثنين اطفال تقريبا و كم راح تكلفنا 3 غرف تكون قريبه من مكان الدراسة و لو احتجنا مستقبلا خدماتك في انك تحجز لنا سكن ممكن تساعدنا في هالموضوع
على فكرة ابغا اعرف انا فيزتي السياحية B كم تكون مدتها و نتنهي لان والله ما اعرف تصدق
مع جزيل الشكر .

السلام عليكم..

انا جاني قبولي في ديكالب ELS
تبدآ دراستي في 25 - 4 - 2011

ممكن طلب بما انك في نفس المعهد .. ابغى ايميل اراسلهم بيه ..
لاني مالقيت بالاي تويني ايميل لهم .. وابغى استفسر عن شغلة ..

اذا عندك ايميل لهم يعني :$.. وشكرا

السلام عليكم اخوي المحاسبي

بخصوص معهد اللغه اي ال اس ارسلت لهم بخصوص القبول وردو لي بالرفض يقولون في ردهم انهم مراح يقبولون اي سعودي الين شهر 6 انجليزي وانهم يقبول اي جنسية اخرى .. هذا الشي اشتغربت منه .. مع اني في الينوي وابي انقل للمعهد هذا ..

وش تنصحني الله يعطيك العافيه

الله يعطيك العافيه اخوي خالد
منوره بوجودك اخوي

انا بسكن اول شهر بس بعدين بطلع اما اني اسكن مع عائله او شقه الى الحين ماقررت بس انا قلت اسكن اول شهر الين استقر وارتب اموري وكذا

والجو انا اقصد هل في ثلوج ولا لا ؟؟

والله يوفقك يارب وانشاء الله نتقابل هناك مشكور مره ثانيه على الموضوع

والله انا مني متأكد بالضبط، شوف موقع الملحقية ودليل المبتعث يعطيك التفاصيل
مبتعث مع مرافق 2850 اظن!،
وكل طفل اظن 200 دولار،
لكن انا غير متأكد
بالنسبة للسكن، ابشر اساعدكم، بس تكون متعاون معايا، ولو تراجع المواقع اللي ذكرتها انا سابقاً وتدور، ونشوف ايش نحصل بس غالباً صعب تحصل بيت قريب ووضعه جيد بسعر جيد، اكثر البيوت الجيدة بعيدة نسبياً،

وما عندي خلفية عن مدة الفيزا اللي اعرفه انك مسموح لك ستة اشهر من تاريخ الدخول

احد الايميلات هو الموجود في ذيل البروشور
http://www.els.edu/assets/forms/Tri-...alb)lowRes.pdf

والله ما اعرف ايش انصحك!
اللي اعرفه ان المعهد قفل قبول السعوديين عشان حصل تكدس، والمعهد صار كله سعوديين!

الله يعافييك ومشكور على المرور،
اذا تبغى تسكن في شيء مؤقت الين ترتب امورك، اسكن في فندق ترافل ان سعره اقل ووضعه احسن!
لكن اذا مصر على استخدام الانجليزي، اسكن مع عائلة ارخص وافضل من الدورم!

ولو اني برضي ما انصح بالسكن مع عائلة! لان سعرها مبالغ فيه

الجو ثلوج، لكن الايام هذي كأنه بدأ يسيح بس ما اعرف ايش توقعات الطقس، انصحك بمواقع النشرات الجوية

نراك باذن الله على خيير، والموضوع مابيكون له وزن او فائدة بدون مشاركتكم وتشجيعكم يعطيكم العافية اجمعين