اسأل عن ديكالب Dekalb ويجيبك المحاسبي،

بالنسية للسكن، لا مايفرق البعد عن الجامعة في السعر ولا القرب منها
لان اغلب المساكن ملاصقة للجامعة لكن الجامعة كبييييرة فهو اللي انت تدوره القرب من المعهد
اللي يحفرق هو البيت جديد او قديم وشامل الخدمات ولا لا
احنا غالبا نشتري السيارات من شيكاغو والاسعار معقولة لكن يبغالك تدور بنفسك الين تحصل اللي يناسبك، في اخ ليبي يساعد الشباب وياخذ منهم 500 دولار، لكنك لو بتدور سيارة بحدود الفين دولار بيكون مرة كثير عليك
وبداية تقدر تمشي امورك بالباص، لكن ادام معك عائلة واطفال، اتوقع انك رح تفضل تشتري سيارة خصوصا فترة الشتاء
نعم يوجد حضانات، ومادري بالضبط اسعارهم، الشباب كانوا يودوا لاخت باكستانية والان بيودوا عند اخت باكستانية ثانية
وكل وحدة منهم اظن ماتستقبل اكثر من اربعة اطفال، لكن ما اذكر السعر بالضبط اظني ذكرته في رد سابق بعد ماسالت الاخوة
والمدارس الابتدائية متوفرة، واظن رسومها مهي مرتفعة لكن ما اعرف بالضبط

اخوى خالد مشكور وماقصرت والله يعطيك العافية .

هلا خالد ايه انا اقصد الابارتمنت اللي على النكلن هايوي ما ادري انت ساكن فيه

بس انا راحت واستفسرت منه قبل تقريبا اسبوعي وقالي هذا الكلام الافس الا اذا كان هذا العرض والله ما ادري

انت اخبر مني في هذا الشي والله دامه بالسعر اللي تقوله انا شكلي بهون عن النقله هههههههههههههههههه

هلا اخوي .
او مانوصل راح نسكن في فندق ترافل ان ,,, تقريبا نسكن كم ليلة على مانحصل سكن ؟؟؟
وهل يوجد مكاتب عقارات ؟؟

وشاكرين لك مقدما

اذا انكم عايله وتحبوا تستفتحوا البلد استفتاح طيب اسكنوا بفندق الجامعة او بيست ويسترن ليلتين الاول بستين دولار الليلة اظن والثاني قابل للتفاوض الى خمس واربعين بحسب الموسم
وبعدين ان حبيتوا تنقلوا لترفل ان بيكون عندكم انطباع اجمل عن البلد
ترافل ان ميزته فقط انه الارخص!

والله حسب متى بتوصلون؟ فترة اجازة بين الفصلين؟ بداية فصل دراسي ولا منتصف فصل دراسي
ما اتكلم عن اشهر معهد اللغة
لان فترات بين الفصلين الحصول على السكن اسهل على سبيل المثال
وبعدين انت وحظك ثم انت وجهدك في البحث عن سكن بعد توفيق الله وقدره
بالاضافة لنوع السكن اللي تبغونه غرفة اثنين، شقة، بيت، والسعر
انا ما انصح بالحجز اكثر من يومين ترتاحون فيها من السفر، وان ناسبكم الفندق مددوا
واتوقع ان الجاد يمديه يحصل سكن في حدود اسبوع

لاتنسون تحجزون تاكسي من الموقع! لان كثير من الشباب يتهاون فيها ويتبهدل لمن يوصل المطار وان حصل تاكسي يدفعه ٨٠ دولار زيادة عن سعر الليموزين من الموقع
في الخدمة، والشكر لله

الشكر لله، ترى ماسوينا شي!

جزاكم الله خير على المعلومات

واذا في اي استفسارات اخرى لانستغني عنكم

وشكرا

العفو، المهم تستفيدون من المعلومات
وفي الخدمة في حال وجود اي استفسارات

اخوي خالد ابغا اعرف انا جاي مرافق مع اختي الحين اول مانسافر من جدة راح ننزل فين فامريكا و لما نوصل ديكلب تبع معهد اللغة في سكن داخلي للمعهد و كم يكلف لاني ناوي اسكن اختي و معاها اثنين اطفال و اجلس معاهم شهر و ارجع لجدة فعشان اطمن لازم يسكنو في سكن داخلي للمعهد الين ما يلحقهم زوج اختي ايش تنصحنا
مع الشكر .

عندي استفسار
كيف احجز من واشنطن الى شيكاغو او ديكالب ؟؟؟؟؟؟؟؟ ابغى احجز من هنا من السعودية ايش افضل طريقه؟؟؟؟؟

وابغا اسماء مطاعم عربية واسلاميه في ديكالب؟؟؟؟

واسماء بقالات او سوبر ماركت برضوا عربيه و اسلاميه ؟؟؟؟

واذا ممكن .. هل طريقة انه الغسيل مو بالشقه وله مكان مخصص متعبه ولا عاديه؟؟؟؟ ماني عارفه

ويكون مكان مغلق اخذ راحتي فيه ولا كيف؟؟؟؟
هل يوجد فرع ل ايكيا في شيكاغو؟؟؟وكم يبعد عن ديكالب؟؟وكيف طريقة نقل العفش اذا بنشتري منهم؟؟؟

وجزاك الله خير