اسأل عن ديكالب Dekalb ويجيبك المحاسبي،

وبالنسبة للاخوات المسلمات هل هم عرب فقط ولا في جنسيات اخرى وللاسف انا غير متواجده على الفيس بوك فلو ممكن ترسلي موقع ابحث فيه عنهم غير الفيس بوك

وجزيت خيرا

بسم الله ارحمن الرحيم

بداية اريد ان انوه باني سجلت في المنتدى فقط للرد على هذا الموضوع لما له من اهمية و تاثير سلبي في حياة كثير من طلبتنا المتواجدين في ديكالب و هروبا من التطبيل و التهريج المتعارف عليه .

لا يفوتني ان اشكر كل من يحاول المساعده من الاخوان لما في ذلك مما يراه مصلحة لاخوانه المبتعثين و ارشادهم لما رآه مناسب من وجهة نظره .
اولا انا طالب مبتعث التحقت بالمعهد المذكور سابقا قبل ما يقارب الـ 6 اشهر و كنت بفضل بعض الاخوان احمل شيئاً من التفاؤل لم اعد احمله الان ليس لتخاذل مني انما لاشياء اخرى .
من هذا المنطلق اريد الاشاره الى انه في الاونه الاخيره و هذا ما لم يتطرق له الاخوه لانشغالهم بامور تعنيهم الا و هي استياء اغلبية الطلبه السعوديه من هذا المعهد المجتهد منهم و غيره .
و في هذا السياق لا ازال ارى بعض الاخوه يحلقون بسحابهم و البعض الاخر راعي رسمي لجهاة اخرى و لا حياة لمن تنادي .

اخوتي و احبتي في الله , لا اعلم اين انتم من معاناة اخوتكم حقيقةً !!

لا اريد الاطالة و اكثار الكلام لعدم قناعتي في النقاش اصلاً و لكن انا اردت الرد هنا لافند هذه الاقاويل بكل اخويه و للصالح العام لا لشي خاص او مصلحة شخصية .

من الاخر يعني (( اللي باقي ما بعد جاء لامريكا و وجهته لديكالب لدراسة لغة فنصيحة اخويه لا يجي و يشوف له مكان ثاني , كنا في مكانكم و سالنا و يزعجنا اذا احد قال لا تجون ع شان فيها ارجع ادور و اسجل و وجع راس , او يمكن انه ما يبغانا نجي ع شان ما نزاحم عليه و هالكلام اللي مروا فيه اخوانكم من قبلكم و كم تمنيت ان القى احد يقول لي لا تجي بدل ما يعلمني كيف افتح حساب في البنك ))

الاخوه اللي جايين جايين و متوكلين بالله اقول لهم اللله يوفقكم ممكن اكون انا شخصيا على خطا و ممكن على صواب و لكن ما اعتقد ان الاخ خالد و الشباب اللي نازلين ديكالب من عام 2 ميلادي يوم كان المعهد يدور طلاب على صواب و باقي الطلبه الحاليين كلهم على خطأ !!!!

ع العموم اللي باقي محلق و يتغنى بدخوله الجامعه ترا و لله الحمد الجامعه موجوده و اللغه باذن الله عندنا و عندكم خير لكن ما اتكلم ع شان انا اعاني و الا متضرر بلحالي لااا و الله قد اكون اقل المتضررين ان لم اكن غير متضرر و بالمناسبه انا مشطب اموري و ماشي يعني ما اعتقد ان انصحكم بشي الا انا ناصح نفسي فيه و ما اعتقد ان فيه احد منكم اعز عندي من نفسي لكن احقاقا للحق و لابراء ذمتي خشيت هنا لا اكثر و لا اقل و قد لا اتجدني للرد عليك اذا تجاوبت معي اصلا .. قد و قد تجدني و الله اعلم .

الاخوان اللي بيجون ديكالب بعد ما قلنا لهم الله يوفقكم و مرحبا و مسهلا و هاللي يبغى يجيب اغراض من السعوديه و كنسل مدري وش فيه ودي اقول لكم ان الاخ ابو زياد انسان خلوق و تعامله جيد و قد تجده اكثر من غيره واقف معكم لكن اللي يبغى يجي من المطار شيكاقو- اوهير و ما ناسبه سعر ابو زياد او ما اتفق معاه ترا فيه شركات ليمو ارخص و مريحه و توصل مكشخ بعد و ممكن الاخ خالد ما بعد كشخ فيها طول هالسنين في ديكالب لكن الله يجزاه خير ما قصر معكم .. رقم الشركة : 6308333788 , , و اللي ما يعرف يتفاهم معاهم يقدر يسال الاخوان بحكم انهم دارسين في البترول و المعادن و لغتهم ماشاء الله و خاشين جامعات الحين و ان شاء الله ما يقصرون معكم و لو اني اشوف ابو زياد فيه خير و يخلص امور اضافيه بسيطه لكن حطيت هالرقم للافاده و للي يبغى يكشخ بسعر اقل و ع الموعد و حساب البنك اي واحد في الشارع يفتحه لك و هو الربحان اكيد .

بالنسبه للعوايل و ابنائهم معذرةً ما اقدر افيدكم لكن اعتقد اني اختصرتها ع الناس كلهم عوائل و عزاب و اللبيب بالاشاره يفهم و ما اظن فيه اشارة اكثر من اللي سدحتها لكم اليوم .

و على الطاري مبروك النادي السعودي و الله يوفقهم ان شاء الله و ننتظر بدايتهم العملية و الفاعله

و بالمناسبه ترا ننتظر مقابلة الاخ خالد و ابداعاته المعهوده و اللي يبي شي ترا الخاص في الخدمة و حاضر انا في وقت

السكن هذا مهو بطال،، وسعره طيب وغرفه مهي بطالة ابداً،، لكن يعيبه شيئين، انه بقرب البار،
انا كنت افكر اسكن فيها وسألت قسم الطلبة غير الاعتياديين في الجامعة، وبالمناسبة هذا القسم شغلته مساعدة العوائل وكذا، ونصحني بلنكولن شير، بحكم ان البار بجوار السكن،، خصوصاً لو ان الشقق المتوفرة دور ارضي، ففيه احتمالية بعض الازعاج من السكارى،
العيب الثاني لفاريستي ان الباص عندها كل ثلث ساعة، (هذي تعتبر ميزة برضه مقارنة بمساكن اخرى) لكن ثلث ساعة في ايام الشتاء طويلة ومتعبة جداً
العيب الثالث، ادارته تحت مجموعة ميسن، وهذي المجموعة سمعتها مهي طيبة في استرداد التأمين،

لكن الميزة الكبرى، هو السعر المخفض الذي يشمل الخدمات والتدفئة، وهذي الميزة قد تتأثر اذا لم يتم استرداد مبلغ التأمين،،

اذا انك رغبانة في لنكولن شير، وماعندهم شيء متوفر، دائما تحصل مجموعة حابة تخرج وباقي على عقدها فترة،، ممكن تسالوا الاخوان في النادي السعودي، ويحصلولكم احد تكملوا عقده

انت تدوري على اية فترة؟
للاسف ماعرف غيره
يعطيك العافية اخ سعودي،، ومشكور على مشاركتك،، وهي في غاية الاهمية لكل طالب جديد،، وكنت نوهت على نفس الكلام ان كلامي عن المعهد قديم،، لاني حضرت فيه اول ما تأسس، والاخوان قبلك ماقصروا وذكروا اللي ذكرته وزيادة،،
وانا انصح كل طالب قبل لا يروح معهد،، يبحث بعمق عن افضل معهد،، وخصوصا فترة اللغة، لا يبحث عن المدينة ولا عن السعوديين، يخلي بحثه عن المعهد المناسب،،
الموضوع هنا لا هو تشجيع للطلبة انهم يجوا لديكالب، ولا هو تنفير،،
الموضوع هذا للي جاي وفي الامر الواقع، نفيده انه يبحث عن سكن ويستقر والله يسهله، وانا من اول الموضوع اقول اني ما انصح احد يجي، لكن اللي جاي اساعده
وبالنسبة لشركة الليموزينات اللي ذكرتها،، مذكورة عندي في الصفحة الاولى، هي شركة A1 وانا استخدمتها،، الشركة خدمتها ممتازة، وليموزينات فاخرة،
لكن سعرها مهو بارخص من ابو زياد، الا اذا بتتجاهل ال20% البخشيش اللي تلزمك بها هذي الشركة، هم سعرهم 114 دولار، ولو زودت عليها 22 بخشيش، صاروا 134
انا ماعرف اسعار ابو زياد حالياً، بس اخبر كان 120 دولار، ففرق 14 دولار،
والميزة الثانية لابو زياد اللغة وانه انسان من الديرة هناك ومحترم زي ماذكرت، فيفيد المستجد، وكمان ان ابو زياد التوصيل عنده يشمل توصيل للبنك وفتح الحساب، وعروضه تشمل اسعار افضل للفنادق اذا اخذت عرض التوصيل والفندق،

أخوي خالد أنا جاية بحول الله على ٢٢ الشهر دا ديسمبر الحالي وودي ادور شقه مناسبة وبنفس الوقت ودي اخذ فكرة عن السكن مع الاخوات المسلمات ولو اني مو متحمسه لفكرة السكن مع الاخرين
عموما لو تقدر تساعدني بإيجاد سكن أكون لك من الشاكرين
وهل ممكن القى سكن متوفر لو جيت هاذي الفترة لأن احد الاخوان كان كاتب انه في شهر ديسمبر تتوفر الشقق بكثرة فهل ممكن لما اوصل هناك ابحث بنفسي والقى او الافضل اني ابحث من الان

اخواني وصلتني ثلاث رسائل عالخاص بس مو قادره اقراها لان تجيني رساله من الاداره انه ما وصلت للحد المطلوب من المشاركات فياليت الله يسعدكم الي قادر يساعدني يبلغني وانا ماعندي مشكله احط ايميل تتواصلوا معايا عليه لو تكرمتم

أخي الفاضل تقدر تتواصل معاي عالايميل التالي dreamh-1977@hotmail.com
بما اني مو قادره اقرأ رسائلك عالخاص ولك جزيل الشكر

هو ردي كان يحتوي على بعض ايميلات الاخوات المسلمات اللي هناك وعندهم شقق بنات، ويدورون على روميتس مسلمات، منقوله من جروب الفيس بوك،

الله يكون بعونك! بتروحي في وقت شكله حرج برد! وصعب فيه اللف والبحث عن سكن!
انا كنت اكلم بعض الاخوان هناك وهم حالياً بيدوروا على سكن بنفس مواصفاتك ومهم محصلين الا بعقود سنوية اذا عطوني خبر عن شي بارسله هنا في المنتدى

السلام عليكم،،
الاخوان القادمين لديكالب، احد الاخوة لديه قطع الاثاث التالية معروضة للبيع لانتقاله من المدينة الى مدينة اخرى، وهي فرصة للقادمين للحصول على اثاث بسعر معقول

مساء الخير
لو سمحتم ابي استفسر عن الينوي ديكاليب عن طبيعه الولايه, هل هي هادئه سكانها فرندلي غاليه الاجواء بارده حاره الديره شرحه ولا لا , انا احتري قبول في جامعه ان شاء الله نورث الينوي الله يكتب الي فيه الخير
احتاج اميل احد عندي استفسارات كثيره لاني ابطلع مع زوجتي وطفلتي وشاكر لكم جميعا وفقنا وياكم بكل خير

أنا 26 مارش تبدا دراستي في els في هيوستن ولاية تكساس ولكن يقعد هناك شهرين و بعدين بنقل على els ديكالب لان معاي قبول مشروط من جامعة نورث الينوي اللي في ديكالب

بس أنا متخوف من شيئين من المواصلات من المطار للفندق و خائف من السكن