حوار بنات كولومبوس اوهايو...

طيب يارب أحد يجاوب على سؤالي

سلام عليكم

اليوم يابنات كان عندنا اختبار تحديد مستوى .. يسموه اختبار ميتشيغن " للي حابة تاخد فكرة عنه يعني "
المهم كان مقسم عدة اقسام .. القسم الاول : سماعي - محادثة قصيرة او عبارة وعندك في الورقة 3 خيارات تختاري منها ( 45 سؤال )
القسم الثاني : جرامر وفوكابلوري - القرامر مشي حالة بس الفوكابز ،،،يــع ماحبيتها مـــــرة ، من جد صعبة وبالبركة ( 100 سؤال )
القسم التالت: 3 قطع مقالية تقريها بشكل سريع وتجاوبي على الاسئلة . كمان صعبة وماحبيتها . ماني متذكرة كم سؤال بالمجمل . sorry
القسم الرابع : وهو الاخير ، مقالي ، تكتبي عن موضوع يحددوه لك , بالنسبة لموضوعنا كان انه نكتب عن اي حدث تاريخي مهم في بلدنا . بس

طبعا كل قسم من الاسئلة له وقت محدد من 20 دقيقة الى 57 دقيقة . بقي اذكر أنه انا مسجلة في معهد ALP في جامعة ohio state university
والي يحب يعرف كمان ، انا ساكنة في الميريديان meridian شقة من غرفتين بحمامين منفصلين اكرمكم الله وصالة ومطبخ سغنطوط .
طبعا علللو قلبنا الين جانا النت اخيراً بعد 8 ايام انتظار . لا وكمان مهو واير لس والسلك اللي جايبينه ياااااصغره ، ماني عارفة ايش قصدهم . بس يلا الواحد يمشي حاله معاهم

على فكرة ، توقعت لمن اروح اختبر الاقي بنات سعوديات كتير .. بس تفاجئت ببنت وحده بس . وخرجت قبل لا الحق اتعرف عليها . بس اخويا قالي انها كمان في الميريديان هيا واخوها
اوف خلاص طفشت وانا اكتب .. بس حق الحرمان ، 8 ايام من غير نت ههههه

سلااام

ماشاءالله حمدلله ع السلامه
بشري كيف الأجواء عندكم

والله مـــررررة برد وفي الليل توصل الدرجة لتحت الصفر
يبغالكم جاكيتات تقيــــلة ،بس جوة البيت دفى تقدري تلبسي صيفي
جيبوا معاكم امبريلا تمطر من فترة لفترة

ما شاء الله عليك
معلومات جميلة يعطيك العافية
بالتوفيق

مشكوره اختي انا ان شاالله جايه على نص ابريل مدري كيف بيكون الجو

الله يعافيكم من يساعدني ابي شقه قريبه من الحضانه او من المعهد els

اخت شجن انا داخله من معرف زوجي ارجو ارسال بن البلاك بيري عشان اضيفك حابة اسالك كم سوال دراستنا في شهر 6

السلام عليكم
بناااااات ابى ادرس في كلومبووس مررررررره حبيتها بس حابه اعرف الاسعااار ساااعدوني لاني بسافر ع حسابي بعرف المواصلات والسكن لو ابى عائله بكم اي شي ساعدووووني
انا عندي قبول من سان بيرناردينو بس بقارن الاسعار كيف لاني مرره حابه اوهايو

المدينه من رايي والله رااااااايقه مرره
الاسعار هناا مو غاليه مره اسعار العوائل اذا منك للعائله تلقاهم بحدود الـ750
لكن اذا كانت من طرف جامعه او معهد بتكون بحدود 850
التكآسي اسعارها مو غاليه مره المشوار من اطراف المدينه للداون تاون بياخذه بحدود 15 دولار ..
وانت ما تحتاج هالشي الا بالويك اند
لان المعهد els مو في الداون تاون .. تقدر تستخدم الباصات من المعهد للسكن حقك ..
المدينه تعتبر اسعارها حلوه اذا قارنتها بغرب امريكا ..
prince-1413 هذ1 حسابي ع السكآي ممكن تضيفني واي شي ودك فيه ان شاء الله اقدر اجاوبك عليه
بالتوفيق