استفسار رخصة القيادة

تقريباً النظآم واحد في كل الولايـآت

تقدم عليهم وتختبر على جهآز الكمبيوتر 40 سؤال ولازم تحل 30 علشـآن تنجح وتأخذ الرخصه المؤقتـه

تقدر تسوق بالرخصة المؤقته ولكن لابد يكون معـك احد معه رخصــه دائمة

راح يعطونك موعد بعد اسبوع او بالوقت الي تحدده انت وتجي للاختبــآر العملي

راح يسجل معلومـآت سيآرتك ويقولك انتظر في سيآرتك ’’ شوي يجيك الباشـآ ويقولك ولع الفلشر الايمن والايسر ودوس بريك ويطلع قدآم ويقولك نفس الكلام وولع النور ودق بوري

بعدهـآ يطلع معــك ويوديك على اقمآع خمسـه اثنين في البدآيه واثنين بالوسط وواحد قدامهـم

كل الملطوب منـك تمشي على مهلك من بين الاقمآع وبعدين تختـآر يآتروح يمين القمع الاخير او يسـآره وتوقف السيـآره وبعدين ترجع بالريوس على نفس مســآرك وترجع توقف السيآره مكآن مآ بدأت اول مره وحآول لا تصدم الاقمـآع والشغله سهله مافيها تعقيد

بعدهـآ يقولك اطلع الشـآرع الرئيسي ويشوف سواقتــك ركز في الاشيـآء الي بقولك عليهـآ

يدك لازم تكون على الدركسـون الثنتين

لا تقوم السيـآره بقوه خلهـآ تقوم على مهلهـآ

لا تتعدى السرعه المسموحه بالشـآرع ولا تنقصهـآ خلك على نفس السرعه

عند اشآره ستوب سآين وقف وخذ وقتــك مابين 3 الى 5 ثواني راح يدقق عليك فيهـآ كثير ويمكن ترسب فيها ونآظر يمين ويســآر

اذا قال لك يمين مثلا حاول تأخذ الملف بهدوء وتكسر الطآره بدون مآتسوي حفلــه

الشغله سهله جدا بس حنآ مآتعودنـآ على نظآمهم لذالك ننسى الاشيـآء البسيطـه ذي مثل ربط الحزام وتدق الاشـآره عند الملف والستوب سآين

والله يوفقـك وتأخذهــآ

اتمنى اني افدتـك

كلام جميل ومعلومات وافيه

وممكن قبلها تروح تاخذ الكتيب وتقراه لانه الاختبار النظري بيكون اكثره عن الاشارات وحتى لو كانت لغتك ما تساعد مهو صعب انت اقرا الكتاب واتوكل على الله طبعا الاختبار العملي لازم يكون معك سياره مامن عليها هم ما يعطوك سيارات من عندهم وانتبه للطريق لانه بعض الطرق تكون ون واي وطريقه شوارعهم يبيلها تركيز