أنا سأذهب إلى مدينة ديترويت , هل من أحد هناك ليساعدني جزاه الله خيراً

ساعدوني جزاكم الله خير

وعليكم السلام ورحمه الله وبركاته
وانا جاني قبول ودراستي في واين ستيت

ياليت الاخوان الموجودين في مدينه ديترويت يفيدونا

مرحبا
أنا كتبت رد لأحد الأخوان قبل يومين وأتمنى يفيدكم ولو بالقليل

السلام عليكم ورحمة الله وبركاته
أنا حاليا أدرس في ميشغان .. و ديترويت زرتها قبل أمس من حسن حظي
مدينة شبيهة جدا بالنيو يوررك .. الشركات وناطحات السحاب و (ديترويت ريفر )أو نهر ديترويت اللي منه على الضفة الأخرى تبان لك كندا !!
أنا رحت أتمشى فيها .. في فترة الضهر الى ما بعد المغرب تقريبا

شوف أخويا \
لمدينة ( مهجورة ) بكل ما تعنيه الكلمة
برغم كل الشركات وناطحات السحاب مافي احد في الشارع وهادا الشي انتا رح تلتمسه بنفسك !! طبعا هادا بالنسبة ليا كان منظر جدا مخيف
مدينة كبيرة بحجم ديترويت ومهجورة !!
مليانه مطاعم عربية
و الداون تاون عادة ما يكوةن مزدحم و آمن نسبيا
جامعة وين جدا عريقه وجميلة .. تبان على الطريق وانا داخله للمدينة

بالنسبة في الليل .. المنظر مخيف .. فقط عشان مافيها ناس كتير .. لكن الأشخاص ذو البشرة السوداء .. قليل تقريبا !
في الظهر في ناس كتيييييييييييييير تشتغل في ديتريوت لكن مهم عايشين فيها ..أغلبهم عايشين في المدينة اللي انا فيها لأنها تبعد حوالي ساعة ونص

مممم وتقريبا هادا اهم شي
اذا رحت هناك حتنبهر بمصنع هنري فورد .. و GMC .. ولمن تروح النهر وتشوف كندا
انا افتكر لمن رجعت من ديتريوت كتبت status على الفيس بوك تبعي

Today, I went to Detroit !Despite that it's an abandoned city. Back to 2007, it had the 6th highest number of violent crimes among the 25 largest cities, it's a very beautiful city. Yes, I'm serious GM company, Henry Ford's factories, Marriott Hotel. And I almost got enough from that city when I saw Canada on the other side of " Detroit river " what a fabulous view♥ Wishing if crime rate drops 2 Zero !

هما دحين حكومة ميشيغان يبغو يسوقو لديترويت لأنها مدينة مرة رائعة ويبغو ينفو معدل الجريمة العالي منها لكن بيقول حاكم ميشيغان انو مفيش سيوله

وعلى فكرة ولاية شيكاغو .. كانت تماما زي ديترويت .. وكانت مهجورة .. لكن حاكم شيكاغو كان باش مهندس وزبطها وقدر يهبط معدل الجريمة !!
عقبال ديترويت :* معليش سامحني طولت

ديتريوت اجرااااااام
يكفيك كل افلام الاجرام في ديتريوت
وغلطان اللي يقول مافيه خوال الا كلها خوااال

ديترويت على ما اظن انها ثاني اخطر مدينه في امريكا , ولا يغرك شكل ناطحات السحاب وهيك
واتوقع انك اكيد شايف فلم 8mile حق ايمينيم , هذا الفلم تم تصويره في ديترويت .
ونصيحه مدام قدامك وقت غير القبول وافتك منها .

اختي في ديترويت وفي المعهد التابع لدي الجامعة ..
تقول المكان امان مو مثل اللي فوقي

بس انه ترجع بدري يعني مو بعد 9 المسا .. وما تتواجد بمكان مشبوه او مظلم ..
طبيعي يعني ..

المهم بالنسبة للسكن هي جربت سكن خارجي .. كان الايجار نوعا ما رخيص ..
بس كانت تدفع الكهربا والنت وحق المواصلات ..
فتركتها وراحت سكن المعهد تقول اوفر بكتير .. كفاية وفرت حق المواصلات ..

المعهد تمدحه مرة كتير تقول مستواه مرة عالي وجدا قوي والاساتذه ممتازين ..
وانه كذا واحد جاهم من محول من معهد تاني .. يكون مخلص المستوى الثالث مثلا في معهد القديم..
وينحط في المستوى الاول في المعهد الجديد ..

والجامعة دي واين ستيت مرة ممتازة فلا تفوتها ..
بالتوفيق ..

يعطيك العافيه لتوضيحك مستوى المعهد

لو سمح لي صاحب الموضوع اطلب عناوين شقق مناسبه للعوائل وقريبه من المعهد

مسموح ياغالي........