(جامعة اوكلاهوما)

انا اضم صوتي لك لان عندي قبول انشاء الله هناك وابي اعرف معلومات عن المدينة الي عرفته الان هو موقع الجامعة ولكن ما عرفت كيف هي من اسعار وسكن والناس كيف طبيعتهم هناك يعني اذا فيه احد يقدر يفيدنا لو سمحتوا يا اخوان وتسلمون .

يؤ

حتى انا والله

أتمنى تفيدونا

اهلين شباب

الله محييكم في نورمن..

والله بالنسبة للطقس كل يوم شكل، يعني مثل جو الرياض بالمزاجية الصباح شمس، والظهر هوا، والعصر مطر، يعني الجو اللي تبيه راح يجيك ..

اما بالنسبة للناس ودودين يعني ينوكل معهم عيش .. !

والاسعار مقدور عليها ان شاء الله ..

واللي تبونه حاضر ياجماعة الخير،
ماعليكم الا انكم تنشدوني وانا ان شاء الله اجاوبكم
وابشرو بواحد ان شاء الله يسنع اموركم،
وعساكم ماتذوقون اللي ذقته من تدربي راس في امريكا
ومطاراتها ..

مراسلكم من نورمن الشقيق ..

بالنسبة للطقس ..!

طقس اوكلاوهما والولاية بشكل عام ..
طقس غريب وعجيب .!!

كل شوي يتغيـر .!
ولاينعرف له

الـ4 فصول كلها تمر بيوم واحد خخخخخخ

يعني تقوم الصبـح وتشوف الجو حر .. شوي لا جا الظهر برد الجو .!!
ومايدخل العصر الا والدنيا تمطر .. وامطار على برد على عواصف رعدية .!!
وفجأة ثلج خخخخخخخ

واليوم الثاني ينقلب الجو .. وعلى هالاسطوانة كل يوم .!

انا اشهد يا تلسا انك صادق ..

الا كيف حال الشباب في ستيل ووتر
عسى مايمرهم بعد ترنيدو تايه .. !

تسلم يا عسل على تواصلك

مرحبا بالجميعاخي عبدالعزيز عندي لك كم سؤال كيف المعهد في هذه الجامعة معهد اللغة ؟اجارات السكن الداخلي والخارجي ويش الافضل فيهم بالنسبة للعائلة ؟وشاكر تعاونك

فيض المشاعر ..
اهلين اخوي، معليش يمكن تأخرت عليك شوي .. !

معهد اللغة والله بالنسبة لي جيد جدا، بالمقارنة للمعاهد اللي يدرسون بها اصدقاي في كلورادو وديانا <<< هذي بالذات انحش عنها في معهد هناك يذمونه الشباب !!

اجارات السكن الداخلي اممممممممممممممممم، اكثر الشباب اللي معنا طلعو من السكن الداخلي، وراحو سكنوا حول الجامعة في (ابارتمنت ) وخاصة في (الترادشن سكوير) نظيف ومرتب .
اما بالنسبة للعائلة حلوه بالنسبة للي يبي يتعلم بسرعة ويعيش جو اللغة الانجليزية ..
بس عاد يبي لك تروح عند عائلة مجربة وسمعتها كويسة، لان اكثر العوائل فكرتها مادية ..

وريح راسك من ناحية الايجارات تراها مناسبة كثيييييييييييييير ..

تسلم ياغالي واسف مرة ثانية على تاخري بالرد ..

هلا بك اخوي عبدالعزيز.....يعطيك الف عافية حبيبي وبالنسبة للسكن انا معاي عائلتي وودي اعرف ويش افضل الاماكن اللي تفيد العوائل وشاكر حسن ذوقك ياغالي ..

شف العوائل مالها مكان محدد
يعني تلقى في كل شقة من الشقق كم عائلة ..

فيه واحد من الشباب معه زوجته بس .. !

وشفت قبل كم يوم، عائلة سورية ( ودريت انهم عرب لاني شفت عيالهم يلعبون بالشارع ) قبل لا اسمع لهجتهم ..

فيه شقق كثير حول الجامعة، بس كذا تكون عليك اغلى شوي، خاصة مصروف العائلة، لاتعتمد على المكافأة للمصروف للعائلة ..
وفيه شقق لو يعطونك اياها بلاش لا تروح، ماتصلح مررررررررررررررررة خاصة اذا انك متزوج وعندك عائلة .. !

تدري، يبي لك تجي اول تشوف الوضع والقرار قرارك يمكن اللي يجوز لي مايجوز لك .. !
وان شاء الله يكتب اللي فيه الخير للجميع ..

لأن فيه اسئلة يمكن تكون خاصة ما اقدر اسألك هنا عليها .. ؟

وانا مستعد اخدمك باللي اقدر اعليه ان شاء الله ..