استفسار عن معهد UT في مدينة Austin,TX

و عليكم السلام و الرحمة..
مبروك أخوي ع النقل.. سمعت إن المعهد هذا جداً ممتاز
و أنا حابه أنقل له و كلمت الأدفايزر و قالت لي اليوم إن الملحقية وقفت ترسل له طلاب علشان سالفة التكدس!!
و انت ما شاء الله سويت النقل و قبلوه الملحقية!!
هل كلمت الملحقية بخصوص المعهد قبل ما تنقل؟؟؟ وش كان ردهم؟؟
فعلاً أنا حابه أنقل له بس قالولي مش ممممممممممكن!! فمالعمل؟؟
اعذرني .. على ردي اللي كله أسئلة << ما أفيد بشيء
بس هل المشرف يتغير لما تنقل من معهد لمعهد؟؟!!
أنا أظن إنو بس لما تنقل من الإقليم اللي انت فيه يتغير الأدفايزر
أما التنقلات داخل الإقليم و بالتحديد داخل نفس الولاية ما راح يتغير
أتمنى من اللي عنده خبر عن هالموضوع يفيدنا

مبروك مره ثانية
و عقبال عندنا

هلا اختي

الله يبارك فيك .. الصراحه انا اول ماجبت القبول من المعهد وراسلت الادفايزر كان الرد بالرفض لكني طلعت للملحقيه وكلمتهم بنفسي واقنعتهم بحاجتي لمعهد ممتاز خصوصا ان معهدي معروف انه سيء عند الملحقية والحمدلله جتني الموافقة
بالنسبه لتغير الادفايزر انا جاي من اقليم ثاني وادفايزري الاول قالت لي تغير الادفايزر بس مدري مين وضرووري جدا اكلمه لاني معهدي ELS وكل شهر نبدأ سيشن جديد

وعقبالك ان شاالله واي شي ثاني انا حاضر

مشكور أخوي و يسمع الله منك..

حبيت أسألك عن نظام المعهد.. تقول كل شهر يبدأ سيشن جديد؟؟
يعني السيشن الواحد بس 4 أسابيع؟؟
خبرني عن نظام المعهد و عن عدد الليفلات و مدتها؟؟
و هل فيه تكدس فعلاً أو لا؟؟

هلا اختي

انا اقصد معهدي الحالي اللي هو ELS كل شهر نبدأ سيشن جديد
بالنسبة للـ UT انا راح ادرس اكاديمك وهو المسار المخصص لطلاب الماستر والدكتوراه , بالنسبة لمدة السمستر تقريبا 4 شهور
وبالنسبة للتكدس مابعد رحت للمعهد باقي على دراستي شهرين تقريبا وبصراحة ماعندي خلفية عن نسبة التكدس في المعهد

هل تقصد معهد
ESL services
التابع لجامعة تكساس ات اوستن انا اعرف انه المعهد ممتاز وانا جبت قبول فيه وراح تبدأ دراستي فيه 17/1/ 2012
بس صدمتني انه فيه تكدس

هلا أخوي ..

ممكن تخبرني عن آلية النقل من طقطق لسلام عليكم!!!
وش سويت بالضبط؟؟ كيف جبت القبول؟؟ و اش سويت مع المعهد اللي تدرس فيه حالياً و لمتى بتظل تدرس فيه؟؟
و متى بتتركه علشان تنقل للمعهد الجديد؟؟ و سالفة إخلاء الطرف؟؟
و هل دفعت رسوم لما جبت القبول من المعهد الجديد؟؟ .... و ما إلى ذلك

و هل في رايك و على حسب خبرتك إني لو حاولت مع الملحقية و بينت لهم بحاجتي الماسه لهالمعهد مع العلم بأني راح أدرس ماستر برضو
و قلت لهم أبغى أبدأ السمستر الجاي اللي هو الخريف اللي يبدأ تقريباً على نهاية أوغست ( على حسب جدول المعهد )
هل بيوافقون ؟؟؟

إعذرني أخوي .. تعبتك معاي بأسئلتي اللي مالها نهاية
بس و الله محد مساعدني و أنا ما عندي خبره بهالأمور
و ما صدقت إني لقيت أحد بنفس حالتي بالضبط ( نقل و لمعهد ESL at UT )

اهلين
بالنسبة للقبول انا راسلت المعهد بنفسي تقريبا شهر 3 اللي راح وقلتلهم ابغى ابدا في الصيف شهر 6 قالوا لي وقفنا استقبال السعوديين الان لان اللي اللي قبلناهم على 6 كثير! قلت اوكي راح ابدا في الخريف (اوقست)
المعهد اللي ادرس فيه حاليا , معهد UT يتكفل بكل شي وينسق معه عشان يسوون لي ترانزفير ويصدرون لي I20 جديد , جاني مدير القبول في المعهد قالي مانقدر نكمل اوراقك لما تعطينا خبر متى بيكون اخر سيشن تدرسه معنا , وللحين انا انتظر رد الملحقيه
اخلاء الطرف ماادري وش تقصدين فيه , لكن اتوقع هذي راح تكون لما اكون رسميا استلمت I20 الجديد وطلعت من معهدي الحالي
ايه دفعت رسوم تعبئة الابلكيشن , لما تجين تعبين الابلكيشن راح يطلبون منك رقم الفيزا ويسحبون الرسوم , لكن راح يرجعونها لك لما يجيهم الضمان المالي
والله ماادري وش اقولك عن الملحقية , لكن لو تروحين لهم وتتكلمين مع اي مسئول باسلوب كويس وتوضحين له النقاط حقتك راح يتجاوبون معك ان شاالله
ماابي اضيق صدرك لكن مااتوقع UT يوافق يعطيك قبول عالخريف (اوقست) , اكيد انه وقف استقبال السعوديين الان , انتي ارسلي لهم ايميل وقولي انك سعوديه وتبين قبول وهم راح يردون عليك ويوضحون لك متى اقرب وقت تقدرين تبدأين فيه

موضوع القبول واجراءات التحويل من معهد لمعهد سهله ومافيها تعقيد

واي خدمه انا حاضر

هذا المعهد UT تابع جامعه ؟ ولا معهد بحاله ؟

لان ابغى انقل من المعهد الي حاليا فيه ,, لما جيت طلبت نقل لمعهد تابع جامعه طلبوا مني قبول مشروط ,, ومالقيت جامعه تعطيني قبول مشروط للماستر

ابحث حاليا عن معهد تابع جامعه وتعطيني قبول مشروط للماستر عشان الملحقيه توافق عليه ,, او معهد مايكون تابع جامعه عشان اتخلص من شرط الملحقيه الاهو قبول مشروط ,, بس يكون معهد ممتاز وقوي في الدراسه ,, وبالتحديد في تكساس

اذا ممكن تفيدوني

المعهد تابع لجامعة تكساس ات اوستن لاكن الجامعة ماتعطي قبول مشروط انا راسلتهم وما رضوا يعطوني قبول مشروط جرب انت معاهم