اثاث شقه نظيف جدا وبسعر مناسب سان انتونيو تكساس

الله يوفقك في بيع عفشك
لو سمحت السكن الاانت ساكن فيه امن100% يعنى حراسات
وهل فيه شقق فاضية على شهر 8 ميلادى ان شاء الله
وكم التامين؟

هلابك اختي بالنسبه للامن الحافظ الله لاكن السكن الي انا فيه في منطقه حيويه حلوه ماهي مقطعه او بعيده عن الخدمات والشارع الرئيسي وهذا شي يخدم الامن
واضيفي كثرة العوائل السعوديه فيه مثل ماقلت قبل اكثر من عشرين عائله ناس تجي وناس تروح طبعا الغالبيه عسكرين ضباط وافراد من كل قطاعات العسكريه بالمملكه
وهذا شي حلو ويشعر بالطمأنينه لان الحريم دايم يجتمعون ويسولفون ويتفقدون بعض واذا مرض وحده عاونوها في بيتها وسألو عنها اذكر وحده ولدة هنا صارو يزورونها
وكل يوم وحده تطبخلها يعني يوقفون مع بعض واالحريم داخل المجمع رايحين جايين من كثرتهم ماشالله وبالاضافه انو فيه بوابه تنفتح برموت او رقم سري
وبالاضافه انو احنا متقاطين ومستأجرين شقه ومخلينها مسجد لنا يعني نجتمع الرجال فيها ونصلي ونتفقد بعضنا وكل هالاشياء حلوه وتشعر الواحد بالامان وانو لاسمح الله
صار اي مكروه بيلقى من يوقف معه

طبعا المجمع كبير جدا واكيد بيكون فيه شقق فاضيه وبالنسبه لتأمين انا اخذو علي بس 200 دولار مادري عاد هي تختلف حسب عملك او سعرهم واحد
وهذي اسعار الشقق بس بشرط ماتقل عن ست شهور اذا اقل من سته يحسبون لك اغلى

غرفه وصاله (صغيره)550
غرفه وصاله (كبيره)650
غرفتين وصاله (صغيره)750
غرفتين وصاله(كبيره) 850
وفيه ثلاث غرف اعتقد انها 1000 ماني متأكد

طبعا كل مازادة مدة عقدك رخصولك بالاجار والعكس

واسف على البربره الكثيره هههههههه

بالعكس احسن بربرة

هههههههه

شكرا شكرا شكرررررررررررا
الله يسعدك يارب
ويطمن قلبك مثل ماطمنتنا بكلامك السنع
ويعافيك ربي ويوفقك دنيا واخرة يارب

كل بربرتك كتبتها بالنوتة عندي احسن بربرة
الله يخلي بربرتك فادتنا كتير

شكرا عزيزي

عموما الله ييسر الامور ويكتب الي فيه الخير ويوفقك انشالله
عاد اي استفسار اي شي انا جاهز بالي اعرفه واذا المرافق معك يبي يكلمني على عيني وراسي مافي مشكله
اعلمه من ركوب الطياره وتعبئت الاوراق في الطياره والوصول والتفتيش وش الاشياء الممنوعه وغيره وغيره
ترا مافيها شي كلنا جينا ندربي روسنا ولا نعرف شي تمنينا احد يعلمنى وش فيه قدامنا عشان كذا متحمس ههههههه

شكر اخوى على المساعدة والاجابة المفيدة
وجعله الله في موازين اعمالك
هل فيه غسالة ملابس؟والكهرباء والنت والموية موشامل؟
اسفة بس ابغى اعرف موقع المجمع من المعهد وهل هو بعيد والاقريب؟

والله يا اختي بالنسبه للغساله والنشافه فيه في نفس المجمع اكثر من غرفة غسيل الي بعمله
لاكن اذا تبين تكون عندك بالشقه تطلبين منهم وراح يجيبون لك غساله ونشافه ويركبونها عندك بالشقه علما انو فيه مكان مخصص لها بالشقه
مقابل 38 دولار شهريا وشامله التركيب والصيانه

بالنسبه للنت والكهرب والمويه عباره عن فواتير
يعني ابتكلم عن نفسي انا مشترك بالنت الي هو اسرع شي مع مودم والتركيب والخرابيط بـ 52 دولار شهريا
والمويه يعني تختلف من شهر لاخر تتراوح من 20 الى 30 دولار شهريا مع اني حيل استهلك المويه
والكهرب من 70 الى 100 برضو حسب الاستخدام

هذا بالنسبه لمعدلي بالاستخدام مع العلم اني مصرف شويه

اما الشقق المفروشه الي شامله كل الخدمات النت والمويه والكهرب انا ما اعرف الا وحده
والصراحه رحت لها غاليه وصغيره حيل واثاثها قديم وبرضو الامن لك عليه لا بوابات ولا شي
ويوم حسبتها طلعت اغلى علي من لو ادفع الفواتير بنفسي

لاكن هي حسب مدة اقامتك هنا يعني اذا اكثر من ست شهور ما انصح بالمفروش

لاكن اذا مدة شهرين او ثلاث المفروش اوفر واريح

اما مكان المجمع بصراحه قريب من القاعده الجويه
لاكن مادري عن المعهد بصراحه

بس اخبر ان الحريم هنا يروحون لمعهد يدرسون لغه وفيه وحده مغربيه مدري فلسطينيه تجي تاخذهم بفلوس

هذا الي اعرفه

لرفع
هق هق ادري بتصفق

اولاً الله يوفقك ويرزقك

ثانياً لي مداخله على تكساس ... انا طبعاً جلست فيها اسبوع كان من اسواء ايام حياتي علماً انه كان من المفترض اني اجلس لمدة سنه فترة اللغة ولكن بعد اسبوع رجعت بالأهل للسعوديه .
اختصر للجميع الأشياء اللي واجهتني وخلتني أأجل البعثه :- طبعاً انا دراستي كانت في أوستن جامعة تكساس :-
1- اصطحاب الأطفال مقلق جداً .
2- الحضانات غاليه جداً .
3- الأمان وخاصه خارج الداون تاون شبه ضعيف جداً .
4- المواصلات قليله جداً او شبه معدومه .
5- نظرتهم للمنقبه بإستفزاز وغرابه وإشمئزاز .
6- لا بد من شراء سياره للتنقل .
هذه اهم الأشياء اللتي واجهتني هناك وبسببها ألغيت بعثت أهلي وانا سوف أعود بعد 3 اشهر لإكمال دراستي
هذا ما احببت إضافته وهذه تجرتي مع اوستن ولكن ما أقول إلا اسأل الله ان يعوضني ويعوض زوجتي خيراً منها

الله يعوضك خير وماتدري وين الله كاتب الخيره فيه
بصراحه انا قعدت هنا 7 شهور وبعائلتي والحمد لله يارب
ماعانيت من شي من ناحية الامن او النقاب يعني صح اذا طلعت مكان عام
البعض يستغرب بالنظر فقط وهذا الكلام باي دوله بالعالم لانهم يستغربون هذا الشي
يعني ماعانيت من شي يذكر
بالنسبه لتنقل اذا الفتره طويله لابد من سياره مع العلم انها مو غاليه كثير اذا بتاخذ شي معقول
اكثر العوائل الي معي هنا ياخذون من 3000 الا 5000 دولار

لاكن وانا اخوك الناس يختلفون قد ترتاح في مكان انا ما ارتاح فيه والعكس صحيح

عموما الله يكتبلك الخير اينما كان ويرضيك فيه

ماش السوق نايم وقفو الابتعاث ولا شسالفه ههههههههههههههه