استفسار طريقة فسخ عقد السكن السنوي

كلم ادارة السكن واشرح ضرفك واثبت لهم انك تبي تنقل لديره ثانيه وذا رقض الموظف قله ابي اكلم مديرك وابتل ارقى الى ان تصل الى اعلى واحد قط تطلع بدون ان تدفع اي شيء ويمكن تصفي على غرامة كسر العقد رغم اني اعرف واحد عندنا بمتشقن كسر عقده بي 250 وهو توه ماله الا شهر هنا لانه كلمهم انه يبي سكن اكبر من اللي هو فيه وجاب اثبات من السكن الثاني انه اكبر وكلم مدير بالشركه وسمحله بكسر العقد بي 250 دولار بالرغم ان نظام متشقن لازم تدفع 500 بحالة كسر العقد

ادخل موقع الكريغ ليست واكتب اعلان سب ليست تلقى كثير ان شاءالله يبون وادخل بعد على ونتد تلقى طالبين شقه بمواصفات شقتك كلمهم والا راسلهم وان شاءالله تلقى من ياخذها بدون ماتدفع شي ويرجع لك التامين بعد

الحل الأول: انك تكلم السكن نفسه و تتفاهم مهم على طريقة كسر العقد و ما يترتب عليه من غرامات فيما يناسبك. و وجود ما يطلعهم على وضعك و سبب نقلك و محدودية دخلك ربما يفيد في تفهمهم. و ربما تجد تجاوب منهم في إلغاء الشرط الجزائي في حال كسر العقد حسب ما ينص العقد نفسه عليه.

الحل الثاني: أنك تبحث عمن يكمل عنك العقد، بالمعرفة الشخصية أو بالإعلان في الانترنت في craiglist و غيره تحت مسمى الـsublet او الـsublease

الحل الثالث: أنك تستسلم للأمر الواقع و تدفع الشرط الجزائي و تفاوضهم عليه ( بدل ما تدفع شهرين تقول بدفع شهر مثلاً و هكذا) و تنتقل خصوصا إذا انتقالك ترتب عليه مصلحة كبرى ، كالانتقال للدراسة في الجامعة أو ما شابه.


الله يسهل عليك ، و عموماً انصحك بالإسراع في مخاطبتهم و الوصول للمدير و التفاوض مع من لديه الصلاحية، و بلا تأخير، و باستخدام الاسلوب الطيب و المباشرة في شرح الوضع و ما تريد منهم مع إبداء الشكر و التقدير فقط (وليس الحاجة و المسكنة). و الله يوفقك لما فيه الخير.

المشكلة حتى السكن عنده معلومات عني عارف اني راح انقل من الولاية مادري وشلون عرفو هذا الي محيرني انا ودي اسحب ماودي بس مضطر رفع اعلان فوق ٤ شهور بس للاسف مافي احد يرسل شي او يكلم بس تجيني اعلانات تجارية من بعض شركات السكن

اخوي اذ تعقدت الامور ربط شناطك واطلع وارمي المفاتيح عليهم وان شاء الله مايلحقك ولا سنت انا نفس وضعك بس ابي اغير السكن

مثل ما قالوا لك سابقا و اضيف عليها اذا ما كان عندك سوشيال تقدر تعطيهم المفتاح وتمشي ولا يلحقك اي شي الا الديبوزت ياخذونه , ولكن في المقابل لو بغيت تسكن في مكان ثاني بيقولون لك عطنا ورقه من سكنك الاول او علمنا وين كنت ساكن وحنا ندق ونجيبها وفي هذي الحاله ممكن تطول ما لقيت سكن.

وللاسف هذي طريقه الكثير من السعوديين خصوصا الي خلصوا دراسه وبيرجعون السعوديه ما يدفع اخر شهر و يمشي .

لاااااااا عمرك لا تطلع من سكن وانت مسوي عقد كذا من دون ماتدفع ولا تخلص الاوراق.. ترانا هنا بامريكا ماحنا بالسعوديه !!
تكفون ياعيال لاتورطون الولد وتحمسونه يمشي كذا ..
واحد بمدينتي الي قبل سعودي هو وبنت اخته كان باقيلهم اخر شهر بالعقد وهم بيرجون للسعوديه وحولو بعثتهم لدوله ثانيه ،، قام الاخ مشا من عنده ومادفع الايجار حق اخر شهر طبعا وراحو للسعوديه،، الي سكن بعدهم لقا بالبريد موعد فالمحكمه هههههه وانه اذا ماحضر المحكه ومادفع يمنع من دخول البلد مره ثانيه وسالفه كبيييييره طويله وعريضه علا شهر !!

عاد انت جالس بالبلد ماله داعي تسوي كذا والله