اش الافضل معهد كابلن شيكاغو او معهد جامعه ‏UNIVERSITY OF ILLINOIS AT CHICAGO ؟؟

اللي اعرفه احسن معهدين في شيكاغو هم معهد جامعة الينويز وديبول

بالتوفيق ان شاء الله

::

يسلموو علي الرد

بس نفسي احد يقولي كابلن احسن

لانو عاجبني

يعني ماني فاهمه اش الفرق

::

كابل معهد تجاري وكثير من الطلاب ياخذ فيه فتره ويحول لمعهد جامعة مثل ديبول و اليو اي سي UIC وترى حتى الملحقية اجبرت بعض الطلاب على التحويل من كابلن لمعهد جامعة.
انا شخصيا رحت كابلن كنت ابغا اخذ كورس فترة الاجازة وانسدت نفسي من المبني حاشرينهم في دور واحد وحتى مكتب الاستقبال في الممر والله ما في حتى كراسي انتظار. المعهد جيد لان عنده كورس الزمالة للاطباء ودورات توفل وجي ار اي. اذا جاي تبغا تتعلم لغة اكاديمية عشان تكمل جامعة فعليك بمعهد جامعة. وبالتوفيق

كما ذكر الاخوان معهد كابلن معهد تجاري غير مجدي وكثير من الطلاب ينقل منه بعد اضاعه فتره من مدة الابتعاث بلا فائده
افضل معهدين ديبول واليو اي سي
من الناحيه الاكاديميه التي تساعد على اجتياز اختبار التوفل وكلاهما 5 مستويات تقريبا في مده سنه ونصف اذا بدات من الصفر وبدون انقطاع او تعثر وهذا صعب غالبا وهناك ترم اضافي غير المستويات للاعداد للتوفل
ديبول دوام صباحي من الاثنين للجمعه 4 اترام في السنه مدة الترم شهرين ونص ماعدا الصيفي 8 اسابيع.. تدرس 4 مواد قراءه وكتابه وقواعد الانجليزيه ومحادثه
اما اليو اي سي فدوامه مسائي من الاثنين للخميس ترمه اطول اعتقد 3 اشهر ونصف .. مقسمه المواد على كلاسين . كلاس قراءه وكتابه وكلاس محادثه واستماع .. يفتقر هذا المعهد الى ماده القواعد ولكن تدرس من خلال الكلاسات الاخرى كجزء منها

هذي نبذه عن المعهدين اذا اردت التوسع في المعلومات لا تتردد في السؤال
ولا انصح ابدا بمعهد كابلن
واتمنى لك التوفيق

يسلمو على البند أقنعتني بصراحه بس أنا خايفه أخد مده أطول خصوصا انو كروسات الاختبارات منفصله يعني حاخد شهور تانيه :s

يسلمو ابتسامة ع الردايوا أبا اعرف عن معهد Uic وانا سمعت انو ديبول في تكدس صح ؟طب القواعد حتاثر عليا ف درجة التوفل وتحضير التوفل كورس لوحدو كم شهر ياخد ؟وشكرا

مو شرط تكون كورسات الاختبارات منفصلة, الفصل هذا كان في كوس اختبار ايلتس في الويك اند, وممكن ما تحتاج كورسات من الاساس, كمان في كورسات في الاجازة بين الفصول ايضا بما ان الاجازات طويلة في معاهد الجامعات فممكن خلال الاجازة تدرس في معهد تجاري مثل كابلان او انتراكس سواء كورس لغة او كورس تحضير لاختبار لغة وعلى حساب البعثة طبعا.
ايضا ابتسامة ذكرت معلومات شاملة عن المعهدين ولكن ابغا اعلق على حكاية كلاس القرمر , في UIC يطبقون فلسفة جديدة في التعليم وهي دمج القراءة والكتابة مع القرامر وهذي فسفة جديدة في التعليم وطبقت حديثا في السعودية من خلال دمج كل مواد العربي في مادة وحدة, بعض الطلاب يعتبر وجود مادة مستقلة للقرمر ميزة جديدة, لكن ترى UIC لديهم قرامر في كلاس الريدنق وكلاس الاسبيكنق, وعموما الهدف واحد والاسلوب مختلف.

كم اسعار معهد ديبول لو سمحتو؟

على مااظن حول الـ 3500 دولار بالترم.