السلام عليكم اي احد يبي يستفسر عن هيوستن انا حاضر

هذا رد من اخونا عبدالرحمن دحيم في احد المواضيع ان شا الله يفيد ..

مررررره استفدت من المعلوماااااات الف شكررررررلكم

واسال الله لكم الفوز بالفردووووس الاعلى

القحطاني .. اشكرك .

اتمنى الاجابه على الاسئله التاليه الله لا يهينكم :
1- هل المدينه فيها امان؟
2- هل المدينه جامعيه يعني فيها طلاب رايحين وجاين والا هاديه؟
3- اين يوجد معهد اللغه التابع لجامعة university of houston downtown
4- هل منطقة الجامعه امان؟
5- يوجد عوائل قريبه من الجامعه؟
6- منطقة الجامعه يوجد بها محلات مطاعم سوبر ماركت...الخ)
7- هل الداون تاون حسب ما سمعت انه افضل مكان يوجد بالمدينه؟

انا متواجد حاليا في اوستن وابي اطلع لهيوستن بالباص ماهي الطريقه؟

اسئلتك موجودة في الموضوع .. لو انك قراته من اول .. لكن مو مشكلة نجاوب مره ثانيه ..


1-
تختلف من منطقة لمنطقة لكن بشكل عام ان شا الله امان .. اما اذا بتروح لي اماكن مشبوهه او في وقت خطر يعني اخر الليل فهذي الله يسلمك معروفه في كل امريكا الخطر يرتفع .

2-
المدينة رابع اكبر مدينة في امريكا .. وفيها مو طلاب وبس .. فيها الشعب كله .. مدينة كبيره جدا ..

3-
المعهد يوجد في الداون تاون ..

4-
نفس جواب السؤال الاول .

5-
فيه عوائل قريبه .. لكن انت وحظك زي ما يقولون .

6-
ايه فيها كل شي .. تراك منت رايح ديره ما فيها شي ..

7-
افضل من اي ناحية ؟ .. من وجهة نظري لا .. فيه افضل منه .

اتمنى اني افدك .. وتقدر تقرا الموضوع من اول اذا تبي تفصيلات معينة .

دمت

تروح لمحظة الباصات .. اللي هي زي النقل الجماعي عندنا بالسعودية .

يعطيك العافيه اخوي القحطاني

عندي بعض الاسئله اخوي واتمنى الاجابه عليها ..

انا باذذن الله بعد شهر يعني في 9 ابريل راح اكون في هيوستن .. والدراسه راح تكون في معهد رايس ..

بغيت استفسر عن افضل سكن طبعا معي اختي .. واقرب شي للمعهد .. وكم راح تكون الاسعار تقريبا ... وهل من الظروري شراء سياره ...

واخيرا .. كيف معهد رايس .. من جميع النواحي ..

تحيتي لك ..

اوكي الله يعطيك العافيه يالقحطاني

فيه اسكان قريبة من المعهد لكن على حسب ميزانيتك وحسب مزاجك .. فيه منطقة الميدكال سنتر حلوه وامنه .. وفيها مسجد ومستشفيات ومطاعم ..الخ
وتتراوح الاجارات .. لكن غرفتين من 900 وانت طالع .

والسيارة انصحك تكون معك سيارة سواء استئجار او شراء .. اول شهر استأجر حتى ترتب اوضاعك ثم بعدين تتيسر ..
والمعهد ما عليه كلام .. كل من درس فيه مدحه وما ذمه ..

بالتوفيق لك .