السلام عليكم اي احد يبي يستفسر عن هيوستن انا حاضر

اولا اشكر اخواني ابو متعب والقحطاني وبيض الله وجيههم وعسى النجاح هو فالهم ان شاء الله .والحمد لله على السلامة يا بو قحط
ا
نا لي اربع ايام في هيوستن وساكن مع عايلة تبعد عن المعهد uh اربعين دقيقة وماني مرتاح مع العايلة هل تنصحوني اغيرها وهل تعتبر قريبة من المعهد بحكم ان هيوستن كبيرة

السؤال الثاني قريت تو في الردود ان المعهد ومنطقته مهي امان وانا للحين مارحت بكرة بروح ان شاء الله فياليت توضحون لي هالنقطة . يعني وش الخوف منه وهل الخوف بس بالليل والا حتى النهار.

شاكر ومقدر لكم وعز الله انكم ما قصرتو وابشرو بالدعوات مني ومن اللي سالو وتابعو.

اسف عالتاخر لكني رديت من قبل .. بس الظاهر ان الرد راح مع صيانة الموقع

المهم ..

1- الله يسلمك ويرضى عليك ..

2- بالنسبة للداون تاون ما انصحك بالسكن فيه برا افضل .. لانه يقل فيه الامان ويكثر الازعاج نوعا ما .. مع ان الداون تاون حق هيوستن تقول ما فيه احد .. مو زي الداونتاونات الثانية ..

3- بالنسبة للعائلة .. اهم شي راحتك .. والا وش ابغى بعائلة ولو في قصر لكن مو مرتاح .. اهم شي راحتك النفسية ولو كنت تبعد عن هيوستن ابو ساعه .. ومن ناحية 40 دقيقه فمعقوله نوعا ما .

4- من ناحية الامان .. معروفه بالعالم .. اخر الليل والاماكن المشبوهة تقل فيها نسبة الامان .. لكن الاماكن العامة ما فيها شي ان شا الله .. لكن بعد 10 وين تبي تروح ؟؟ كل الاماكن مقفله !!

ويا هلا فيك اي وقت .. واي استفسار احنا حاضرين .

شوف يالغالي ..

بنسبه لداون تاون تكون فيها خطوره بس مو ذاك الخطوره ... وفيه مبنى كبير قريب من المعهد وتطلع على الترين لحبيت اسمه ( هيوستن هاوس ) مبنى اسود وواضح ... هذا امن بعد الله ونسبة الامان 100% لكن الغرفه مع الصاله بحدود 1400 دولار تقريبا .. فيه شباب ساكنين فيه ومكونيين علاقات مع الامريكان ولا فيه اجانب اكثر شي الامريكان ..

هذا شي .. فيه مجمعات ارخص من كذا لكن يبغى لك شخص معك بحدود 1000 دولار .. مثل ( ساكلوند - الفنن - هولي هول ) بصراحه نظيفه وامنه وقريبه من الترين وهذا اهم شي .. يعني تقريبا بالترين حدود نصف ساعه ...

لكن هيوستن ليست بالخطره مثل مو متصورين اذا الشخص بيطلع اخر اليل ويروح الى اماكن مشبوه قد يتعرض لبعض المشاكل ولكن قليله حتى في الاماكن المشبوه .. خاصه اذا كنت تمشي اما بسياره لايوجد اي مشكله .. بالتوفيق لك ..

احسن شي اسكن بالجامعة انا ساكن فيها ومره مرتاح اوفر من ناحية الفلوس والوقت تنزل من غرفتك للكلاس علـى طول غير الاحتكاك بالطلبة الدوليين هنا

الي بيدرس في هيوستن يدرس في رايس ويسكن في سكن الجامعه وغيره لا يفكر والسلام عليكم

يا رجال وسع صدرك .. ولا يضيق خاطرك ..

رايس والا غيرها .. سكن الجامعه والا غيره ... انت اللي يحدد لنفسك البسط والا لا .

تفاءل.

الامور بسيطه بس اشوف تعقيد ببعض الردود
معك سياره فيك اماكن حلوه وامنه وتبعد ١٠ دقايق بالسياره عن جامعه هيوستن ..
بس اذا مامعك سياره اسكن بالجامعه احسن ..

للرفع upupup للرفع

up up up u pu
upupupupupupu

ياهلا والله بالنشامي,,,

بيض الله وجيهكم ياشباب والله العضيم أنكم تفرحون القلب بهالدعم والإفادات اللي جالسين تفيدوها لأخوانكم.

ولا عليكم أمر أنا عندي أستفسارات وودي تساعدوني خصوصا ابو متعب وابو قحط ولا يهونوا حبايبنا الثانيين.

انا جاي أدرس بمعهد lcc بإذن الله ومعاياعائلتي زوجتي وولدين وابي اعرف
وين أفضل مكان للسكن المريح والقريب يفضل يكون قريب من أماكن الترفيه والمولات والسينمات؟
أقرب حضانة وتكون كويسة وكم أسعارها؟
هل يحتاج أني أشتري سيارة أو أستأجر أو المواصلات كافية؟

الله يعطيكم العافية وموفقين بإذن الله.