السلام عليكم اي احد يبي يستفسر عن هيوستن انا حاضر

نصيحته في محلها ..

- - - مشاركة محدثة - - -

والله يا عزيزي ان موضوعك ما اقدر اعطيك معلومة اكيدة .. لان مو بس المعدل المشكلة ، بعدين عندك شهادة اللغة ( توفل او ايلتس ) وعندك اختبار ( جي ار اي ) فاذا كانوا مرتفعين يمكن تساعدك في معدلك .

حدد اي جامعه واي مكان ؟
بالعموم امريكا اسهل من كندا في كثير من الاشياء سواء دراسيا او أكاديميا.

الاخ القحطاني انت شايف fannin قريبه من الجامعه ؟
يبغالي من اتحرك من البيت الين اوصل الجامعه حوالي 30-40 دقيقه ... انا ابغى شي اقرب للجامعه يعني ياخذ من 10-15 دقيقه مشي او 5 دقايق بالسياره

اخوي القحطاني صراحتا انا ما عندي اي معلومات عن امريكا
كل اللي ابيه ان الجامعه تكون سهله نسبيا (انا عارف ان الهندسه صعبه ) لكن في شي اسهل من الباقي
ما يهم لو كان شمال او جنوب
لو كانت المدينه رخيصه وامنه يكون افضل وشكرا لك

بنسبه لسكن قريب للمعهد التابع لجامعة رايس .. مافيه كلها احياء والمنطقه الطبيه .. فيه سكن بس يبغالك سياره .. لكن يعتبر سعره غالي شوي تقريبا عشر دقايق او اقل بعد .. هذا اذا معك سياره ..

اما تقول والله ماعندي سياره او ابشريها بعد فتره انصحك في fannin على شان تروح وتجي بترين وسكن نظيف وهادي .. ولا ياخذ بترين سوا 8 دقايق وتمشي تقريبا مسافه بسيطه للمعهد ..

انا بنسبه لي بحثت وماخليت محل يعني بالعربي مالقيت افضل من fannin لسبب الترين ..

معك سياره او بتشري سياره اذا جيت هنا يختلف الوضع .. انت علمني وش وضعك اعزوبي لوحدك او معك اهلك حتى لو بغيت تجي وتشري سياره برضه فيه شخص اعرفه تاجر يدخلك مزاد وتشري السياره اللي تبي يعني اللي تلاقاه برا فرق 2000 دولار بسعر السياره اللي بالمزاد ..

المهم وضح الصوره بالاكمال حتى اذا بغيت تمشي اعلمك وين تستاجر الفندق او موتيل ع حسب الرغبه ..

شكرا اخي خالد لتعاونك المستمر

يالغالي انا بجي مع زوجتي في 14 اكتوبر للدراسه على حسابي الين انضم للبرنامج وناوي اشتري سياره و من فتره وانا ادور في موقع ebay بس اذا تعرف احد يبيعني بسعر اقل من السوق اكيد بكون شاكر لك .. انا ما افكر اجلس اكثر من يوم بدون سياره ابدا حتى لو استاجر في البدايه و السكن ابغاه عقد ست شهور لاني على قولك ما اضمن اكمل بعد اللغه في نفس الجامعه

يا عزيزي هالمجمع قدامه مباشره القطار .. يعني تطلع من شقتك ولا خمس دايق مشي وتركب القطار ..
القطار ولا عشر دقايق الا وموقف في المحطة اللي قريبة من معهدك ..
من وين طلعت 40 دقيقه ؟

والله شف يا اخوي تخصص الهندسمه ما ودي اتفلسف عليك ثم اعطيك معلومه .. واذا اخذت فيها وما صارت مناسبة لك تقوم تدعي علي
لكن فيه جامعة لامار بمدينة بومنت تبعد عن هيوستن ابو ساعه ونص تقريبا .. فيها شباب يدرسون هندسة ويمدحونها .. والمدينة صغيره ويمكن مملة نوعا ما لكن مش بطالة.

ولاية اوهايو فيها جامعة رايت ستيت بس ما اعرف وضع الهندسه فيها .
ولاية ميتشقن فيها جامعة لورنس تكنولوجي بمدينة ساوث فيلد .. الجامعه سهلة بس برضوا ما اعرف شي عن الهندسة فيها .

هذا اللي اقدر افيدك .. لانه مو تخصصي وما سألت فيه كثير .. لذا ما احب اعطيك معلومه افتراضية .

ما قصرت يالطيب شكرا لك كم تنصحني اجلس فيه على ما يمديني اشوف سكن مناسب واثثه و اخلص امور شراء سياره !
اسبوع يكفي ؟
وهل اقدر احجز بالاسبوع فيه ؟

والله ماعرف احد لكن اقدر ارسلك على شخص اذا جيت ويبحث لك سوا بالمزاد او غيره .. وان شالله تحصل بسعر مناسب ..

بنسبه للايجار فيه كذا شخص يأجرك سياره وبسعار من 550 دولار حتى 650 دولار في الشهر على حسب السياره او في اليوم 25 دولار ..

بنسبه للسكن اول ماتجي اخوي .. مو على طول تستاجر على حسب المجمع احيان يقول بعد 3 ايام واحيان اسبوع حسب وجود الشقه وجاهزيتها .. طبعا المجمعات تاجيرها شهر او 6 شهور او 12 شهر وتختلف ايضا في الاسعار يعني عقد ابو 12 شهر مو مثل 6 اشهر .. اكيد يكون فارق سعري ..

اذا انت بتجي انت واهلك الافضل لك مجمع fannin قريب من الترين .. واول ماتجي هيوستن راح اعطيك موتيل بجنب المجمع وقريب من الترين وسعره حوالي 60 دولار في اليوم ونظيف بعد من يوم تنزل من المطار تعطي التكسي العنوان يوصلك لحد الموتيل ومن قريب تخلص امور الاستاجر من المجمع .. وحنا عندك قريب اذا احتجت مساعده مانقصر معك ترا الامور سهله .. وعلى فكره انا اليوم مريت مجمع الفنن ولقيته رافع سعر الايجارات تقريبا غرفه مع صاله بحدود 1000دولار يعني احسب حسابك .. فيه مجمعات بس مو حلوه بحدود 700 دولار . خلف الفنن ..