السلام عليكم اي احد يبي يستفسر عن هيوستن انا حاضر

كيف هيوستن من حيث الامان والجو والمعيشه والسكن ؟!
ايش افضل جامعاتها ومعهدها بالنسبه للمبتدئين؟
شاكره لكم

اذا ان الملحقية طلبت منك تغيريه ف معنى كلام الشباب صحيح لان الملحقية بتلغي التعاقد مع معاهد اي ال اس والى الان ماتاكد الخبر

بس انتي كذا قطعتي الشك باليقين

مثل ماقالك الاخ خالد ديبوزت
اذا انت طالب مبتعث ب امكانك انك ماتدفع هشي وترفق لهم الضمان المالي ويطيح عنك الديبوزت ام اذا على حسابك الخاص ف لازم تدفع
الرد من اسبوع الى اسبوع ونص

هيوستن بشكل عام مدينة كبيرة وتعتبر 4 اكبر مدينة ب امريكا
الجو زي جو السعودية مافيه فرق اللهم حرارة الشمس مو زي بالسعودية
المعيشة متوسطة يعني لا غالي ولا رخيص متوسط

السكن على حسب كل منطقة مثل المديكل سنتر في شي غالي وفي شي متوسط والقاليريا والمد تاون غالين لانهاا تعتبر من افضل مناطق هيوستن

المعاهد بصراحة ماعندي خلفية اللى اعرفه واشهر المعاهد
الاول رايس
الثاني اي ال اس تابع لجامعة سانت توماس
وايضا في معهد الداون تاون

وباقي معهد او معهدين بصراحة مااعرفهم وماعندي خبرة فيهم لان واحد منهم جديد


بالتوفيق

الله يسعدك ومشكووور
الامان فيها كيف ؟؟!

ويسعدك العفو

الامان الحمدلله كل شي زين ومافي اي شي يخوف
بس موب الواحد يطلع انصاف الليل يقول ليه يجيني كذا
صحيح كل شي مكتوب ومقدر
بس الاحتياط واجب
والتوكل على الله مع فعل الاسباب
حتى في بعض الحريم كانها بالسعودية حشمة كاملة وماحد يقول اي شي يعني الوضع طبيعي جدااا

والمدينة بشكل عام العرب فيها كثير
لان المدينة طبية وفيها كثير يتعالجون من امراض السرطان وغيره الله يشفيهم ويكفينا الشر

في بقالات عربية مطاعم عربية يعني كانك بالرياض بس بعد 20 سنة ههههههههههههههههه ( متطورة )

الله يشفي جميع مرضى المسلمين
هههههههههه ضحكني التشبيه وقسم
والله افكر في جامعه هيوستن بس لما قرات عن معهد رايس تحطمت شوي ماينفع للمبتدى 😕

شوفي وانا اخوك مافي شي مستحيل ياما ناس جو ماعندهم حتى حروف انقلش مشت امورهم
يعني اقولك نظام رايس ب ليفل 1

المعاهد الاغلب يبدون بمثل المستوى يعلمونك الحروف وكلام مبتدئين مثل كيف الحال كيف يومك وش سويت اليوم وشوي شوي

لكن نظام رايس اذكر اول يوم دخلت علينا حقت الرايتنق قالت طلعو ورقة ويلا اكتب عن حياتك
ناس بتقول اي سهل ( سهل للى عنده فوكاب وكلمات لكن اللى جاي مايدري وش سالفة يضيع )

بالنسبة للتحدث صحيح يتساعدون مع ليفل 1 يعني يقولون قول الكلمة هذي لا خطا قل كذا
لكن اللى يوجع القلب لاصار الليفل حقك كلهم يتكلمون واتكوني زي الاطرش بالزفة

يعني اذكر كنا مجموعة وفي ناس خليجين بغض النظر عن الجنسية
التيتشر تضطر تقول ترجم الكلام له او مثلا قالت بكرة واجب كذا سو كذا تضطر تقول ترجم يافلان سوااا اي شخص كان كويس ويعرف وفاهم

لكن مايمنع انك تسجلي فيه وخلال فترة تدرسي اشياء وتحفظي كلمات والخ ....
وبكذا تسهل امورك

طيب مو كثير اسبوع و نص؟ خصوصا اني ابغى ادرس في شهر اكتوبر و لسة اجراءات الفيزا...و ليش ممكن يرفضون يعني؟

- - - مشاركة محدثة - - -

اهاا طيب مو كثير اسبوع و نص؟ خصوصا اني ابغى ادرس في شهر اكتوبر و لسة اجراءات الفيزا...و ايش اسباب الرفض يعني؟

تقصد انك تبي تدرس ب اكتوبر ؟؟؟؟؟؟؟؟؟

مااتوقع تلقى قبول بالشهر هذا
اعرف خويي قبل شهرين قال ابي ادرس عندكم قالو مافي مجال الا ب بداية السنة الجديدة

ومن ناحية الرفض في احتمالية يرفضون لان بيطلبون كل شي منك مثل اخر شهادة حصلت عليها سواا ثانوي او جامعة بكالوريوس ويناظرون المعدل والخ ....