السلام عليكم اي احد يبي يستفسر عن هيوستن انا حاضر

شوفي وانا اخوك مافي شي مستحيل ياما ناس جو ماعندهم حتى حروف انقلش مشت امورهم
يعني اقولك نظام رايس ب ليفل 1

المعاهد الاغلب يبدون بمثل المستوى يعلمونك الحروف وكلام مبتدئين مثل كيف الحال كيف يومك وش سويت اليوم وشوي شوي

لكن نظام رايس اذكر اول يوم دخلت علينا حقت الرايتنق قالت طلعو ورقة ويلا اكتب عن حياتك
ناس بتقول اي سهل ( سهل للى عنده فوكاب وكلمات لكن اللى جاي مايدري وش سالفة يضيع )

بالنسبة للتحدث صحيح يتساعدون مع ليفل 1 يعني يقولون قول الكلمة هذي لا خطا قل كذا
لكن اللى يوجع القلب لاصار الليفل حقك كلهم يتكلمون واتكوني زي الاطرش بالزفة

يعني اذكر كنا مجموعة وفي ناس خليجين بغض النظر عن الجنسية
التيتشر تضطر تقول ترجم الكلام له او مثلا قالت بكرة واجب كذا سو كذا تضطر تقول ترجم يافلان سوااا اي شخص كان كويس ويعرف وفاهم

لكن مايمنع انك تسجلي فيه وخلال فترة تدرسي اشياء وتحفظي كلمات والخ ....
وبكذا تسهل امورك

طيب وجامعة هيوستن كيف مستواها ؟

وأيضا معلومة انا القبول وصلني بعد اسبوعين او اسبوع ونص

لكن مقدم قبل ست شهور ومالقيت مكان الا بعد ست شهور قالو تبيه ولا دور معهد غيرنا

يعني التقديم موب سهل عندهم خل هشي ببالك يعني شهر اكتوبر انساه
وعشان تتاكد راسلهم وشوف ردهم

انا راسلتهم قالوا عبي الابليكيشن بعدين نشوف و نعطيك رد!
و الحين الشهادة الثانوية حقتي بالعربي و مترجمة بالانجليزي ولا لازم اروح لمكتب ترجمة و يترجملي هي وتكون كلها انجليزي مافي كلمة عربي؟

اوك شاكره لك اخوي
الله يسعدك ويوفقك ماقصرت

يوم اقدم انا شهادتي البكالوريوس كلها انجليزي
عااد مدري عن طريقتهم هل يقبلون كذا او لا
اذا ماراح يقبلون اكيد انهم بيرسلون لك المشكلة وبيقولون ترى شي هذا مايمشي روح عدله ترجمه وارجع راسلنا

مشكور اخوي ..طيب المعهد هل فيه سعودين كثير؟ و معليش على الاطالة

مافي مكان مافيه سعوديين بكل مكان بتلقى سعوديين ماشاء الله
بس اهون من المعاهد الثانية
انا اكثر كلاس درست فيه يصير معي 2 بس
بغض النظر عن المعاهد الثانية تلقى كل الكلاس سعوديين ومافي الا كم ااجنبي

بس رايس اكثر شي تحصله بالكلاس 3 او 4 بالكثير بالكلاس

مشكور طال عمرك.. تعرف معلومات عن معهد Bei ؟ و شكراً